അബുദാബി : രാജപുരം ഹോളി ഫാമിലി ഹൈസ്കൂള്‍ പൂര്‍വ്വ വിദ്യാര്‍ത്ഥികളുടെ കൂട്ടായ്മ അബുദാബി ഘടകം ഒരുക്കിയ ഓണാഘോഷം ‘തെയ്തക 2023’ വേറിട്ട പരിപാടികളാല്‍ ശ്രദ്ധേയമായി.
രാജപുരം സ്‌കൂളിലെ റിട്ടയേര്‍ഡ് മലയാളം അദ്ധ്യാപകന്‍ തളത്തു കുന്നേല്‍ ജോസഫ് മാസ്റ്റര്‍ ചടങ്ങ് ഉത്ഘാടനം ചെയ്തു. അബുദാബി ഘടകം പ്രസിഡണ്ട് മനോജ് മരുതൂർ അദ്ധ്യക്ഷത വഹിച്ചു. അബുദാബിയിലെ വിവിധ സാമൂഹിക സാംസ്കാരിക സംഘടന – കൂട്ടായ്മ ഭാര വാഹികള്‍ സംബന്ധിച്ചു. സെക്രട്ടറി സജിന്‍ പുള്ളോലിക്കല്‍ സ്വാഗതവും അഡ്വൈസർ വിശ്വംഭരൻ ചുള്ളിക്കര നന്ദി പ്രകാശിപ്പിച്ചു.
വിഭവസമൃദ്ധമായ ഓണ സദ്യ, മാവേലി എഴുന്നള്ളത്ത്, തിരുവാതിര, ഒപ്പന, മാര്‍ഗ്ഗം കളി, കോമഡി സ്‌കിറ്റ്, നാടോടി നൃത്തം മുതലായ വിവിധ കലാപരിപാടികള്‍ അരങ്ങേറി.
