 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യൻ ഇസ്ലാമിക് സെന്റര് സ്വാതന്ത്ര്യ ദിനം ആഘോഷിച്ചു. സെന്റര് ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി പതാക ഉയർത്തി ക്കൊണ്ട് സ്വാതന്ത്ര്യ ദിന സന്ദേശം നൽകി.
സെന്റര് എജുക്കേഷന്‍ സെക്രട്ടറി ഹൈദർ ബിൻ മൊയ്‌ദു, അബുദാബി കെ. എം. സി. സി. വൈസ് പ്രസിഡണ്ട് റഷീദ് പട്ടാമ്പി, ഭാരവാഹികളായ അഹ്മദ് കുട്ടി കുമരനെല്ലൂർ, നൗഷാദ് തൃപ്രങ്ങോട്, മറ്റു സെന്റര് പ്രവര്‍ത്തകരും സ്വാതന്ത്ര്യ ദിന ആഘോഷ ചടങ്ങില്‍ സംബന്ധിച്ചു.
- pma
വായിക്കുക: islamic-center-, ആഘോഷം, കെ.എം.സി.സി., പ്രവാസി, സംഘടന
ദുബായ് : ഗൾഫ് മേഖലയിലെ കർണാടക ഇതിഹാസ ങ്ങളുടെ പൈതൃകം, സംസ്കാരം, സംഭാവനകൾ എന്നിവ വ്യക്തമാക്കുന്ന ‘ഗൾഫ് കർണാടകോത്സവം’ 2023 സെപ്റ്റംബർ 10 ന് ദുബായ് ഗ്രാൻഡ് ഹയാത്തിൽ വെച്ച് നടക്കും.
കർണാടക ഉപ മുഖ്യമന്ത്രി ഡി. കെ. ശിവ കുമാർ, നിയമ സഭാ സ്പീക്കർ യു. ടി. ഖാദർ എന്നിവർ ചടങ്ങിൽ മുഖ്യാതിഥികളായി പങ്കെടുക്കും. കർണാടകയുടെ പൈതൃകത്തിൽ ശ്രദ്ധേയമായ സംഭാവനകൾ നൽകിയ വിശിഷ്ട വ്യക്തികളെ ‘ഗൾഫ് കർണാടക രത്ന അവാർഡ് 2023’ നൽകി ആദരിക്കും.
യു. എ. ഇ. യിൽ ആദ്യമായി ആതിഥേയത്വം വഹിക്കുന്ന ഈ സംഗമം ലോകമെമ്പാടുമുള്ള പ്രമുഖരെയും കലാ കാരന്മാരെയും ഒരുമിച്ച് കൊണ്ടു വരുന്ന ആഘോഷ സായാഹ്നമാകും.
കർണാടകയുടെ സമ്പന്നമായ സാംസ്കാരിക മേള യെക്കുറിച്ച് അവബോധം നൽകുന്ന ‘ഗൾഫ് കർണാടകോത്സവം’ പ്രോഗ്രാമിൽ ആയിരത്തിൽ അധികം അതിഥികൾ പങ്കെടുക്കും. പ്രമുഖ കലാകാരൻമാർ കലാ സാംസ്കാരിക സംഗീത പരിപാടികൾ അവതരിപ്പിക്കും.
കർണാടക ജനതയുടെ സംസ്കാരം, പൈതൃകം, സംഭാവനകൾ എന്നിവ ആഗോള തലത്തിൽ ആഘോഷിക്കുന്ന വാർഷിക ഉത്സവമാണ് ‘ഗൾഫ് കർണാടകോത്സവം’ എന്നു സംഘാടകര്‍ അറിയിച്ചു.
- pma
വായിക്കുക: ആഘോഷം, ഇന്ത്യന്‍ കോണ്സുലേറ്റ്, ദുബായ്, പൂര്‍വ വിദ്യാര്‍ത്ഥി, പ്രവാസി, യു.എ.ഇ., സംഘടന, സാംസ്കാരികം
അബുദാബി : കേരള സോഷ്യൽ സെന്‍ററിന്‍റെ നേതൃത്വ ത്തില്‍ സംഘടിപ്പിക്കുന്ന ഒരു വർഷക്കാലം നീണ്ടു നിൽക്കുന്ന ഇന്തോ – യു. എ. ഇ. സാംസ്കാരിക സമന്വയ വർഷാചരണത്തിന് തുടക്കമായി. യു. എ. ഇ. പ്രസിഡൻഷ്യൽ കാര്യ മന്ത്രാലയത്തിലെ മത-നീതി ന്യായ കാര്യ ഉപദേഷ്ടാവ് സയ്യിദ് അലി അൽ ഹാഷ്മി സാംസ്കാരിക സമന്വയ വർഷാചരണ ത്തിന്‍റെ ഔപചാരികമായ ഉദ്‌ഘാടനം നിർവ്വഹിച്ചു.
ഇന്ത്യയും യു. എ. ഇ. യും തമ്മിലുള്ള ഊഷ്മളമായ ബന്ധത്തെക്കുറിച്ചും യു. എ. ഇ. യുടെ സമഗ്ര വികസന ത്തിൽ ഇന്ത്യൻ സമൂഹത്തിന്‍റെ പങ്കിനെ ക്കുറിച്ചും അദ്ദേഹം എടുത്തു പറഞ്ഞു.
ഇന്ത്യയുടെ രാഷ്ട്ര പിതാവ് മഹാത്മാ ഗാന്ധിയും യു. എ. ഇ യുടെ രാഷ്ട്ര പിതാവ് ശൈഖ് സായിദ് ബിൻ സുൽത്താൻ അൽ നഹ്യാനും മുന്നോട്ടു വച്ചത് ഒരേ ആശയങ്ങളും ദർശനങ്ങളും ആണെന്നും ഇത് ഇരു രാജ്യങ്ങളുടെയും സമഗ്ര വികസന ത്തിനും സമാധാനത്തിനും നിദാനമായ കാരണങ്ങളിൽ പ്രധാനപ്പെട്ടവയാണ് എന്നും അദ്ദേഹം കൂട്ടിച്ചേർത്തു.
ഇന്ത്യൻ എംബസ്സി ഡെപ്യൂട്ടി ചീഫ് ഓഫ് മിഷൻ എ. അമർനാഥ് മുഖ്യാതിഥി ആയിരുന്നു. കേരള സോഷ്യൽ സെന്‍റർ പ്രസിഡണ്ട് എ. കെ. ബീരാൻ കുട്ടി അദ്ധ്യക്ഷത വഹിച്ചു.
അബുദാബി കമ്മ്യുണിറ്റി പോലീസ് പ്രതിനിധി ആസിയ ദഹൂറി, ഇന്ത്യൻ ഇസ്ലാമിക് സെന്‍റർ പ്രസിഡണ്ട് പി. ബാവാ ഹാജി, അബുദാബി മലയാളി സമാജം ജനറൽ സെക്രട്ടറി എം. യു. ഇർഷാദ്, ഐ. എസ്. സി. വൈസ് പ്രസിഡണ്ട് രജി ഉലഹന്നാൻ, യു. അബ്ദുള്ള ഫറൂഖി, അഹല്യ ഹോസ്പിറ്റൽ സീനിയർ ഓപ്പറേഷൻ മാനേജർ സൂരജ് പ്രഭാകർ, എല്‍. എല്‍. എച്ച്. ഹോസ്പിറ്റൽ മാര്‍ക്കറ്റിംഗ് മാനേജര്‍ നിര്‍മ്മല്‍ ചിറയത്ത് തുടങ്ങി സാമൂഹിക സാംസ്കാരിക ബിസിനസ്സ് രംഗങ്ങളിലെ പ്രമുഖര്‍ സംബന്ധിച്ചു.
കെ. എസ്. സി. ജനറൽ സെക്രട്ടറി കെ. സത്യൻ സ്വാഗതവും ജോ. സെക്രട്ടറി പി. ശ്രീകാന്ത് നന്ദിയും പറഞ്ഞു. സെന്റര് വനിതാ വിഭാഗം ജോയിന്‍റ് കൺവീനർ ചിത്ര ശ്രീവത്സൻ അവതാരകയായി.
— Kerala Social Center , Abu Dhabi ( K S C ) (@KSCauh) June 27, 2023
പ്രശസ്ത ബംഗാളി ബാവുൾ നാടോടി ഗായികയും ഇന്ത്യയിലെ പ്രമുഖ ബാവുൾ സംഗീതജ്ഞരിൽ ഒരാളുമായ പാർവ്വതി ബാവുൾ അവതരിപ്പിച്ച ‘ദി മിസ്റ്റിക് പോയട്രി ഓഫ് ദി ബാവുൾസ്‌’ എന്ന സംഗീത പരിപാടി ശ്രദ്ധേയമായി.
ഇന്ത്യയിലെയും യു. എ. ഇ. യിലെയും വിവിധ തനത് കലാ രൂപങ്ങളെയും സംസ്കാരങ്ങളെയും മലയാളി പ്രവാസി സമൂഹത്തിന് പരിചയപ്പെടുത്തി ക്കൊടുക്കുന്ന വിവിധ പരിപാടികൾ ഒരു വർഷക്കാലത്തെ സാംസ്കാരിക സമന്വയ വർഷാചരണത്തിന്‍റെ ഭാഗമായി കേരള സോഷ്യൽ സെന്‍ററിൽ തുടർ ദിവസങ്ങളിൽ നടക്കും.
- pma
വായിക്കുക: ആഘോഷം, കേരള സോഷ്യല്‍ സെന്റര്, യു.എ.ഇ., സംഗീതം, സംഘടന, സാംസ്കാരികം, സാഹിത്യം
അബുദാബി : 2023 ജൂണ്‍ 27 ചൊവ്വാഴ്ച മുതല്‍ ജൂണ്‍ 30 വെള്ളി വരെയുള്ള ബലി പെരുന്നാൾ അവധി ദിവസ ങ്ങളിൽ അബുദാബിയിലെ പാര്‍ക്കിംഗ്, ടോള്‍ എന്നിവ സൗജന്യം ആയിരിക്കും എന്ന് സംയോജിത ഗതാഗത വകുപ്പ് (ITC) അറിയിച്ചു. ചൊവ്വാഴ്ച രാവിലെ മുതൽ ജൂലായ് 1 രാവിലെ 7.59 വരെ പാര്‍ക്കിംഗ്, ടോള്‍ എന്നിവയുടെ സൗജന്യം ലഭ്യമാവുക. ഐ. ടി. സി. യുടെ ഉപഭോക്തൃ സേവന കേന്ദ്രങ്ങള്‍ക്ക് ജൂലായ് 3 വരെ അവധി ആയിരിക്കും.
تفاصيل مواعيد خدمات مركز النقل المتكامل خلال عطلة عيد الأضحى التي تبدأ يوم الثلاثاء 27 يونيو 2023 وتستمر حتى يوم الجمعة 30 يونيو 2023. كل عام وأنتم بخير pic.twitter.com/hkEU4xwuX4
— "ITC" مركز النقل المتكامل (@ITCAbuDhabi) June 26, 2023
2023 ജൂലായ് ഒന്നു മുതല്‍ ടോള്‍ പേയ്മെന്‍റ് വീണ്ടും ആരംഭിക്കും. രാവിലെ 7 മണി മുതല്‍ 9 മണി വരെയും വൈകുന്നേരം 5 മണി മുതല്‍ 7 മണി വരെയും ടോള്‍ ഗേറ്റിലൂടെ കടന്നു പോകുന്ന വാഹനങ്ങള്‍ ദർബ് ആപ്പിലൂടെ ടോൾ നിരക്ക് നല്‍കണം.
അവധി ദിനങ്ങളിലും റസിഡൻഷ്യൽ പാർക്കിംഗ് ഏരിയ കളില്‍ രാത്രി 9 മണി മുതൽ രാവിലെ 8 മണി വരെ മറ്റു വാഹനങ്ങൾ പാർക്ക് ചെയ്യാൻ പാടില്ല. ബലി പെരുന്നാൾ തിരക്കുകൾ കണക്കിലെടുത്ത് പൊതു വാഹന സംവിധാനങ്ങളായ ബസ്സ് – ടാക്സി സർവ്വീസു കൾ കൂടുതൽ വിപുലമാക്കിയിട്ടുണ്ട്.
- pma
അബുദാബി : മലപ്പുറം ജില്ലാ കെ. എം. സി. സി. യുടെ നേതൃത്വത്തില്‍ അബുദാബി ഇന്ത്യൻ ഇസ്ലാമിക് സെന്‍ററില്‍ രണ്ടു ദിവസങ്ങളിലായി ഒരുക്കിയ ‘മഹിതം മലപ്പുറം’ ഫെസ്റ്റ്-2023 വൈവിധ്യങ്ങളായ പരിപാടികളാല്‍ വേറിട്ടതായി. പ്രസിഡണ്ട് കാളിയാടൻ അസീസ് അദ്ധ്യക്ഷത വഹിച്ചു. യു. അബ്ദുല്ല ഫാറൂഖി ഉത്ഘാടനം ചെയ്തു.
മുഖ്യ അതിഥിയായി നാട്ടിൽ നിന്നും എത്തിയ കുറുമ്പ ചേച്ചിയെ കരഘോഷത്തോട് കൂടിയാണ് മഹിതം വേദി സ്വീകരിച്ചത്. മുസ്ലീം ലീഗ് നേതാവ് ഇ. ടി. മുഹമ്മദ് ബഷീർ എം. പി. മഹിതം മലപ്പുറം വേദി യിൽ കുറുമ്പയെ ആദരിച്ചു.
ഫാത്തിയ അൽ നിഥാരി, സാലഹ് കഹ്‌മീസ് അൽ ജുനൈബി, ഫദൽ അൽ തമീമി, നവീൻ ഹൂദ് അലി, കഥാകാരി കെ. പി. സുധീര, അഡ്വ. കെ. വി. മുഹമ്മദ് കുഞ്ഞി, ഷാജഹാൻ മാടമ്പാട്, എം. പി. എം. റഷീദ്, ഷുക്കൂറലി കല്ലുങ്കൽ, ടി. കെ. അബ്ദുസ്സലാം, അഷ്‌റഫ് പൊന്നാനി, അബ്ദുൽ റഹ്മാൻ ഹാജി, വെട്ടം ആലി ക്കോയ, നൗഫൽ അരീക്കൻ തുടങ്ങീ മത സാമൂഹിക സാംസ്കാരിക വ്യാപാര രംഗത്തെ പ്രമുഖരും സംബന്ധിച്ചു.
കെ. എം. സി. സി. മലപ്പുറം ജില്ലാ കമ്മിറ്റിക്കു കീഴിലുള്ള വിവിധ മണ്ഡലം കമ്മറ്റി കളുടെ കലാ പരിപാടികളും ഭക്ഷണ ശാലകളും മലപ്പുറം ഫെസ്റ്റിനു മറ്റു കൂട്ടി. വിവിധ ദേശക്കാരായ അയ്യായിരത്തോളം ആളുകൾ സന്ദർശകര്‍ ആയി എത്തി.
മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും കലാപരമായ പൈതൃക വും സാംസ്കാരിക വൈവിധ്യവും മനസ്സിലാക്കാനും തനതായ രുചി കൂട്ടുകളും അനുഭവിക്കാനും കഴിഞ്ഞ മേള യായിരുന്നു മഹിതം മലപ്പുറം.
ഭാരവാഹികളായ കെ. കെ. ഹംസ ക്കോയ, അഷ്‌റഫലി പുതുക്കുടി, ഫെസ്റ്റ് കൺവീനർ നൗഷാദ് തൃപ്രങ്ങോട്, കുഞ്ഞിപ്പ മോങ്ങം, ഹുസ്സൈൻ സി. കെ., ബഷീർ വറ്റല്ലൂർ, ഹസ്സൻ അരീക്കൻ, എ. കെ. ഷംസു, മുനീർ എടയൂർ, ഷാഹിദ് ചെമ്മുക്കൻ, സാൽമി പാട്ടശ്ശേരി, നാസർ വൈലത്തൂർ, സാഹിർ പൊന്നാനി, സമീർ പുറത്തൂർ , സിറാജ് ആതവനാട് , സൈയ്തു മുഹമ്മദ്, മുജീബ് വേങ്ങര എന്നിവർ പരിപാടിക്ക് നേതൃത്വം നൽകി. ഹൈദർ ബിൻ മൊയ്‌ദു, നിദാ ഹാരിസ് എന്നിവർ സ്റ്റേജ് നിയന്ത്രിച്ചു.
- pma
വായിക്കുക: islamic-center-, nri, ആഘോഷം, കെ.എം.സി.സി., കേരള രാഷ്ട്രീയ നേതാക്കള്‍, പ്രവാസി, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
