 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ശക്തി തിയ്യറ്റേഴ്‌സ് അബുദാബി ഒരുക്കിയ വിഷു – ഈദ് – ഈസ്റ്റർ ആഘോഷങ്ങൾ കേരള സോഷ്യൽ സെൻ്ററിൽ അരങ്ങേറി. ശക്തി പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. ആക്ടിംഗ് സെക്രട്ടറി നികേഷ് വലിയ വളപ്പിൽ സ്വാഗതം ആശംസിച്ചു.
കെ. എസ്. സി. പ്രസിഡണ്ട് എ. കെ. ബീരാൻ കുട്ടി, ശക്തി വനിതാ വേദി കൺവീനർ ബിന്ദു നഹാസ്, കലാ വിഭാഗം സെക്രട്ടറിമാരായ അജിൻ, സൈനു എന്നിവർ സംസാരിച്ചു. ശക്തി കലാ വിഭാഗവും ബാലസംഘം കുട്ടികളും വൈവിധ്യമാർന്ന കലാപരിപാടികൾ അവതരിപ്പിച്ചു.
- pma
വായിക്കുക: ആഘോഷം, കുട്ടികള്‍, കേരള സോഷ്യല്‍ സെന്റര്‍, പൂര്‍വ വിദ്യാര്‍ത്ഥി, ശക്തി തിയേറ്റഴ്സ്, സംഘടന, സാഹിത്യം, സ്ത്രീ
അബുദാബി : വൈവിധ്യമാർന്ന പരിപാടികളോടെ അബുദാബി കേരള സോഷ്യൽ സെന്‍റ ഈദ് – വിഷു – ഈസ്റ്റർ ആഘോഷം സംഘടിപ്പിച്ചു. രണ്ടാം ഈദ് ദിനത്തിൽ സെന്‍റർ ഓഡിറ്റോറിയത്തിൽ ഒരുക്കിയ ആഘോഷത്തിൽ കെ. എസ്. സി. ബാലവേദി, വനിതാ വിഭാഗം, കലാ വിഭാഗം എന്നിവർ അവതരിപ്പിച്ച വേറിട്ട വിവിധ കലാ പരിപാടികൾ പ്രേക്ഷക ശ്രദ്ധ നേടി.
കെ. എസ്. സി. ജനറൽ സെക്രട്ടറി കെ. സത്യൻ, മുൻ പ്രസിഡണ്ട് കെ. ബി. മുരളി എന്നിവർ സംസാരിച്ചു. ട്രഷറർ ഷബിൻ പ്രേമരാജൻ, വനിതാ വിഭാഗം ആക്ടിംഗ് കൺവീനർ ചിത്ര ശ്രീവത്സൻ, ബാലവേദി പ്രസിഡണ്ട് അഥീന ഫാത്തിമ, വളണ്ടിയർ ക്യാപ്റ്റൻ അരുൺ കൃഷ്ണൻ, മാനേജിംഗ് കമ്മിറ്റി അംഗങ്ങൾ തുടങ്ങിയവർ ചടങ്ങിൽ സംബന്ധിച്ചു. അനു ജോൺ പരിപാടിയുടെ അവതാരകയായി.
കേരള സോഷ്യൽ സെന്‍റർ നടത്തിയ യു. എ. ഇ. തല യുവ ജനോത്സവത്തിൽ ബെസ്റ്റ് പെർഫോമൻസ് അവാർഡ് നേടിയവർക്ക് ട്രോഫികൾ സമ്മാനിച്ചു. കലാ വിഭാഗം സെക്രട്ടറി ലതീഷ് ശങ്കർ സ്വാഗതവും അസിസ്റ്റന്റ് കലാവിഭാഗം സെക്രട്ടറി ബാദുഷ നന്ദിയും പറഞ്ഞു. F B PAGE
- pma
വായിക്കുക: onam, ramadan, ആഘോഷം, കുട്ടികള്‍, കേരള സോഷ്യല്‍ സെന്റര്‍, പ്രവാസി, സംഗീതം, സംഘടന, സാംസ്കാരികം
അബുദാബി : യു. എ. ഇ. യിൽ ചെറിയ പെരുന്നാൾ അവധി പ്രഖ്യാപിച്ചു. ഫെഡറല്‍ ഗവണ്‍മെൻ്റ് സ്ഥാപനങ്ങള്‍ക്കും ജീവനക്കാര്‍ക്കും ഒരാഴ്ച നീണ്ടു നിൽക്കുന്ന അവധി ലഭിക്കും. 2024 ഏപ്രിൽ 8 തിങ്കളാഴ്ച (റമദാൻ 29) മുതൽ ഏപ്രിൽ 14 ഞായറാഴ്ച വരെയാണ് പെരുന്നാൾ അവധി ദിനങ്ങൾ പ്രഖ്യാപിച്ചിട്ടുള്ളത്.
ശനിയും ഞായറും യു. എ. ഇ. യിൽ ഔദ്യോഗിക വാരാന്ത്യ അവധി ആയതിനാൽ സർക്കാർ സ്ഥാപനങ്ങൾ ഒൻപതു ദിവസങ്ങൾക്ക് ശേഷം ഏപ്രിൽ 15 മുതൽ പ്രവൃത്തി പുനരാരംഭിക്കുകയുള്ളൂ.
സ്വകാര്യ മേഖലയിലെ സ്ഥാപനങ്ങൾക്കും ജീവനക്കാർക്കും ഏപ്രിൽ 8 മുതൽ 12 വെള്ളിയാഴ്ച വരെയാണ് അവധി. ശനിയും ഞായറും അവധി നൽകി വരുന്ന സ്വകാര്യ മേഖലയിലുള്ളവർക്ക് ഫെഡറല്‍ ഗവണ്‍മെൻ്റ് അവധി പോലെ ദീർഘ ദിനങ്ങൾ പെരുന്നാൾ അവധി ലഭിക്കും.
റമദാൻ 29 (ഏപ്രിൽ 8 തിങ്കളാഴ്ച) ചന്ദ്രപ്പിറവി ദൃശ്യമായാൽ ഏപ്രിൽ 9 ചൊവ്വാഴ്ച (ശവ്വാൽ ഒന്ന്) ഈദുൽ ഫിത്വർ ആഘോഷിക്കും. അല്ലെങ്കിൽ റമദാൻ 30 പൂർത്തിയാക്കി ഏപ്രിൽ 10 ബുധനാഴ്ച പെരുന്നാൾ ആയിരിക്കും.
- pma
അബുദാബി : അൽ ഐൻ സെന്റ് ഡയനീഷ്യസ് ഓര്‍ത്തഡോക്‌സ് ദേവാല യത്തില്‍ വട്ടശ്ശേരില്‍ ഗീവര്‍ഗ്ഗീസ് മാര്‍ ദിവന്നാസിയോസിന്റെ ഓര്‍മ്മ പ്പെരുന്നാളിൻ്റെ ഭാഗമായ പൊതു സമ്മേളനം മാർച്ച് 3 ഞായറാഴ്ച നടക്കും എന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
രാവിലെ 8 മണിക്ക് പ്രഭാത നമസ്‌കാരം, കുര്‍ബാന, പ്രദക്ഷിണം, പെരുന്നള്‍ വാഴ്വ്, നേര്‍ച്ച എന്നിവ നടക്കും. മലങ്കര സഭയുടെ പരമാദ്ധ്യക്ഷൻ മോറാൻ മാർ ബസേലിയോസ് മാർത്തോമ്മ മാത്യൂസ് തൃതിയൻ കാതോലിക്ക ബാവ മുഖ്യ കാർമ്മികത്വം വഹിക്കും.
ഡൽഹി ഭദ്രാസന മെത്രാപ്പോലീത്താ ഡോ. യൂഹാനോൻ മാർ ദെമിത്രിയോസ്‌ സഹ കാർമ്മികൻ ആയിരിക്കും. അഡ്വ. തോമസ് പോൾ റമ്പാൻ മുഖ്യ പ്രഭാഷണം നിർവ്വഹിക്കും. എമറാള്‍ഡ് ജൂബിലി പൊതു സമ്മേളനത്തില്‍ യു. എ. ഇ. ലെ എല്ലാ എമിറേറ്റുകളിലെയും ഓർത്തഡോക്സ്‌ സഭാ വിശ്വാസികൾ പങ്കെടുക്കും.
മോറാൻ മാർ ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്ക ബാവ,റവ. അഡ്വ. തോമസ് പോൾ റമ്പാൻ, അൽ ഐൻ ഇടവക വികാരി റവ. ഫാ. ജോൺസൺ ഐപ്പ്, അബുദാബി വികാരി റവ. ഫാ. എൽദോ എം. പോൾ, റവ. ഫാ. മാത്യൂ ജോൺ. അൽ ഐൻ ട്രസ്റ്റി ജേക്കബ്ബ് ഏബ്രഹാം, അൽ ഐൻ സെക്രട്ടറി വർഗ്ഗീസ് കെ. ചെറിയാൻ, ജനറൽ കൺവീനർ ബെൻസൻ ബേബി, മീഡിയ കൺവീനർ ബെൻസി തരകൻ, പ്രോഗ്രാം കൺവീനർ സിബി ജേക്കബ്, അബുദാബി ട്രസ്റ്റി ഗീവർഗ്ഗീസ് ഫിലിപ്പ് അബുദാബി സെക്രട്ടറി ഐ. തോമസ് എന്നിവർ വാർത്താ സമ്മേളനത്തിൽ സംബന്ധിച്ചു.
- pma
വായിക്കുക: st-dionysius-orthodox-church-, st-george-orthodox-church-, ആഘോഷം, മതം
അൽഐൻ : സെൻറ് ഡയനീഷ്യസ് ഓർത്തഡോക്സ്‌ ദേവാലയത്തിലെ പെരുന്നാളിന്‌ കൊടിയേറി. ഫെബ്രുവരി 25 ഞായറാഴ്ച വിശുദ്ധ കുർബാനക്കു ശേഷം ഇടവക വികാരി റവ. ഫാദർ. ജോൺസൺ ഐപ്പ് കൊടിയേറ്റ്‌ കർമ്മം നിർവ്വഹിച്ചു. ഇടവക ട്രസ്റ്റി ജേക്കബ്ബ് ഏബ്രഹാം, സെക്രട്ടറി വർഗ്ഗീസ് കെ. ചെറിയാൻ, ജൂബിലി ജനറൽ കൺവീനർ ബെൻസൻ ബേബി, പ്രോഗ്രാം കൺവീനർ സിബി ജേക്കബ്ബ്, മാനേജിംഗ് കമ്മിറ്റി അംഗങ്ങൾ, പെരുന്നാൾ കമ്മിറ്റി അംഗങ്ങൾ തുടങ്ങിയവരും ഇടവകാംഗങ്ങളും സംബന്ധിച്ചു.
വട്ടശ്ശേരിൽ തിരുമേനിയുടെ 90-ാമത്‌ ഓർമ്മ പ്പെരുന്നാളും ദേവാലയ കൂദാശയുടെ 10-ആം വാർഷികവും അൽഐനിലെ ഓർത്തഡോക്സ്‌ വിശ്വാസികൾക്കായി ആദ്യത്തെ വിശുദ്ധ കുർബാന അർപ്പിച്ചതിൻ്റെ 55-ആം വാർഷികവും 2024 മാർച്ച് 2, 3 തീയ്യതികളിൽ ആചരിക്കും എന്ന് മാനേജിംഗ് കമ്മിറ്റി വാർത്താക്കുറിപ്പിൽ അറിയിച്ചു.
മലങ്കര സഭയുടെ പരമാദ്ധ്യക്ഷൻ മോറാൻ മാർ ബസേലിയോസ് മാർത്തോമ്മ മാത്യൂസ് തൃതിയൻ കാതോലിക്ക ബാവ പെരുന്നാളിന്‌ മുഖ്യ കാർമ്മികത്വം വഹിക്കും. ഡൽഹി ഭദ്രാസന മെത്രാപ്പോലീത്താ ഡോ. യൂഹാനോൻ മാർ ദെമിത്രിയോസ്‌ സഹ കാർമ്മികൻ ആയിരിക്കും. അഡ്വ. തോമസ് പോൾ റമ്പാൻ മുഖ്യ പ്രഭാഷണം നിർവ്വഹിക്കും.
യു. എ. ഇ. ലെ എല്ലാ എമിറേറ്റുകളിലെയും ഓർത്തഡോക്സ്‌ സഭാ വിശ്വാസികൾ പെരുന്നാളിൽ പങ്കെടുക്കും എന്ന് മീഡിയ കൺവീനർ ബെൻസി തരകൻ അറിയിച്ചു. FB Page
- pma
വായിക്കുക: st-dionysius-orthodox-church-, ആഘോഷം, പൂര്‍വ വിദ്യാര്‍ത്ഥി, പ്രവാസി, മതം, വിദ്യാഭ്യാസം, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
