 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വാണിമേൽ പഞ്ചായത്ത് കെ. എം. സി. സി. ഏർപ്പെടുത്തിയ പ്രഥമ മാധ്യമ പ്രതിഭ പുരസ്കാരം പ്രമുഖ മാധ്യ പ്രവർത്തകരായ റാഷിദ് പൂമാടം (സിറാജ് ദിനപത്രം അബുദാബി റിപ്പോർട്ടര്‍), സമീര്‍ കല്ലറ (അബുദാബി 24 സെവൻ ന്യൂസ് ചീഫ് എഡിറ്റർ) എന്നിവര്‍ക്കു സമ്മാനിക്കും. മെയ് 27 ശനിയാഴ്ച വൈകുന്നേരം അബുദാബി ഇന്ത്യൻ ഇസ്ലാമിക് സെന്‍ററില്‍ ഒരുക്കുന്ന വാണിമേൽ സംഗമം 2023 എന്ന പ്രോഗ്രാമിൽ വെച്ച് പുരസ്കാരങ്ങൾ സമ്മാനിക്കും.
- pma
വായിക്കുക: ആഘോഷം, കെ.എം.സി.സി., പ്രവാസി, ബഹുമതി, മാധ്യമങ്ങള്‍, സംഘടന
അബുദാബി : യു. എ. ഇ. യിൽ നടക്കുന്ന COP28 ആഗോള ഉച്ച കോടിക്ക് മുന്നോടിയായി, ലോകം എമ്പാടും ഉള്ള ഹൈസ്കൂൾ വിദ്യാർത്ഥികൾക്കായി പ്രത്യേക കാലാവസ്ഥ വ്യതിയാന ചാലഞ്ച് പ്രഖ്യാപിച്ചു. ഓക്സ് ഫോഡ് സർവ്വ കലാശാല യിലെ പ്രശസ്തമായ സെയ്ദ് ബിസിനസ്സ് സ്‌കൂളും മിഡിൽ ഈസ്റ്റിലെ ഏറ്റവും വലിയ ഹെൽത്ത് കെയര്‍ കമ്പനികളില്‍ ഒന്നായ ബുർജീൽ ഹോൾഡിംഗ്സും സംയുക്തമായാണ് ചാലഞ്ച് സംഘടിപ്പി ക്കുന്നത്.
‘ബുർജീൽ ഹോൾഡിംഗ്സ് ഓക്സ് ഫോഡ് സെയ്ദ് കാലാവസ്ഥാ വ്യതിയാന ചലഞ്ച്’ മത്സരത്തിലൂടെ കാലാവസ്ഥാ വ്യതിയാനത്തിന്‍റെ അപകട സാദ്ധ്യത കളെ ക്കുറിച്ച് ഹൈസ്കൂൾ വിദ്യാർത്ഥികൾക്ക് ഇടയില്‍ അവബോധം വളർത്തുകയാണ് ലക്ഷ്യം.
ചാലഞ്ചിന്‍റെ ഭാഗമായി കാലാവസ്ഥാ വ്യതിയാന വുമായി ബന്ധപ്പെട്ട പാഠ്യ പദ്ധതികൾ സമർപ്പിക്കാൻ അദ്ധ്യാപകർക്കും അവസരം ഉണ്ടാകും. ചാലഞ്ചിൽ വിജയിക്കുന്ന വിദ്യാർത്ഥികൾക്കും അദ്ധ്യാപകർക്കും ഈ വർഷം അവസാനം ദുബായിൽ നടക്കുന്ന COP28 ഉച്ചകോടിക്കിടെ പരിഹാര നിർദ്ദേശങ്ങൾ അവതരിപ്പിക്കാൻ അവസരം ലഭിക്കും.
ഓക്സ് ഫോഡില്‍ അടുത്ത വർഷം നടക്കുന്ന പ്രത്യേക കാലാവസ്ഥാ വ്യതിയാന പരിപാടിയിൽ പങ്കെടുക്കാനും വിജയികൾക്ക് അവസരം ലഭിക്കും.
കാലാവസ്ഥ വ്യതിയാനം സംബന്ധിച്ച പങ്കാളിത്തം ചർച്ച ചെയ്യാനായി ബുർജീൽ പ്രതിനിധി സംഘം കഴിഞ്ഞ ദിവസം സ്കൂൾ സന്ദർശിച്ചു. മത്സര ത്തിന്‍റെ കൂടുതൽ വിശാദാംശങ്ങൾ പിന്നീട് പ്രഖ്യാപിക്കും.
കാലാവസ്ഥാ വ്യതിയാനം മനുഷ്യ രാശി നേരിടുന്ന ഏറ്റവും സങ്കീർണ്ണമായ ഭീഷണി യാണ് എന്നും വിദ്യാർത്ഥികൾ അതിന്‍റെ പ്രത്യാഘാതത്തില്‍ ആണെന്നും ഓക്സ് ഫോഡ് സെയ്ദിലെ പീറ്റർ മൂർസ് ഡീൻ സൗമിത്ര ദത്ത പറഞ്ഞു. ഈ സാഹചര്യത്തിൽ ബുർജീലുമായുള്ള പങ്കാളിത്തത്തിന് ഏറെ പ്രാധാന്യം ഉണ്ട് എന്നും അദ്ദേഹം കൂട്ടി ച്ചേർത്തു.
കാലാവസ്ഥാ പ്രതിസന്ധിയും മറ്റ് വെല്ലു വിളികളും നേരിടാൻ ഓക്സ് ഫോഡിഡ് യൂണി വേഴ്‌സിറ്റി യിലെയും ലോകം എമ്പാടും ഉള്ള സംരംഭക നേതാക്കളെയും സജ്ജരാക്കുന്ന ഓക്സ് ഫോഡ് സെയ്ദിലെ ലോക പ്രശസ്ത സ്കോൾ സെന്റർ ഫോർ സോഷ്യൽ എന്‍റർ പ്രണർ ഷിപ്പാണ് കാലാവസ്ഥാ വ്യതിയാന ചാലഞ്ച് പരിപാടിക്ക് പിന്തുണ നൽകുക.
യു. എ. ഇ.യിൽ COP28 കാലാ വസ്ഥാ ഉച്ചകോടി നടക്കാന്‍ ഇരിക്കെ കാലാവസ്ഥാ വ്യതിയാന സംരംഭ ത്തിനായി ഓക്സ് ഫോഡിഡ് സെയ്‌ദു മായി സഹകരി ക്കുന്നതിൽ ഏറെ സന്തോഷം ഉണ്ട് എന്ന് ബുർജീൽ ഹോൾഡിംഗ്സ് സ്ഥാപ കനും ചെയർമാനുമായ ഡോ. ഷംഷീർ വയലിൽ പറഞ്ഞു.
സമൂഹത്തിന്‍റെ ക്ഷേമവും പരിസ്ഥിതി യുടെ ആരോഗ്യവും ആഴത്തിൽ ഇഴ ചേർന്നിരിക്കുന്നു എന്നാണ് ആരോഗ്യ സംരക്ഷണ ദാതാക്കള്‍ എന്ന നിലയിൽ ഞങ്ങളുടെ വിശ്വാസം. കാലാവസ്ഥാ പ്രതിസന്ധി നേരിടാൻ കൂട്ടായ ആഗോള പരിശ്രമം നിർണ്ണായകം തന്നെയാണ്. പുതു തലമുറ യിലെ വിദ്യാർത്ഥികളെയും അദ്ധ്യാപകരെയും അതിന് പരിപോഷി പ്പിക്കുക യാണ് ചാലഞ്ചിന്‍റെ ലക്ഷ്യം എന്നും അദ്ദേഹം പറഞ്ഞു.
മത്സരത്തെ ക്കുറിച്ച് വിശദമായി അറിയാൻ താൽപ്പര്യം ഉള്ളവർക്ക് competition @ sbs. ox. ac. uk എന്ന ഇ – മെയില്‍ വിലാസത്തിൽ ബന്ധപ്പെടാം. Twitter
- pma
വായിക്കുക: nri, social-media, vps-burjeel, ആരോഗ്യം, കുട്ടികള്‍, പ്രവാസി, വിദ്യാഭ്യാസം
അജ്മാന്‍ : കേരള ശാസ്ത്ര സാഹിത്യ പരിഷത്തിൻ്റെ മുൻ കാല പ്രവർത്തകരുടെ യു. എ. ഇ. യി ലെ കൂട്ടായ്മ ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്തിൻ്റെ പതിനെട്ടാം വാർഷിക സമ്മേളനം സംഘടനാ പ്രസിഡണ്ട് ഡോ. സിനി അച്യുതന്‍റെ അദ്ധ്യക്ഷതയിൽ നടന്നു. ‘പുത്തൻ സാങ്കേതിക വിദ്യകളും മാറുന്ന ലോകവും’ എന്ന വിഷയത്തിൽ പ്രഭാഷണം നടത്തി ക്കൊണ്ടു കേരള ശാസ്ത്ര സാഹിത്യ പരിഷത്ത് എറണാകുളം ജില്ലാ പ്രസിഡണ്ടും എറണാകുളം മഹാ രാജാസ് കോളേജ് ഭൗതിക ശാസ്ത്ര വിഭാഗം മുൻ തലവനുമായ ഡോ. എൻ. ഷാജി സമ്മേളനം ഉത്‌ഘാടനം ചെയ്തു.
അബുദാബി കേരളാ സോഷ്യല്‍ സെന്റര് വനിതാ വിഭാഗം കണ്‍വീനര്‍ പ്രീത നാരായണൻ, ഹമീദ് (മാസ് ഷാർജ), വിജിൻ (ഫുജൈറ കൾചറൽ സൊസൈറ്റി), പ്രശാന്ത് ആലപ്പുഴ (യുവകലാസാഹിതി), സജീവൻ (ഓർമ), അനു സിനു ബാൽ (മാധ്യമ പ്രവർത്തകൻ) എന്നിവർ ആശംസകൾ നേർന്ന് സംസാരിച്ചു.
അരുൺ പരവൂർ സ്വാഗതവും ഗഫൂർ കൊണ്ടോട്ടി കൃതജ്ഞതയും പറഞ്ഞു. നിതി ആയോഗിന്‍റെ ആരോഗ്യ നയത്തിൽ പൊതു ജനാരോഗ്യ മേഖല യിലെ സ്വകാര്യ വൽക്കരണത്തെയും വാണിജ്യ വൽക്കരണ ത്തെയും ന്യായീകരിക്കുന്നതിനെ സമ്മേളനം വിമർശിച്ചു.
പൊതു ജനാരോഗ്യത്തിന് കൂടുതൽ പ്രാധാന്യം നൽകി ക്കൊണ്ട്, സ്വകാര്യ പങ്കാളിത്തത്തെ നിയന്ത്രിച്ചു കൊണ്ടു സമഗ്രമായ ആരോഗ്യ നയം നടപ്പിലാക്കാൻ സമ്മേളനം പ്രമേയത്തിലൂടെ കേന്ദ്ര സർക്കാരിനോട് ആവശ്യപ്പെട്ടു.
ബ്രഹ്മപുരം മാലിന്യ നിർമ്മാണ പ്ലാന്‍റിലെ തീ പിടുത്ത വുമായി ബന്ധപ്പെട്ടു ഹ്രസ്വ-ദീർഘ കാലത്തേക്ക് ഉണ്ടാകുവാന്‍ ഇടയുള്ള ആരോഗ്യ പ്രശ്ന ങ്ങളെ ക്കുറിച്ചു സമഗ്രമായ പഠനം നടത്തണം എന്നും ഇതുമായി ബന്ധപ്പെട്ട ആശങ്കകൾ കാല താമസം കൂടാതെ ദൂരീകരിക്കണം എന്നും സമ്മേളനം കേരള സർക്കാരിനോട് ആവശ്യപ്പെട്ടു. മനോജ് കുമാർ അരുൺ കെ. ആർ., ഗഫൂർ കൊണ്ടോട്ടി, ധനേഷ് എന്നിവർ സംസാരിച്ചു.
- pma
വായിക്കുക: പൂര്‍വ വിദ്യാര്‍ത്ഥി, പ്രവാസി, ശാസ്ത്ര സാഹിത്യ പരിഷത്ത്, സംഘടന, സാംസ്കാരികം
അബുദാബി : ഇന്ത്യൻ ഇസ്ലാമിക് സെന്‍ററിൽ മലപ്പുറം ജില്ലാ കെ. എം. സി. സി. സംഘടിപ്പിച്ച ‘റിവൈവ് -23’ ഏക ദിന ക്യാമ്പ്, പ്രവർത്തകർക്ക് വേറിട്ട അനുഭവം സമ്മാനിച്ചു. മുസ്ലിം ലീഗ് സംസ്ഥാന സെക്രട്ടറിയും പ്രമുഖ അഭിഭാഷകനുമായ അഡ്വ. മുഹമ്മദ് ഷാ ഉദ്ഘാടന സെഷന് നേതൃത്വം നൽകി. കെ. എം. സി. സി. പ്രിസിഡണ്ട് ഷുക്കൂറലി കല്ലിങ്ങൽ ക്യാമ്പ് ഉദ്ഘാടനം ചെയ്തു.
മലപ്പുറം ജില്ലാ കെ. എം. സി. സി. പ്രസിഡണ്ട് അസീസ് കളിയാടൻ അദ്ധ്യക്ഷത വഹിച്ചു. സി. എച്ച്. യൂസഫ്, ഇബ്രാഹിം കീഴേടത്ത് എന്നിവർ ആശംസകള്‍ നേര്‍ന്നു. ഉച്ചക്ക് ശേഷം നടന്ന സെഷനിൽ യൂത്ത് ലീഗ് ദേശീയ ജനറൽ സെക്രട്ടറി അഡ്വ. ഫൈസൽ ബാബു ക്യാമ്പിന് നേതൃത്വം നൽകി.
ജില്ലാ കെ. എം. സി. സി. ഉപാദ്ധ്യക്ഷൻ ഹുസൈൻ സി. കെ. അദ്ധ്യക്ഷത വഹിച്ചു. ഷാഹിദ് ബിൻ മുഹമ്മദ് സ്വാഗതവും ബഷീർ വറ്റല്ലൂർ നന്ദിയും പറഞ്ഞു.
അടുത്ത മാസം 17, 18. (ശനി, ഞായര്‍) തിയ്യതികളിൽ നടക്കുന്ന മലപ്പുറം ഫെസ്റ്റ് – മഹിതം മലപ്പുറം എന്ന പ്രോഗ്രാം ലോഗോ പ്രകാശനം ഇസ്ലാമിക് സെന്റർ ട്രഷറർ ഹിദായത്തുള്ള, നൗഷാദ് തൃപ്രങ്ങോട് എന്നിവര്‍ ചേര്‍ന്നു നിര്‍വ്വഹിച്ചു. മലപ്പുറം ഫെസ്റ്റ് പ്രോഗ്രാമിനെ കുറിച്ചു സലാം ഓഴൂർ വിശദീകരിച്ചു.
സമീർ പുറത്തൂർ, നാസർ എൻ. പി., ഷാഹിർ എ. വി., ആഷിഖ് പുതുപ്പറമ്പ്, ഫൈസൽ പെരിന്തൽമണ്ണ എന്നിവർ നേതൃത്വം നൽകിയ കള്‍ച്ചറല്‍ വിംഗിന്‍റെ സംഗീത വിരുന്നും അരങ്ങേറി.
- pma
വായിക്കുക: അബുദാബി, കെ.എം.സി.സി., കേരള രാഷ്ട്രീയ നേതാക്കള്‍, പ്രവാസി, സംഘടന, സാംസ്കാരികം
അബുദാബി : കേരള സോഷ്യൽ സെന്റർ (കെ. എസ്. സി.) പുതിയ ഭരണ സമിതിയുടെ പ്രവർത്തന ഉദ്ഘാടനം മാധ്യമ പ്രവർത്തകനും രാജ്യ സഭാ അംഗവുമായ ജോൺ ബ്രിട്ടാസ് എം. പി. നിർവ്വഹിച്ചു. കെ. എസ്. സി. പ്രസിഡണ്ട് എ. കെ. ബീരാൻകുട്ടി അദ്ധ്യക്ഷത വഹിച്ചു.
ഇന്ത്യൻ എംബസി ഫസ്റ്റ് സെക്രട്ടറി പ്രേംചന്ദ്, എഴുത്തുകാരി ദീപ നിശാന്ത്, കേരളാ പ്രവാസി സംഘം സംസ്ഥാന പ്രസിഡണ്ട് ഗഫൂർ ലില്ലിസ് എന്നിവർ ആശംസകൾ നേർന്നു. വിവിധ സാംസ്‌കാരിക സംഘടന പ്രതിനിധികളും വ്യവസായ രംഗത്തെ പ്രമുഖരും സംബന്ധിച്ചു.
കേരള സോഷ്യൽ സെന്ററിന്റെ 2023-24 വർഷത്തെ പ്രവർത്തനോത്ഘാടനം മുതിർന്ന മാധ്യമ പ്രവർത്തകനും, രാജ്യസഭാ അംഗവുമായ ജോൺ ബ്രിട്ടാസ് MP നിർവഹിച്ചു. സെന്റർ സെക്രട്ടറി സത്യൻ സ്വാഗതം പറഞ്ഞ യോഗത്തിൽ പ്രസിഡന്റ്‌ ബീരാൻകുട്ടി അധ്യഷത വഹിച്ചു. പ്രശസ്ത എഴുത്തുകാരി ദീപ നിശാന്ത്, pic.twitter.com/NqGePfebDM
— Kerala Social Center , Abu Dhabi ( K S C ) (@KSCauh) May 23, 2023
സെന്റർ സെക്രട്ടറി കെ. സത്യൻ സ്വാഗതവും ജോയിന്‍റ് സെക്രട്ടറി ശ്രീകാന്ത് നന്ദിയും പറഞ്ഞു. സെന്റർ കലാ കാരന്മാരും ബാല വേദി – വനിതാ കമ്മറ്റിയും ചിട്ട പ്പെടുത്തിയ വൈവിധ്യമാര്‍ന്ന കലാ പരിപാടികളും ഉത്ഘാടന സമ്മേളനത്തെ വര്‍ണ്ണാഭമാക്കി.
- pma
വായിക്കുക: ആഘോഷം, കേരള രാഷ്ട്രീയ നേതാക്കള്‍, കേരള സോഷ്യല്‍ സെന്റര്, പ്രവാസി, മാധ്യമങ്ങള്‍, സംഘടന, സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
