 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : മലബാര്‍ പ്രവാസി കോഡിനേഷന്‍ കൗണ്‍സില്‍ ( M P C C ) ജനറല്‍ ബോഡി യോഗം ജൂണ്‍ 9 വ്യാഴാഴ്ച രാത്രി 8 മണിക്ക് ദുബായ് ഗിസൈസിലെ റോയല്‍ പാലസ് ഹോട്ടലില്‍ വെച്ചു നടക്കും. (ഗിസൈസ്‌ ഗ്രാന്‍റ് ഹോട്ടലിന് സമീപം)
വിശദ വിവരങ്ങള്‍ക്ക് 050 – 45 94 670, 050 – 59 52 195, 050 – 57 80 225 എന്നീ നമ്പരുകളില്‍ വിളിക്കുക.
- pma
ദുബായ് : ദൃശ്യ മാധ്യമ രംഗത്ത് പുതുമ യുള്ള സംരംഭങ്ങള്‍ ഒരുക്കുന്നതിന് വേണ്ടി ദുബായ് ആസ്ഥാന മായി പ്രവര്‍ത്തനം ആരംഭിച്ചിട്ടുള്ള സില്‍വര്‍ ഗ്ലോബ് ക്രിയേഷന്‍സ് ഒരുക്കുന്ന ‘മേല്‍വിലാസം’ എന്ന ടെലി സിനിമക്ക് തുടക്കം കുറിച്ചു. സില്‍വര്‍ ഗ്ലോബ് ചെയര്‍ പേഴ്സണ്‍ ഷീലാ സാമുവല്‍ നേതൃത്വം നല്‍കിയ പരിപാടി, എഴുത്തുകാരനും വാഗ്മിയുമായ ബഷീര്‍ തിക്കൊടി ഉദ്ഘാടനം ചെയ്തു.
യു. എ. ഇ. എക്സ്ചേഞ്ച് സെന്റര് ഫുജൈറ ബ്രാഞ്ച് മാനേജര്‍ ലതാഷെട്ടി മുഖ്യാഥിതി ആയിരുന്നു. ശുഭാ നമ്പ്യാര്‍, പുന്നക്കന്‍ മുഹമ്മദാലി, നാരായണന്‍ വെളിയങ്കോട്, അബ്ദുള്ളക്കുട്ടി ചേറ്റുവ, സിയാദ് കൊടുങ്ങല്ലൂര്‍, ഇസ്മായില്‍ ഏറാമല, നിസാര്‍ കിളിമാനൂര്‍, നാസര്‍ പരദേശി, തമോഖന ചക്രവര്‍ത്തി, എസ്. പി. മഹമൂദ്, ഖാദര്‍ ഏറാമല, ലത്തീഫ് പടന്ന, ഷാജഹാന്‍ തറവാട്ടില്‍ എന്നിവര്‍ ആശംസകള്‍ നേര്‍ന്നു.
മുഖ്യാഥിതി ലതാഷെട്ടി, സിനിമാ പ്രവര്‍ത്തകന്‍ ഷാജഹാന്‍ തറവാട്ടില്‍ എന്നിവര്‍ ചേര്ന്ന് ‘മേല്‍വിലാസം’ ടെലി സിനിമ യുടെ ബ്രോഷര്‍ പ്രകാശനം നിര്‍വ്വഹിച്ചു. സിനിമ യിലെ മുഖ്യ വേഷങ്ങള്‍ ചെയ്യുന്ന നിവ്യ നിസാര്‍, ജോനിറ്റ ജോസഫ്‌, ജാന്‍സി ജോഷി, അഷ്‌റഫ്‌ പെരിഞ്ഞനം, ജയ്സണ്‍ ആലുവ, അന്‍സാര്‍ മാഹി, ഷാജി തൃശ്ശൂര്‍, മൂസാകുട്ടി എന്നിവരെയും ക്യാമറാമാന്‍ സാഹില്‍ മാഹി, സംവിധായകന്‍ അസീസ് തലശ്ശേരി എന്നിവരെയും സദസ്സിനു പരിചയ പ്പെടുത്തി. പി. എം. അബ്ദുല്‍ റഹിമാന്‍ പരിപാടി യുടെ അവതാരകന്‍ ആയിരുന്നു.
മേല്‍വിലാസ ത്തിന്‍റെ തിരക്കഥാ കൃത്തും ഈ കൂട്ടായ്മ യുടെ സംഘാടക നുമായ സുബൈര്‍ വെള്ളിയോട് സ്വാഗതം പറഞ്ഞു. കലാ സംവിധായകന്‍ റഫീഖ് വാണിമേല്‍ നന്ദി പറഞ്ഞു. തുടര്‍ന്ന് ഗാനമേളയും അരങ്ങേറി.
- pma
ദുബായ് : പ്രവാസ ജീവിതം മതിയാക്കി നാട്ടിലേക്ക് പോകുന്ന ചേറ്റുവ സ്വദേശി പി. ടി. അബ്ദുല്‍ ഗഫൂറിന് യു. എ. ഇ. യിലെ ചേറ്റുവ ജുമാഅത്ത് മുസ്ലിം റിലീഫ്‌ കമ്മിറ്റി യാത്രയയപ്പ്‌ നല്‍കി. കഴിഞ്ഞ 36 വര്‍ഷമായി ദുബായ് എയര്‍പോര്‍ട്ടില്‍ ജോലി ചെയ്തിരുന്ന പി. ടി. അബ്ദുല്‍ ഗഫൂര്‍ സംഘടനയുടെ സ്ഥാപക മെമ്പറും സജീവ പ്രവര്‍ത്ത കനുമാണ്.
ഉബൈദ്‌ ചേറ്റുവ, വി. ബി. അബ്ദുല്‍ മജീദ്‌, ആര്‍. ബി. എം. മനാഫ്‌, ആര്‍. വി.സി. അബ്ദുള്‍ഖാദര്‍, എന്‍. എം. ഷാഹുല്‍ ഹമീദ്‌, തുടങ്ങിയവര്‍ സംസാരിച്ചു.
സംഘടന യുടെ മൊമെന്റൊ യും പ്രത്യേക ഉപഹാരവും പി. ടി. അബ്ദുല്‍ ഗഫൂറിന് സമ്മാനിച്ചു.
-അയച്ചു തന്നത്: അബ്ദുള്ള കുട്ടി ചേറ്റുവ, ദുബായ്
- pma
ദുബായ് : ‘സില്‍വര്‍ ഗ്ലോബ് ക്രിയേഷന്‍സ് ‘ എന്ന പേരില്‍ കലാ രംഗത്ത് വിവിധ മേഖല കളില്‍ പ്രവര്‍ത്തി ക്കുന്നവരുടെ ഒരു കൂട്ടായ്മ രൂപീകരിച്ചു. ദുബായ് ആസ്ഥാനമായി പ്രവര്‍ത്തനം ആരംഭിച്ചിട്ടുള്ള ഇതിന്റെ ലോഗോ പ്രകാശനം, യു. എ. ഇ. എക്സ്ചേഞ്ച് സെന്റര് ഫുജൈറ ബ്രാഞ്ച് മാനേജര്‍ ലതാ ഷെട്ടി, സില്‍വര്‍ ഗ്ലോബ് ചെയര്‍ പേഴ്സണ്‍ ഷീലാ സാമുവല്‍ എന്നിവര്‍ ചേര്ന്ന് നിര്‍വ്വഹിച്ചു.
ഷോര്‍ട്ട് ഫിലിം, ഹോം സിനിമ, ടെലിവിഷനി ലേക്കായി വിവിധ പരിപാടി കളുടെ നിര്‍മ്മാണം എന്നിവയാണു ഈ കൂട്ടായ്മ യുടെ ലക്ഷ്യം.
ഒട്ടനവധി കഴിവുകള്‍ ഉണ്ടായിട്ടും, പ്രശസ്തി യുടെ വെള്ളി വെളിച്ച ത്തിലേക്ക് എത്തി പ്പെടാതെ പോയ നിരവധി കലാകാരന്മാര്‍ പ്രവാസ ലോകത്തുണ്ട്. അവരുടെ കഴിവുകള്‍ പ്രോല്‍സാഹിപ്പി ക്കുന്നതോടൊപ്പം പുതിയ ആളുകളെ രംഗത്ത് അവതരിപ്പിക്കാനും കൂടിയാണു ‘സില്‍വര്‍ ഗ്ലോബ് ക്രിയേഷന്‍സ് ‘ രൂപീകരിച്ചി രിക്കുന്നത് എന്ന് ചെയര്‍ പേഴ്സണ്‍ ഷീലാ സാമുവല്‍ പറഞ്ഞു.
നാരായണന്‍ വെളിയങ്കോട്, ബഷീര്‍ തിക്കൊടി, പുന്നക്കന്‍ മുഹമ്മദാലി, സിയാദ് കൊടുങ്ങല്ലൂര്‍, ഇസ്മായില്‍ ഏറാമല, നാസര്‍ പരദേശി, നിസാര്‍ കിളിമാനൂര്‍ എന്നിവര്‍ ആശംസകള്‍ നേര്‍ന്നു.
ഇതിന്റെ മറ്റു അണിയറ പ്രവര്‍ ത്തകരായ അസീസ് തലശ്ശേരി, ഷാജഹാന്‍ തറവാട്ടില്‍, സക്കീര്‍ ഹുസ്സൈന്‍ വെളിയങ്കോട്, ലത്തീഫ് പടന്ന, സുബൈര്‍ വെള്ളിയോട്, സാഹില്‍ മാഹി, റഫീഖ് വാണിമേല്‍, ജാന്‍സി ജോഷി, പി. എം. അബ്ദുല്‍ റഹിമാന്‍ എന്നിവര്‍ സന്നിഹിത രായിരുന്നു.
- pma
ദുബായ്: ഇസ്ലാം മതത്തെ അധിക്ഷേപിച്ചു സംസാരിക്കുകയും പ്രവാചകനെ ”തീവ്രവാദി” എന്ന് വിശേഷിപ്പിക്കുകയും ചെയ്ത ഒരു ബ്രിട്ടീഷ് വിനോദ സഞ്ചാരിയെ ഇന്നലെ ദുബായ് കോടതിയില്‍ ഹാജരാക്കി. ദുബായിലെ മാള്‍ ഓഫ് എമിറേറ്റ്‌സിലെ ഈമാക്സ് ഇലെക്ട്രോണിക്സ് ഷോപ്പിലെ ഒരു ജീവനക്കാരനുമായി സംസാരിക്കുന്നതിന് ഇടയിലാണ് 40 കാരനായ ഇയാള്‍ ഇത്തരം പരാമര്‍ശങ്ങള്‍ നടത്തിയത്.
കടയിലെ പാക്കിസ്താനിയായ ഹസ്സന്‍ ഹബീബ്‌ എന്ന സെയില്‍സ്മാനെ സമീപിച്ച ബ്രിട്ടീഷ്‌കാരന്‍ ഇയാള്‍ പാക്കിസ്താനിയാണ് എന്ന് അറിഞ്ഞപ്പോള്‍, പാക്കിസ്ഥാന്‍ ഒരു നശിച്ച രാജ്യമാണെന്നും, അവിടെ നിറയെ ഭ്രാന്ത് പിടിച്ച മനുഷ്യരാണ് എന്നും പറഞ്ഞു. ഇതില്‍ രോഷാകുലനായ ഹസ്സന്‍ തിരിഞ്ഞു നടന്നപ്പോള്‍, എല്ലാ മുസ്ലിങ്ങള്‍ക്കും ഭ്രാന്താണെന്നും പ്രവാചകന്‍ മുഹമ്മദ് ഒരു തീവ്രവാദിയാണെന്നും ബ്രിട്ടീഷ്‌കാരന്‍ വിളിച്ചു പറഞ്ഞു.
സംഭവത്തിന്‌ ഒരു ഈജിപ്ത്യന്‍ വിനോദ സഞ്ചാരിയും ഇതേ കടയിലെ ഒരു ശ്രിലങ്കന്‍ ജീവനക്കാരനും ദൃക്‌സാക്ഷികളായി. എന്നാല്‍ ബ്രിട്ടീഷ്‌കാരന്‍ കുറ്റം നിഷേധിച്ചിട്ടുണ്ട്. ഇസ്ലാം മതത്തെ നിന്ദിക്കുന്ന രീതിയില്‍ പൊതു സ്ഥലങ്ങളില്‍ സംസാരിച്ചാല്‍ അത് ഒരു വര്‍ഷത്തെ ജയില്‍ ശിക്ഷയ്ക്കും പതിനായിരം ദിര്‍ഹം പിഴയും ലഭിക്കാവുന്ന കുറ്റമാണ്. കേസില്‍ വിധി പറയുന്നത് കോടതി ജൂണ്‍ 9 ലേക്ക് മാറ്റി വച്ചു.
- ലിജി അരുണ്‍
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
