ദുബായ് : ദുബായ് കേന്ദ്രമായി പ്രവര്‍ത്തനം ആരംഭിച്ച യു. എ. ഇ. യിലെ നാടക പ്രവര്‍ത്തകരുടെ കൂട്ടായ്മ ‘അഗ്നി തിയ്യറ്റേഴ്സ്’ ഒരുക്കുന്ന സംഗീത നാടകം ‘കൂട്ടുകുടുംബം’ ജൂലായ്‌ 1 വെള്ളിയാഴ്ച വൈകുന്നേരം 7 മണിക്ക് ദുബായ് അല്‍ നാസര്‍ ലിഷര്‍ ലാന്‍റ് നഷ് വാന്‍ ഹാളില്‍ അരങ്ങേറും.
ഫ്രാന്‍സിസ് ടി. മാവേലിക്കര രചന നിര്‍വ്വഹിച്ച കൂട്ടുകുടുംബം, 2007 ല്‍ കെ. എസ്. ബി. സി. സംഘടിപ്പിച്ച അഖില കേരള പ്രൊഫഷണല്‍ നാടക മല്‍സര ത്തില്‍ ഏറ്റവും മികച്ച നാടക ത്തിനുള്ള അവാര്ഡ് നേടിയിരുന്നു.
തലമുറകള്‍ കടന്നു പോകുമ്പോള്‍ കുടുംബ ബന്ധങ്ങളില്‍ സംഭവിക്കുന്ന വ്യതിയാനങ്ങള്‍ മൂലം വ്യക്തി കള്‍ക്ക് സാമൂഹത്തില്‍ നേരിടേണ്ടി വരുന്ന അനുഭവങ്ങള്‍ പച്ചയായി ആവിഷ്കരിക്കുന്ന ‘കൂട്ടുകുടുംബം’ സംവിധാനം ചെയ്തിരിക്കുന്നത് ബാബു അരിയന്നൂര്‍.
വിവരങ്ങള്‍ക്ക് വിളിക്കുക : ചന്ദ്രഭാനു – 055 65 65 615, ബാബു – 050 53 90 49
ദുബായ് : 2012 ഏപ്രിലില്‍ സംസ്ഥാന തലത്തില്‍ സീതി സാഹിബ് അനുസ്മരണ സംമ്മേളനവും, സീതിസാഹിബ് വിചാരവേദി യു. എ. ഇ. ചാപ്ടറിന്‍റെ സഹകരണ ത്തോടെ പ്രസിദ്ധീകരിക്കുന്ന സുവനീറിന്‍റെ പ്രകാശനവും കൊടുങ്ങലൂരില്‍ നടത്തുവാന്‍ പാണക്കാട് സയ്യിദ് ബഷീര്‍ അലി ശിഹാബ് തങ്ങളുടെ നേതൃത്വ ത്തില്‍ പരിപാടികള്‍ ആസൂത്രണം ചെയ്തിരിക്കുന്നതിന്‍ പ്രചാരണാര്‍ത്ഥം യു. എ. ഇ. യില്‍ എത്തുന്ന തങ്ങള്‍ക്കു ഷാര്‍ജ കെ. എം. സി. സി ഓഡിറ്റോറിയാത്തില്‍ സ്വീകരണം നല്‍കാനും ഈവര്‍ഷത്തെ സീതി സാഹിബ് സ്മാരക പ്രവാസി അവാര്ഡ് ആ സമ്മേളനത്തില്‍ വിതരണം ചെയ്യാനും സീതി സാഹിബ് വിചാര വേദി യു. എ. ഇ. ചാപ്റ്റര്‍ യോഗം തീരുമാനിച്ചു.
