അബുദാബി : എമിറേറ്റ്സ് കോട്ടക്കൽ വെൽ ഫെയർ അസോസിയേഷൻ (ഇഖ്വ) മുഖ്യ രക്ഷാധികാരി ബഷീർ ഇബ്രാഹിമിനെ (റെയിൻബോ) ആദരിച്ചു. അബുദാബിയിൽ സംഘടിപ്പിച്ച പൊതു പരിപാടിയിൽ വെച്ചാണ് ഇഖ്വ പ്രവർത്തകർ അദ്ദേഹത്തെ പൊന്നാട അണിയിച്ച് ആദരിച്ചത്.
യു. എ. ഇ. യിലെ സാമൂഹിക സാംസ്കാരിക പൊതു രംഗത്തെ നിറ സാന്നിധ്യവും ജീവ കാരുണ്യ പ്രവർത്തകനും വ്യവസായിയും കൂടിയാണ് റെയിൻബോ ബഷീർ.
സി. പി. അബൂബക്കർ ഉത്ഘാടനം ചെയ്തു. ഇഖ്വ പ്രസിഡണ്ട് അഡ്വ. മുഹമ്മദ് സാജിദ് അദ്ധ്യക്ഷത വഹിച്ചു. സെക്രട്ടറി എം. കെ. നവാസ്, ട്രഷറർ മുസ്തഫ, സിദ്ധീഖ് ഹാജി, കെ. ശംസുദ്ധീൻ, പി. ഫസൽ, സി. പി. സിറാജ്, മുറാദ് അബ്ദുൽ റസാഖ്, ഷമീൽ, ഹസ്ബി, ഷിറാസ്, ഷാഫി, റഹീസ്, റഊഫ് തുടങ്ങയവർ സംസാരിച്ചു.
