ദുബായ് : ജനങ്ങളോടൊപ്പം നിന്ന് കൊടുങ്ങല്ലൂരിന്‍റെ സമഗ്ര വികസന ത്തിന് പ്രവര്‍ത്തിക്കും എന്ന് ദുബായ് കൊടുങ്ങല്ലൂര്‍ മണ്ഡലം യു. ഡി. എഫ്. കണ്‍വെന്‍ഷനെ ഫോണിലുടെ അഭിസംബോധന ചെയ്തു കൊണ്ട് കൊടുങ്ങല്ലൂര്‍ മണ്ഡലം സ്ഥാനാര്‍ത്ഥിയും നാട്ടിക മണ്ഡലം എം. എല്‍. എ. യുമായ ടി. എന്‍. പ്രതാപന്‍ പറഞ്ഞു.
കൊടുങ്ങല്ലൂരില്‍ പ്രചാരണ പര്യടനം പോലീസ് മൈതാനിയില്‍ പ്രശസ്ത ചലച്ചിത്ര സംവിധായകന്‍ കമല്‍ ഉദ്ഘാടനം ചെയ്യുന്നതും പ്രമുഖ വ്യക്തിത്വ ങ്ങള്‍ സംബന്ധിക്കുന്നതും തന്‍റെ കൊടുങ്ങല്ലൂരിലെ വിജയ ത്തിനു തിളക്കും കൂട്ടുമെന്നും ലീഡര്‍ കരുണാകരന്‍റെ തട്ടകമായ മാള ഉള്‍പ്പെടുന്ന മണ്ഡല ത്തില്‍ നിന്ന് എം. എല്‍. എ. ആകുന്നത് താന്‍ വലിയ ബഹുമതി യായി കരുതുന്ന തായും അദ്ദേഹം പറഞ്ഞു. കെ. എം. സി. സി. മണ്ഡലം പ്രസിഡന്‍റ് കെ. എസ്.ഷാനവാസ് അദ്ധ്യക്ഷത വഹിച്ച യോഗം ജില്ലാ ജനറല്‍ സെക്രട്ടറി മുഹമ്മദ് വെട്ടുകാട് ഉദ്ഘാടനം ചെയ്തു.
ഒ. ഐ. സി. സി. ഷാര്‍ജ തൃശൂര്‍ ജില്ലാ പ്രസിഡന്‍റ് വി .കെ മുരളീധരന്‍ മുഖ്യാതിഥി ആയിരുന്നു. ഗഫൂര്‍ തളിക്കുളം മുഖ്യ പ്രഭാഷണം നടത്തി. ഉബൈദ് ചേറ്റുവ, നസീര്‍ മാള, പി. എ. ഫാറൂക്ക്, അഷ്‌റഫ് കൊടുങ്ങല്ലൂര്‍, അലി കാക്കശ്ശേരി, തുടങ്ങിയവര്‍ പ്രസംഗിച്ചു.
അഷ്‌റഫ് കൊടുങ്ങല്ലൂര്‍ ചെയര്‍മാനും നസീര്‍ മാള കണ്‍വീനറും കെ. എസ്. ഷാനവാസ് ട്രഷററു മായി തെരഞ്ഞെടുപ്പു പ്രചാരണ കമ്മിറ്റിക്ക് രൂപം നല്‍കി. ബഷീര്‍ മാമ്പ്ര സ്വാഗതവും സത്താര്‍ നന്ദിയും പറഞ്ഞു.
-അയച്ചു തന്നത് : അഷ്‌റഫ് കൊടുങ്ങല്ലൂര്‍
