 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : തൃശൂര്‍ ജില്ലയിലെ മണലൂര്‍ നിവാസികളായ പ്രവാസി കളുടെ കൂട്ടായ്മ മണലൂര്‍ യു. എ. ഇ. അസോസിയേഷന്‍ വാര്‍ഷികാഘോഷം ‘മണലൂര്‍ വിന്‍റര്‍ ഫെസ്റ്റ് 2012’ ഡിസംബര്‍ 21 വെള്ളിയാഴ്ച രാവിലെ 10 മണിക്ക് ദുബായ് ഗിസൈസിലെ മില്ലേനിയം സ്കൂള് ഓഡിറ്റോറിയ ത്തില്‍ നടക്കും.
കുടുംബാംഗങ്ങള്‍ക്കും കുട്ടികള്‍ക്കുമായി വിവിധ മല്‍സരങ്ങള്‍, ശിങ്കാരി മേളം, ഗാനമേള, വടം വലി മല്‍സരം, നാടകം, നൃത്യ നൃത്തങ്ങള്‍ എന്നിവ ഉണ്ടായിരിക്കും.
വിവരങ്ങള്‍ക്ക് : 050 57 67 939
- pma
ദുബായ് : യു.എ.ഇ. പ്രഖ്യാപിച്ച പൊതുമാപ്പിന്റെ ആനുകൂല്യം ലഭിക്കാനായി അപേക്ഷിക്കുന്നവർ ഔട്ട്പാസ് ഫീസായി നൽകേണ്ട തുക ഇനി അടയ്ക്കേണ്ടി വരില്ല എന്ന് കേന്ദ്ര വിദേശ കാര്യ മന്ത്രി സൽമാൻ ഖുർഷിദ് അറിയിച്ചു. ഇത് കേന്ദ്ര സർക്കാർ പൂർണ്ണമായി ഒഴിവാക്കിയതായി കെ. പി. സി. സി. അദ്ധ്യക്ഷൻ രമേഷ് ചെന്നിത്തലയുടെ നേതൃത്വത്തിൽ അദ്ദേഹത്തെ ചെന്നു കണ്ട പ്രതിനിധി സംഘത്തിനെയാണ് മന്ത്രി ഈ കാര്യം അറിയിച്ചത്.
പൊതു മാപ്പ് ലഭിക്കാനായി നേരത്തെ ഔട്ട്പാസ് ഫീസായി 69 ദിർഹം എംബസിയിൽ കെട്ടി വെയ്ക്കേണ്ടതായി വന്നിരുന്നു. പൊതുമാപ്പ് പ്രയോജനപ്പെടുത്തുന്നവർക്ക് ഏറെ ബുദ്ധിമുട്ട് ഉണ്ടാക്കുന്ന ഈ നടപടിക്ക് എതിരെ പ്രവാസി സമൂഹത്തിൽ നിന്നും ശക്തമായ എതിർപ്പ് ഉയർന്നു വന്ന സാഹചര്യത്തിലാണ് സർക്കാർ നിലപാട് മാറ്റിയത്. മറ്റു രാജ്യങ്ങളിലെ എംബസികൾ തങ്ങളുടെ പൌരന്മാരിൽ നിന്നും ഇത്തരത്തിൽ തുക ഈടാക്കാത്ത കാര്യം പ്രവാസി സംഘടനകൾ സർക്കാരിന്റെ ശ്രദ്ധയിൽ പെടുത്തിയിരുന്നു.
- ജെ.എസ്.
അബുദാബി : ഗള്‍ഫിലെ ഏറ്റവും സ്വാധീനമുള്ള ഇന്ത്യക്കാരില്‍ ഒന്നാമന്‍ എം. കെ. ഗ്രൂപ്പിന്റെ സാരഥി എം. എ. യൂസഫലി ആണെന്ന് അറേബ്യന്‍ ബിസ്സിനസ് മാഗസിന്‍ വെളിപ്പെടുത്തി. ഗള്‍ഫിലെ ബിസ്സിനസ് മേഖല യിലും സാമൂഹിക രംഗത്തും സ്വാധീനം ചെലുത്തുന്ന 100 പേരുടെ പട്ടിക പ്രസിദ്ധീകരിച്ചപ്പോഴാണ് എം. എ. യൂസഫലി ഒന്നാം സ്ഥാനത്തെത്തിയത്. ഈ സര്‍വ്വേ യില്‍ രണ്ടാം തവണയാണ് എം. എ. യൂസഫലി ഒന്നാം സ്ഥാനത്ത് വരുന്നത്.
ജി. സി. സി. രാഷ്ട്ര ങ്ങളിലെ ഭരണാധി കാരികളില്‍ സ്വാധീനം ചെലുത്താന്‍ കഴിയുന്ന വ്യക്തി, അബുദാബി ചേംബര്‍ ഓഫ് കൊമേഴ്‌സിന്റെ ഡയറക്ടറായി തിരഞ്ഞെടുക്കപ്പെട്ട ആദ്യ ഏഷ്യക്കാരന്‍ എന്നീ നിലകളില്‍ എല്ലാം അറേബ്യന്‍ ബിസ്സിനസ് മാഗസിന്‍ ഇദ്ദേഹത്തിന്റെ പ്രാധാന്യത്തെ വില യിരുത്തുന്നു.
എയര്‍ടെല്ലിലെ പ്രധാന നിക്ഷേപകനും കമ്യൂണിക്കേഷന്‍ രംഗത്തെ പ്രമുഖനും ദുബായില്‍ നിക്ഷേപ ശൃംഖലയുമുള്ള രഘുവിന്ദര്‍ കത്താരിയ രണ്ടാം സ്ഥാനത്തും ഗള്‍ഫിലെ ജഫ്ജഫ്‌കോ ബ്രാന്‍ഡിന്റെ ഉടമസ്ഥനും മീറ്റ് എക്‌സ്‌പോര്‍ട്ട റുമായ ഫിറോഷ് അല്ലാന മൂന്നാം സ്ഥാനത്തും മലയാളി യായ രവി പിള്ള നാലാം സ്ഥാനത്തും ലാന്‍ഡ് മാര്‍ക്ക് ഗ്രൂപ്പിന്റെ നിക്കി ജഗത്തിയാനി അഞ്ചാം സ്ഥാനത്തുമുണ്ട് എന്ന് അറേബ്യന്‍ ബിസ്സിനസ് മാഗസിന്‍ പറയുന്നു.
യു. എ. ഇ. യില്‍ നിന്നുള്ള നിക്ഷേപം ഇന്ത്യയില്‍ എത്തിക്കുന്നതില്‍ പ്രധാന പങ്കുവഹിക്കുന്നതും ടീകോമിന്റെ കൊച്ചി യിലെ സ്മാര്‍ട്ട്‌ സിറ്റി പദ്ധതി, എം. എ. യൂസഫലി യുടെ നേതൃത്വ ത്തിലുള്ള മറ്റ് നിക്ഷേപങ്ങള്‍, എയര്‍ കേരളയെ ക്കുറിച്ചുള്ള ആശയങ്ങള്‍ മുതലായവ ഇതില്‍പ്പെടും. ഇന്ത്യന്‍ ഉത്പന്നങ്ങള്‍ ഗള്‍ഫിലേക്ക് ഇറക്കുമതി ചെയ്യുന്നതിലും എം. എ. യൂസഫലിക്ക് പ്രമുഖ സ്ഥാനമുണ്ട്.
ഗള്‍ഫിലെ സാമൂഹിക രംഗത്തും ജീവ കാരുണ്യ പ്രവര്‍ത്തന ങ്ങളിലും യൂസഫലി നിര്‍ണായക പങ്കുവഹിക്കുന്നു. തന്റെ സ്ഥാപന ങ്ങളിലൂടെ 29 രാജ്യങ്ങളിലെ 29,000 ആളുകള്‍ക്ക് എം. എ. യൂസഫലി തൊഴില്‍ നല്‍കുന്നുണ്ട്. ഇതില്‍ 22,000 പേര്‍ മലയാളികള്‍ ആണെന്നതും ശ്രദ്ധേയമാണ്.
- pma
അബുദാബി : യു. എ. ഇ. യിലെ ഇന്ത്യന്‍ സ്ഥാനപതി കാര്യാലയത്തിലും കോണ്‍സുലേറ്റിലും വിവിധ ഇന്ത്യന്‍ സംഘടന കളിലും വൈവിധ്യം നിറഞ്ഞ പരിപാടി കളോടെ സ്വാതന്ത്ര്യ ദിനം ആഘോഷിച്ചു.
അബുദാബി ഇന്ത്യന്‍ എംബസിയില്‍ അംബാസഡര്‍ എം. കെ. ലോകേഷ് ത്രിവര്‍ണ പതാക ഉയര്‍ത്തി. എംബസി ഓഡിറ്റോറിയ ത്തില്‍ നടന്ന സാംസ്‌കാരിക സമ്മേളന ത്തില്‍ എം. കെ. ലോകേഷ്, രാഷ്ട്രപതി പ്രണബ് കുമാര്‍ മുഖര്‍ജിയുടെ സ്വാതന്ത്ര്യ ദിന സന്ദേശം വായിച്ചു. തുടര്‍ന്ന് അബുദാബി ഇന്ത്യന്‍ സ്കൂള്, സെന്റ് ജോസഫ് സ്കൂള് എന്നീ വിദ്യാലയ ങ്ങളിലെ കുട്ടികള്‍ ദേശഭക്തി ഗാനങ്ങളും നൃത്ത രൂപങ്ങളും അവതരിപ്പിച്ചു. പരിപാടി യില്‍ അബുദാബി യിലെ ഇന്ത്യന്‍ സമൂഹം പങ്കെടുത്തു.
- pma
വായിക്കുക: expat, അബുദാബി, ആഘോഷം, ഇന്ത്യന്‍ കോണ്സുലേറ്റ്
ദുബായ് : ജോലി സ്ഥലത്ത്‌ വെച്ച് കാണാതായ മലയാളി യുവാവിനെ ച്ചൊല്ലി കുടുംബം കടുത്ത മാനസിക വിഷമത്തില്‍. ആഗസ്ത് മൂന്ന് മുതലാണ് ദുബായ് ദേരയിലെ ഭവാനി ട്രേഡിംഗ് കമ്പനി യില്‍ ജോലി ചെയ്തു വരുന്ന കണ്ണൂര്‍ ജില്ല യിലെ മാട്ടൂലിന് സമീപം മടക്കര യില്‍ അന്‍സാറി (24) നെ ക്കുറിച്ച് വിവരമൊന്നും ലഭിക്കാത്തത്.
കഴിഞ്ഞ നാലര വര്‍ഷമായി ഇതേ സ്ഥാപന ത്തിലെ വില്പന വിഭാഗ ത്തില്‍ ജോലി ചെയ്തു വരിക യാണ് അന്‍സാര്‍. നാട്ടില്‍ നിന്ന് ജോലി അന്വേഷിച്ച് എത്തിയ അന്‍സാറിന്റെ അനുജന്‍ അനീസ് അബുദാബി യില്‍ അമ്മാവന്റെ കൂടെയാണ് താമസിച്ചു വന്നത്. ജോലി ശരിയായതിനെ ത്തുടര്‍ന്ന് ശനിയാഴ്ച അനീസ് വിസ മാറ്റാനായി പോകുന്ന വിവരം അറിയിക്കാനാണ് അമ്മാവന്‍ ജലീല്‍ അന്‍സാറിനെ വിളിക്കുന്നത്. അപ്പോള്‍ മുതല്‍ മൊബൈല്‍ ഫോണ്‍ സ്വിച്ച് ഓഫ് ആണ്. ചിലപ്പോള്‍ ഫോണ്‍ ഓണ്‍ ആവുന്നുണ്ടെങ്കിലും ആരും എടുക്കുന്നില്ല.
അന്‍സാറിനെ ക്കുറിച്ച് വിവരം ഒന്നുമില്ലാത്തതു കൊണ്ട് ജോലി ചെയ്യുന്ന സ്ഥാപന ത്തില്‍ അന്വേഷിച്ച പ്പോള്‍ പൂര്‍ണമായ സഹകരണമല്ല ഉണ്ടായതെന്നും അമ്മാവന്‍ ജലീല്‍ പറഞ്ഞു. ഗോഡൗണില്‍ നിന്ന് കുറേ സാധനങ്ങള്‍ കളവു പോയിട്ടുണ്ടെന്നും അക്കൂട്ട ത്തിലൊരു തൊഴിലാളിയെ കാണാനില്ലെന്നും പോലീസില്‍ പരാതി കൊടുത്തിരിക്കുക യാണെന്നുമാണ് തൊഴിലുടമ പറഞ്ഞത്. പോലീസ് കേസ് നിലവിലുള്ള തിനാല്‍ പാസ്‌പോര്‍ട്ട് കോപ്പി തരാന്‍ ആവില്ലെന്നും അയാള്‍ ശഠിച്ചു. അതേ ത്തുടര്‍ന്ന് നായിഫ് പോലീസ് സ്റ്റേഷനില്‍ ചെന്നപ്പോള്‍ കാണാനില്ല എന്ന പരാതി ലഭിച്ചിട്ടില്ല എന്നാണ് അറിഞ്ഞത്. സാധനങ്ങള്‍ കളവു പോയതിനെ ക്കുറിച്ച് മാത്രമാണ് പരാതി സിസ്റ്റത്തില്‍ കാണുന്നത് എന്നുമാണ് വിശദീകരണം.
അന്‍സാറിന്റെ തിരോധാനത്തെ ക്കുറിച്ച് ബന്ധുക്കള്‍ തീ തിന്നു കഴിയുകയാണ്. ഈ യുവാവിനെ ക്കുറിച്ച് എന്തെങ്കിലും വിവരം അറിയുന്നവര്‍ അമ്മാവന്‍ ജലീലുമായി ബന്ധപ്പെടണം. ഫോണ്‍ : 050 90 69 056.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്‍) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
