 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ടെലികോം ഡിജിറ്റൽ റെഗുലേറ്ററി അഥോറിറ്റി യുടെ നിയന്ത്രണങ്ങള് പാലിക്കാതെ വി. പി. എൻ. ഉപയോഗിക്കുന്നത് സൈബർ കുറ്റകൃത്യം എന്ന് അധികൃതര്. ബാങ്കുകൾ ഉൾപ്പെടെയുള്ള സ്ഥാപനങ്ങളുടെ ആഭ്യന്തര കാര്യങ്ങള്ക്കായി വി. പി. എൻ. ഉപയോഗിക്കുവാന് മാത്രമേ യു. എ. ഇ. യിൽ അനുമതിയുള്ളൂ. സർക്കാർ നിരോധിച്ച വെബ് സൈറ്റു കള് വി. പി. എൻ. വഴി പ്രവേശിക്കുന്നതും ക്രിമിനൽ നടപടികൾക്കു വേണ്ടി വി. പി. എൻ. ഡൗണ് ലോഡ് ചെയ്യുന്നതും കുറ്റകരം എന്നും അധികൃതര് ഓര്മ്മിപ്പിച്ചു.
- pma
വായിക്കുക: social-media, ഇന്റര്നെറ്റ്, കുറ്റകൃത്യം, നിയമം
അബുദാബി : സര്ക്കാര് ജീവനക്കാരന് എന്ന നിലയില് പൊതു ജനങ്ങള്ക്ക് ഇടയില് ആൾ മാറാട്ടം നടത്തുന്ന വർക്ക് 5 വർഷം തടവു ശിക്ഷ ലഭിക്കും എന്ന് യു. എ. ഇ. പബ്ലിക് പ്രോസിക്യൂഷൻ മുന്നറിയിപ്പു നല്കി.
യോഗ്യതയോ ഉത്തര വാദിത്വമോ ഇല്ലാതെ ഒരു നിയമ വിരുദ്ധ പ്രവർത്തനം നടത്തുക, ഏതെങ്കിലും തരത്തിലുള്ള നേട്ടം നേടുകയോ ചെയ്യുന്നവർക്കും ഇതേ ശിക്ഷ ബാധകം എന്നും പബ്ലിക് പ്രോസിക്യൂഷൻ അറിയിച്ചു.
കുറ്റ കൃത്യങ്ങളിൽ, ഒരു പോലീസ് ഉദ്യോഗസ്ഥന് ആയുള്ള ആൾമാറാട്ടം നടത്തിയാല് ഒരു വർഷത്തിൽ കുറയാത്തതും അഞ്ച് വർഷ ത്തിൽ കൂടാത്തത്തുമായ തടവു ശിക്ഷ ലഭിക്കുന്നതാണ്.
നിയമ സംസ്കാരം പൊതു ജനങ്ങള്ക്ക് ഇടയില് പ്രോത്സാഹിപ്പിക്കുവാനും നിയമത്തെ ക്കുറിച്ച് സമൂഹത്തില് അവബോധം വളർ ത്തുന്നതിനും കൂടിയുള്ള നിരന്തരമായ ശ്രമങ്ങളുടെ ഭാഗമായാണ് ഈ മുന്നറിയിപ്പ്.
- pma
വായിക്കുക: public-prosecution, അബുദാബി, കുറ്റകൃത്യം, നിയമം, പ്രവാസി, യു.എ.ഇ.
അബുദാബി : യു. എ. ഇ. യില് സംഘടിത ഭിക്ഷാടനം ചെയ്യുന്നവര്ക്ക് കുറഞ്ഞത് ആറു മാസം വരെ തടവും ഒരു ലക്ഷം ദിർഹം പിഴയും ശിക്ഷ ചുമത്തും എന്ന് പബ്ലിക്ക് പ്രൊസിക്യൂഷന്.
2021-ലെ ഫെഡറൽ ഉത്തരവ്-നിയമ നമ്പർ 31-ലെ ആർട്ടിക്കിൾ 476 പ്രകാരം കുറ്റ കൃത്യങ്ങളുടെയും പിഴകളുടെയും ശിക്ഷാ നിയമം പ്രകാരം, “രണ്ടോ അതില് അധികമോ ആളുകളുടെ സംഘടിത കൂട്ടം ചേര്ന്നു നടത്തുന്ന ഭിക്ഷാടനം ചെയ്യുന്നവര്ക്ക്” കുറഞ്ഞത് 6 മാസത്തെ തടവു ശിക്ഷയും 100,000 ദിര്ഹം പിഴയും ലഭിക്കും എന്ന് യു. എ. ഇ. പബ്ലിക് പ്രോസിക്യൂഷൻ (പി.പി) സോഷ്യൽ മീഡിയ പോസ്റ്റുകളിലൂടെ അറിയിച്ചു.
വ്യക്തികളെ സംഘടിത ഭിക്ഷാടനത്തിനായി ഈ രാജ്യത്തേക്ക് കൊണ്ടു വന്നാൽ അവര്ക്കും അതേ പിഴ ശിക്ഷ നല്കും എന്നും ഓര്മ്മിപ്പിച്ചു. രാജ്യത്ത് യാചന നടത്തിയാല് 3 മാസം ജയില് ശിക്ഷയും 5,000 ദിര്ഹം പിഴയും ലഭിക്കുന്ന ‘ഭിക്ഷാടന നിരോധന’ നിയമം നില നില്ക്കുന്നുണ്ട്.
Managing organized begging offence #law #legal_culture #publicprosecution #safe_society pic.twitter.com/n7JQ1q53Km
— النيابة العامة (@UAE_PP) February 23, 2022
സമൂഹത്തില് നിയമ സംസ്കാരം വർദ്ധിപ്പിക്കുന്നതിനും രാജ്യത്തെ ഏറ്റവും പുതിയ നിയമ നിർമ്മാണങ്ങളെ ക്കുറിച്ചുള്ള അവബോധം വർദ്ധിപ്പിക്കുവാനും കൂടി യുള്ള പബ്ലിക് പ്രോസിക്യൂഷന്റെ നിരന്തര ശ്രമങ്ങളുടെ ഭാഗമാണ് ഈ പോസ്റ്റ്.
- pma
വായിക്കുക: public-prosecution, കുറ്റകൃത്യം, നിയമം, യു.എ.ഇ., സാമ്പത്തികം
അബുദാബി : പെണ്കുട്ടിയെ ബലാല്സംഗം ചെയ്ത്, കൂട്ട ബലാത്സംഗത്തിന്റെ വീഡിയോ സമൂഹ മാധ്യമങ്ങളിൽ പ്രചരിപ്പിച്ച ഒരു സംഘം ആളുകളെ അബുദാബി പോലീസ് അറസ്റ്റു ചെയ്തു. സംഭവത്തെപ്പറ്റി അബു ദാബി പോലീസ് വിപുലമായ അന്വേഷണം നടത്തി വരിക യാണ് എന്ന് ദേശീയ വാര്ത്താ ഏജന്സി ‘WAM-വാം’ റിപ്പോര്ട്ട് ചെയ്തു.
കുറ്റാരോപിതരായ സംഘത്തിനെ ബുധനാഴ്ച തന്നെ അറസ്റ്റു ചെയ്തു എന്നും നിലവിൽ പബ്ലിക് പ്രോസി ക്യൂട്ടറുടെ നേരിട്ടുള്ള മേൽ നോട്ടത്തിൽ വിപുല മായ അന്വേഷണം നടത്തി വരികയാണ് എന്നും യു. എ. ഇ. അറ്റോർണി ജനറൽ ഹമദ് സെയ്ഫ് അൽ ഷംസി അറിയിച്ചു.
യു. എ. ഇ. സമൂഹത്തിൽ സ്വീകാര്യമല്ലാത്ത തരത്തിലുള്ള അധാർമ്മികത ഈ സംഭവ ത്തില് അടങ്ങിയിട്ടുണ്ട് എന്നും അറ്റോർണി ജനറൽ കൂട്ടി ച്ചേർത്തു.
ഇമാറാത്തി സമൂഹത്തിന്റെ ധാർമ്മികതയും സാമൂഹിക മൂല്യങ്ങളും ലംഘിക്കുകയും പൊതു സുരക്ഷ യെ തടസ്സ പ്പെടുത്തുകയും ചെയ്യുന്നവർക്ക് എതിരെ അധികാരികൾ കർശനമായി നില കൊള്ളും എന്നും അറ്റോർണ്ണി ജനറൽ പൊതു ജനങ്ങൾക്ക് ഉറപ്പു നൽകി.
- pma
വായിക്കുക: social-media, കുട്ടികള്, കുറ്റകൃത്യം, നിയമം, പോലീസ്, യു.എ.ഇ.
അബുദാബി : യു. എ. ഇ. യില് ക്വാറന്റൈന് നിയമം ലംഘിച്ച 129 പേര്ക്ക് എതിരെ കേസ് എടുത്തു പബ്ലിക് പ്രോസി ക്യൂഷനു കൈമാറി. ദേശീയ തല ത്തില് എല്ലാ രാത്രികളിലും നടന്നു വരുന്ന അണു നശീകരണ സമയ ത്ത് നിയമം ലംഘിച്ച് പുറത്ത് ഇറങ്ങിയ വർക്കും പൊതു ഇട ങ്ങളില് സാമൂഹിക അകലം പാലിക്കാത്ത വർക്കും എതിരെ യാണ് നടപടി.
129 violators of quarantine measures referred to Attorney-General#WamNews https://t.co/yN5iCnXo4B
— WAM English (@WAMNEWS_ENG) April 10, 2020
ആദ്യ തവണ നിയമം ലംഘിക്കുന്നവർക്ക് 50,000 ദിർഹം പിഴയും നിയമ ലംഘനം ആവർത്തിച്ചാൽ 1 ലക്ഷം ദിർഹം പിഴയും മൂന്നാം തവണയും നിയമം ലംഘി ക്കുന്ന വർക്ക് പിഴ തുകക്കു പുറമെ 3 വർഷം വരെ തടവു ശിക്ഷ യും ഉണ്ടാവും.
പിഴ അടച്ച് കേസ് ഒഴിവായാൽ മാത്രമേ ഇവർക്കു രാജ്യം വിട്ടു പോകുവാന് സാധിക്കുകയുള്ളൂ. മാത്രമല്ല പിഴ നല്കാത്ത വരുടെ വിവര ങ്ങൾ e ക്രിമിനൽ സിസ്റ്റ ത്തിൽ രേഖപ്പെടുത്തുകയും ചെയ്യും.
- pma
വായിക്കുക: covid-19, social-media, കുറ്റകൃത്യം, കോടതി, നിയമം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
