വിവിധ രാജ്യക്കാർ ഒത്തു ചേർന്ന് ബുർജീൽ മെഡിക്കൽ സിറ്റിയിൽ പൂക്കളം ഒരുക്കി

September 16th, 2024

burjeel-onam-floral-decoration-shows-uae-s-spirit-of-generosity-ePathram
അബുദാബി : ഓണം എന്നാൽ മലയാളിക്ക് പൂക്കള ങ്ങളുടെ മേളം കൂടിയാണ്. ഓണക്കളികളോടും സദ്യയോടും ഒപ്പം തന്നെ വൈവിധ്യവും ആകർഷക ങ്ങളുമായ പൂക്കളങ്ങൾ അണി നിരക്കുന്ന കാലം കൂടിയാണ് ഓണക്കാലം.

യു. എ. ഇ. യുടെയും ഓണത്തിൻ്റെയും ആദർശങ്ങളും വയനാട് ദുരന്തത്തിൽ പ്രകടമായ സമൂഹത്തിൻ്റെ ഒത്തൊരുമയും പ്രമേയമാക്കിയാണ് ഇത്തവണ യു. എ. ഇ. ബുർജീൽ മെഡിക്കൽ സിറ്റിയിലെ ആരോഗ്യ പ്രവർത്തകർ കൂറ്റൻ പൂക്കളം ഒരുക്കിയത്.

ഇന്ത്യയിൽ നിന്നും എത്തിച്ച 600 കിലോഗ്രാം പൂക്കൾ ഉപയോഗിച്ചാണ് ഇരുപതോളം രാജ്യങ്ങളിൽ നിന്നുള്ള നൂറിലധികം ആരോഗ്യ പ്രവർത്തകർ വ്യത്യസ്തമായ ഈ പൂക്കളം തീർത്തത്.

സഹിഷ്ണുത, ഐക്യം, സുസ്ഥിരത, സഹാനുഭൂതി തുടങ്ങി യു. എ. ഇ. മുന്നോട്ടു വെക്കുന്ന ആശയങ്ങളാണ് പൂക്കളത്തിന് പ്രമേയം. ഐശ്വര്യവും സമത്വവും സാഹോദര്യവും നില നിന്നിരുന്ന കാലത്തിൻ്റെ ഓർമ്മയായ ഓണത്തെ അതേ ആശയങ്ങളിലൂടെ വരച്ചിട്ടിരിക്കുകയാണ് ഈ പൂക്കളം.

എല്ലാ രാജ്യക്കാരെയും ചേർത്തു നിർത്തുന്ന യു. എ. ഇ. യുടെ സവിശേഷതയെയും പൊതുമാപ്പ് പ്രഖ്യാപന ത്തെയും പൂക്കളം സൂചിപ്പിക്കുന്നുണ്ട്.

വയനാട്ടിലെ ഉരുൾപൊട്ടൽ ദുരന്തത്തെ അതി ജീവിച്ച സഹോദരങ്ങളെ ജീവിതത്തിലേക്ക് തിരികെ കൈ പിടിച്ച് കയറ്റാൻ ആഗോള-പ്രാദേശിക സമൂഹ ങ്ങൾ ഒത്തു ചേർന്നതിനെയും ഓർമ്മ പ്പെടുത്തുന്നുണ്ട് ഈ പൂക്കളം.

ദുരന്തത്തിൽ ബാക്കിയായവരോട് ഐക്യ ദാർഢ്യം പ്രഖ്യാപിച്ച് ഇത്തവണ വലിയ ആഘോഷങ്ങൾ ഒഴിവാക്കി യിരിക്കുകയാണ് ബുർജീൽ.

ഉത്സവമെന്നതിനുപരി, കൂട്ടായ്മയെയും സാഹോദര്യ ത്തെയും കുറിച്ചുള്ള ഓർമ്മപ്പെടുത്തൽ കൂടിയാണ് ഞങ്ങൾക്ക് ഓണം. കേരളത്തിലെയും യു. എ. ഇ. യിലെയും സംസ്കാരങ്ങൾ ഒരുപോലെ ഉയർത്തി പ്പിടിക്കുന്ന ആദർശങ്ങളെയാണ് ഈ പൂക്കളത്തിലൂടെ ആഘോഷിക്കുന്നത് എന്നും ബുർജീൽ ഹോൾഡിംഗ്‌സ് ചീഫ് ഹ്യൂമൻ റിസോഴ്‌സസ് ഓഫീസർ ഡോ. സഞ്ജയ് കുമാർ പറഞ്ഞു.

വ്യത്യസ്തമായ ഈ ഓണാഘോഷം പ്രത്യാശയുടെയും ഒരുമയുടെയും സുസ്ഥിരതയുടെയും ശക്തമായ സന്ദേശമാണ് ഉയർത്തിക്കാട്ടുന്നത്.

- pma

വായിക്കുക: , , , ,

അഭിപ്രായം എഴുതുക »

ശക്തി പായസ മേളയുടെ കൂപ്പൺ വിതരണോദ്ഘാടനം

July 31st, 2024

onam-celebration-shakthi-paayasa-mela-2024-coupon-release-ePathram

അബുദാബി : ഓണാഘോഷത്തോട് അനുബന്ധിച്ച് സെപറ്റംബർ 8 ന് അബുദാബി ശക്തി തിയ്യറ്റേഴ്‌സ് സംഘടിപ്പിക്കുന്ന ‘ഓണം മധുരം’ എന്ന പായസ മേളയുടെ കൂപ്പൺ വിതരണോദ്ഘാടനം കേരളാ സോഷ്യൽ സെന്ററിൽ നടന്നു. കെ. എസ്. സി. മുൻ വൈസ് പ്രസിഡണ്ട് റോയ് വർഗ്ഗീസ്, പായസ മേളയുടെ ആദ്യ കൂപ്പൺ ശക്തി പ്രസിഡണ്ട് കെ. വി. ബഷീറിൽ നിന്നും സ്വീകരിച്ചു.

കെ. എസ്. സി. സെക്രട്ടറി നൗഷാദ് യൂസുഫ്, ശക്തി മുൻ ഭാരവാഹികൾ കൃഷ്ണ കുമാർ, മനോജ്, വനിതാ വിഭാഗം അംഗം ഫൗസിയ ഗഫൂർ എന്നിവർ പാലട പ്രഥമൻ, പരിപ്പ് പായസം തുടങ്ങി വിവിധ തരം പായസങ്ങളുടെ കൂപ്പൺ വിതരണോദ്ഘാടനം നിർവ്വഹിച്ചു.

തുടർന്ന് ശക്തിയുടെ വിവിധ മേഖല ഭാരവാഹികൾക്ക് പായസ കൂപ്പൺ കൈമാറുകയും ചെയ്തു. പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. ശക്തി ആക്ടിങ് സെക്രട്ടറി നികേഷ് സ്വാഗതവും ആർട്സ് സെക്രട്ടറി സൈനു നന്ദി പ്രകാശിപ്പിച്ച ചടങ്ങിൽ കേന്ദ്ര കമ്മിറ്റി അംഗങ്ങളും മേഖല കമ്മിറ്റി അംഗങ്ങളും പങ്കെടുത്തു.

- pma

വായിക്കുക: , , ,

അഭിപ്രായം എഴുതുക »

കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി

April 14th, 2024

ksc-eid-vishu-easter-celebrations-2024-ePathram
അബുദാബി : വൈവിധ്യമാർന്ന പരിപാടികളോടെ അബുദാബി കേരള സോഷ്യൽ സെന്‍റ ഈദ് – വിഷു – ഈസ്റ്റർ ആഘോഷം സംഘടിപ്പിച്ചു. രണ്ടാം ഈദ് ദിനത്തിൽ സെന്‍റർ ഓഡിറ്റോറിയത്തിൽ ഒരുക്കിയ ആഘോഷത്തിൽ കെ. എസ്. സി. ബാലവേദി, വനിതാ വിഭാഗം, കലാ വിഭാഗം എന്നിവർ അവതരിപ്പിച്ച വേറിട്ട വിവിധ കലാ പരിപാടികൾ പ്രേക്ഷക ശ്രദ്ധ നേടി.

കെ. എസ്. സി. ജനറൽ സെക്രട്ടറി കെ. സത്യൻ, മുൻ പ്രസിഡണ്ട് കെ. ബി. മുരളി എന്നിവർ സംസാരിച്ചു. ട്രഷറർ ഷബിൻ പ്രേമരാജൻ, വനിതാ വിഭാഗം ആക്ടിംഗ് കൺവീനർ ചിത്ര ശ്രീവത്സൻ, ബാലവേദി പ്രസിഡണ്ട് അഥീന ഫാത്തിമ, വളണ്ടിയർ ക്യാപ്റ്റൻ അരുൺ കൃഷ്ണൻ, മാനേജിംഗ് കമ്മിറ്റി അംഗങ്ങൾ തുടങ്ങിയവർ ചടങ്ങിൽ സംബന്ധിച്ചു. അനു ജോൺ പരിപാടിയുടെ അവതാരകയായി.

കേരള സോഷ്യൽ സെന്‍റർ നടത്തിയ യു. എ. ഇ. തല യുവ ജനോത്സവത്തിൽ ബെസ്റ്റ് പെർഫോമൻസ് അവാർഡ് നേടിയവർക്ക് ട്രോഫികൾ സമ്മാനിച്ചു. കലാ വിഭാഗം സെക്രട്ടറി ലതീഷ് ശങ്കർ സ്വാഗതവും അസിസ്റ്റന്റ് കലാവിഭാഗം സെക്രട്ടറി ബാദുഷ നന്ദിയും പറഞ്ഞു. F B PAGE

- pma

വായിക്കുക: , , , , , , , ,

അഭിപ്രായം എഴുതുക »

ഓണം പൊന്നോണം : സംഗീത നിശ ഇസ്ലാമിക്‌ സെന്‍ററിൽ

November 17th, 2023

world-of-happiness-onam-ponnonam-2023-ePathram

അബുദാബി : സാമൂഹ്യ സാംസ്കാരിക ജീവ കാരുണ്യ രംഗത്ത് പ്രവര്‍ത്തിക്കുന്ന വേൾഡ് ഓഫ് ഹാപ്പിനെസ്സ് എന്ന കൂട്ടായ്മ ഒരുക്കുന്ന ഓണാഘോഷ പരിപാടി ‘ഓണം പൊന്നോണം’ എന്ന പേരില്‍ അരങ്ങേറും എന്ന് സംഘാടകര്‍ അറിയിച്ചു.

2023 നവംബർ 17 വെള്ളിയാഴ്ച വൈകുന്നേരം 7 മണി മുതല്‍ ഇന്ത്യൻ ഇസ്ലാമിക്‌ സെന്‍ററിൽ അരങ്ങേറുന്ന പ്രോഗ്രാമില്‍ കലാഭവൻ മണിയുടെ അപരന്‍ എന്ന പേരില്‍ അറിയപ്പെടുന്ന നാടന്‍ പാട്ടു ഗായകന്‍ രഞ്ജു ചാലക്കുടി യുടെ നേതൃത്വത്തിൽ ഒരുക്കുന്ന സംഗീത നിശ യില്‍ പ്രവാസ ലോകത്തെ ഗായകരും അണി നിരക്കും. പ്രവേശനം സൗജന്യം ആയിരിക്കും.

abudhabi-world-of-happiness-onam-ponnonam-2023-ePathram

ജീവ കാരുണ്യ മേഖലയിൽ നാട്ടിലും യു. എ. ഇ. യിലും നിരവധി പ്രവർത്തനങ്ങൾ വേൾഡ് ഓഫ് ഹാപ്പിനെസ്സ് കൂട്ടായ്മ നടപ്പിലാക്കുന്നു. കേരളത്തിലെ നാല് മേഖല കളിൽ നിന്നും പാവപ്പെട്ടവരെ കണ്ടെത്തി നാല് വീട് പണിത് നൽകുക എന്നതാണ് ഈ സ്റ്റേജ് പ്രോഗ്രാമി ലൂടെ ലക്ഷ്യമിടുന്നത് എന്നും സംഘാടകർ അറിയിച്ചു.

നയീമ അഹമ്മദ്, നജ്‌മ ഷറഫ്, അനസ് കൊടുങ്ങല്ലൂർ, ഫിറോസ് മണ്ണാർക്കാട്, അഷ്‌റഫ്, സെബീന കരീം, സുഫൈറ നൗഷാദ്, ഷംല മൻസൂർ, ഷറഫ് മുഹമ്മദ്, ഷഫീഖ് നിലമ്പൂർ, വാഹിബ്, റുബീന എന്നിവർ വാർത്താ സമ്മേളനത്തിൽ പങ്കെടുത്തു.

- pma

വായിക്കുക: , , , , , , , ,

അഭിപ്രായം എഴുതുക »

പെരിയ സൗഹൃദ വേദിയുടെ ഓണാഘോഷം ‘പൊന്നോണം-2023’

November 9th, 2023

psv-ponnonam-2023-uae-periya-sauhruda-vedhi-ePathram
ദുബായ് : കാസര്‍ഗോഡ് പെരിയ നിവാസികളുടെ യു. എ. ഇ. യിലെ പ്രവാസി കൂട്ടായ്മ പെരിയ സൗഹൃദ വേദി ഒരുക്കിയ ഓണാഘോഷം ഏറെ പുതുമയുള്ള പരിപാടികൾ കൊണ്ട് വേറിട്ടതായി.

ദുബായ് വിമൻസ് അസ്സോസിയേഷൻ ഹാളിൽ സംഘടിപ്പിച്ച “പൊന്നോണം-2023” ഡോ. മണികണ്ഠൻ മേലത്ത് ഉല്‍ഘാടനം ചെയ്തു. രാജഗോപാലൻ പറക്കണ്ടത്തിൽ, മാധവൻ നായർ തുടങ്ങിയ വ്യവസായ പ്രമുഖര്‍ സംബന്ധിച്ചു.

uae-periya-sauhruda-vedhi-psv-onam-celebrations-ePathram

പി. എസ്. വി. പ്രസിഡണ്ട് ഹരീഷ് മേപ്പാട് അദ്ധ്യക്ഷത വഹിച്ചു. ജനറൽ സെക്രട്ടറി അനുരാജ് കാമലോൻ സ്വാഗതവും ട്രഷറര്‍ പ്രവീൺ കൂടാനം നന്ദിയും പറഞ്ഞു. ഭാരവാഹികളായ കുട്ടികൃഷ്ണൻ പെരിയ, ഹരീഷ് പെരിയ, രമേശ് പെരിയ, അനൂപ് കൃഷ്ണൻ, രാകേഷ് ആനന്ദ്, അനിൽ മേപ്പാട്, ശ്രീജിത്ത് പെരിയ, ലത രാജൻ, സ്നേഹ കുട്ടികൃഷ്‌ണൻ, ആശ രമേശ്, സൗമശ്രീ അനിൽ എന്നിവർ സന്നിഹിതരായി.

പി. എസ്. വി. അംഗങ്ങളെ നാലു ടീമുകളായി തിരിച്ചു നടത്തിയ പൂക്കള മത്സരം, പായസ മത്സരം എന്നിവ ശ്രദ്ധേയമായി.

താലപ്പൊലി, ശിങ്കാരിമേളം, പുലിക്കളി എന്നിവയുടെ അകമ്പടിയോടെ മാവേലി എഴുന്നള്ളത്ത്, വിവിധ കലാ പരിപാടികൾ, സ്റ്റെപ്പ്-അപ്പ് സീസൺ ഒന്ന് എന്ന പേരിൽ യു. എ. ഇ തലത്തിൽ നടത്തിയ സിനിമാറ്റിക് ഡാൻസ് മത്സരം എന്നിവ ആഘോഷ പരിപാടികളുടെ പൊലിമ കൂട്ടി.  PSV FB PAGE

- pma

വായിക്കുക: , , , , , , , , ,

അഭിപ്രായം എഴുതുക »

3 of 5234»|

« Previous Page« Previous « ഉമാ പ്രേമന് മാർ ദ്വിദിമോസ് അവാർഡ്
Next »Next Page » സി. പി. ടി. യുടെ ‘കുട്ടികളോടൊത്ത് ഒരോണം’ ലോഗോ പ്രകാശനം ചെയ്തു »



  • തൊഴിൽ പരസ്യങ്ങളിൽ വഞ്ചിതരാവരുത്
  • പി. എസ്. വി. പയ്യന്നൂരോണം 2K25 ശ്രദ്ധേയമായി
  • അൽ അരീജ് ടൈപ്പിംഗ് മുസഫ 37 ൽ പുതിയ ശാഖ തുറന്നു
  • നോർക്ക ഇൻഷ്വറൻസ് : കറാമയിൽ രജിസ്‌ട്രേഷൻ സഹായം ഒരുക്കുന്നു
  • അഭിമാന നേട്ടവുമായി മാർത്തോമ്മാ യുവ ജന സഖ്യം
  • സായിദ് എയർ പോർട്ടിൽ നിന്നും ട്രാം സർവ്വീസ്
  • MBZ സിറ്റി യിലേക്ക് ഇന്റർ സിറ്റി ബസ്സ് റൂട്ട് പ്രഖ്യാപിച്ച് ആർ. ടി. എ.
  • കാന്തപുരത്തിനു ടോളറന്‍സ് അവാര്‍ഡ്
  • പ്രസംഗ മത്സരം സംഘടിപ്പിച്ചു
  • അടിപൊളിയായി AMF ഓണാവേശം
  • വേറിട്ട അവതരണവുമായി ‘ഇമ ഓണം മൂഡ് 2025’
  • നാടക ഗാനാലാപന മത്സരം
  • എംബസ്സിയിൽ ഓപ്പൺ ഹൗസ് വെള്ളിയാഴ്ച
  • വേറിട്ട ഒരു ഓണാഘോഷം
  • ലോകത്തിന് മാനവികത പഠിപ്പിച്ചത് പ്രവാചകന്‍ മുഹമ്മദ് നബി : എം. എ. യൂസഫലി
  • സാമൂഹ്യ മൂല്യങ്ങള്‍ നഷ്ടപ്പെടുന്നു : ഡോ. അബ്ദുസ്സമദ് സമദാനി
  • ഖത്തറിന് പിന്തുണ അറിയിച്ച് യു. എ. ഇ. പ്രസിഡണ്ട്
  • ഐ. എസ്. സി. ഓണം : റിമി ടോമിയുടെ സംഗീത നിശ സെപ്റ്റംബർ 20 നു
  • കുട്ടികൾക്കുള്ള പ്രതിരോധ കുത്തിവെപ്പുകൾ എടുക്കണം
  • വിദ്യാർത്ഥികളുടെ മരുന്നു വിവരങ്ങൾ സ്‌കൂളിന് നൽകണം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine