 |
 |
 |
 |
 |
 |
 |
 |
 |
 |
 |
 |
 |
 |
ഖത്തറില്‍ എല്‍. കെ. ജി. വിദ്യാര്‍ത്ഥിനി സ്കൂള്‍ ബസില്‍ ശ്വാസം മുട്ടി മരിച്ചു. ഖത്തര്‍ ഡി. പി. എസ്. മോഡേണ്‍ ഇന്ത്യന്‍ സ്കൂളിലെ എല്‍. കെ. ജി. വിദ്യാര്‍ത്ഥിനിയായ സാറാ ജസ്ഹര്‍ ആണ് മരിച്ചത്. അഞ്ച് വയസായിരുന്നു.
രാജസ്ഥാന്‍ സ്വദേശി മുഹമ്മദ് ത്വല്‍ഹയുടെ മകളാണ് സാറ. ഇന്നലെ രാവിലെ സ്കൂളിലേക്ക് സ്കൂള്‍ ബസില്‍ പോയ കുട്ടി ഉറങ്ങി പ്പോയതാണെന്ന് കരുതുന്നു. ഇതറിയാതെ ഡ്രൈവര്‍ ബസ് പൂട്ടി പോവുകയായിരുന്നു. ഉച്ചയ്ക്കാണ് കുട്ടിയുടെ മൃതദേഹം കണ്ടെത്തിയത്. ഡ്രൈവറെ പോലീസ് അറസ്റ്റ് ചെയ്തു.
-
വായിക്കുക: അപകടം, കുട്ടികള്‍, ഖത്തര്‍, വിദ്യാഭ്യാസം
ഖത്തറില്‍ ഈ മാസം 13 മുതല്‍ പോസ്റ്റ് ഡേറ്റഡ് ചെക്കുകള്‍ക്ക് നിയമ സാധുത ഉണ്ടാവില്ലെന്ന് അധികൃതര്‍ അറിയിച്ചു. ഇത് പ്രകാരം ചെക്കുകള്‍ കൈമാറിയ അന്നു മുതല്‍ തന്നെ അതിലെ തീയതി പരിഗണിക്കാതെ പണം പിന്‍വലിക്കാന്‍ ബാങ്കില്‍ സമര്‍പ്പി ക്കാവുന്നതാണ്.
ആഗോള സാമ്പത്തിക മാന്ദ്യം കാരണം നിരവധി ചെക്ക് കേസുകള്‍ വന്ന സാഹചര്യ ത്തിലാണ് ഖത്തറിന്‍റെ ഈ നടപടി. ചെക്കുകളുമായി ബന്ധപ്പെട്ട കേസുകളില്‍ തീര്‍പ്പ് കല്‍പ്പിക്കാന്‍ രാജ്യത്ത് രണ്ട് കോടതികള്‍ സ്ഥാപിക്കുവാനും തീരുമാനമായി.
-
വായിക്കുക: ഖത്തര്‍, നിയമം, സാമ്പത്തികം
ഖത്തറിലെ പാലക്കാടന്‍ നാട്ടരങ്ങിന്‍റെ നിളോത്സവം ഈ മാസം 21 ന് നടക്കും.
പാലക്കാട് ശ്രീരാമിന്‍റെ ഫ്യൂഷന്‍ സംഗീതം, എം. ജയചന്ദ്രന്‍റെ നേതൃത്വത്തില്‍ ഗായകരായ ബിജു നാരായണന്‍, കാര്‍ത്തിക്, സിതാര എന്നിവര്‍ അവതരിപ്പിക്കുന്ന സംഗീത പരിപാടി എന്നിവ ഉണ്ടാകും. ടിനി ടോമിന്‍റെ നേതൃത്വത്തില്‍ കോമഡി ഷോയും ഉണ്ടാകും.
-
ഖത്തറിലെ അല്‍ മിസ്നാദ് എജ്യുക്കേഷന്‍ സെന്‍ററിന്‍റേയും ഭാരതീയ വിദ്യാഭവന്‍റേയും സംയുക്ത സംരഭവമായ ഭവന്‍സ് പബ്ലിക് സ്കൂള്‍ ഈ മാസം 14 ന് ഉദ്ഘാടനം ചെയ്യും.
കേന്ദ്ര മാനവ വിഭവ വകുപ്പ് സഹമന്ത്രി ഭഗുപതി പുരന്തരേശ്വരിയാണ് ഉദ്ഘാടനം നിര്‍വഹിക്കുക. കേരള വിദ്യാഭ്യാസ മന്ത്രി എം. എ. ബേബി, ഇന്ത്യന്‍ അംബാസഡര്‍ ദീപാ ഗോപാലന്‍ വാദ്ധ്വാ, കെ. പി. സി. സി. പ്രസിഡന്‍റ് രമേശ് ചെന്നിത്തല, ഭാരതീയ വിദ്യാഭവന്‍ ട്രഷറര്‍ ഈശ്വര്‍ എന്നിവര്‍ പരിപാടിയില്‍ പങ്കെടുക്കും.
എല്‍. കെ. ജി. മുതല്‍ നാലാം ക്ലാസ് വരെയുള്ള കുട്ടികള്‍ക്കാണ് തുടക്കത്തില്‍ പ്രവേശനം നല്‍കുകയെന്ന് സ്കൂള്‍ ചെയര്‍മാന്‍ സി. കെ. മേനോന്‍ വാര്‍ത്താ സമ്മേളനത്തില്‍ അറിയിച്ചു. പ്രിന്‍സിപ്പല്‍ ഗിരിജ ബൈജു, സലിം പൊന്നമ്പത്ത്, പി. എന്‍. ബാബുരാജ് തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
-
വായിക്കുക: ഖത്തര്‍, വിദ്യാഭ്യാസം
അന്താരാഷ്ട്ര ടൂറിസം രംഗത്ത് ഖത്തര്‍ മികച്ച നേട്ടം കൈവരിച്ചതായി റിപ്പോര്‍ട്ട്. ടൂറിസം വഴിയുള്ള വരുമാനത്തിലും വര്‍ധനവുണ്ടായതായി റിപ്പോര്‍ട്ടില്‍ പറയുന്നു. 2009 ല്‍ ഒരു മില്യണിലേറെ ടൂറിസ്റ്റുകള്‍ ഖത്തറില്‍ എത്തിയതായാണ് കണക്ക്.
2010 ല്‍ ഇതിലേറെ പേര്‍ എത്തുമെന്നാണ് ഖത്തര്‍ ടൂറിസം അഥോറിറ്റി കണക്ക് കൂട്ടുന്നത്. വിദേശ ടൂറിസ്റ്റുകളെ ഖത്തറിലേക്ക് ആകര്‍ഷിക്കുന്നതിനായി ടൂറിസം രംഗത്ത് വന്‍ വികസന പ്രവര്‍ത്തനങ്ങളാണ് നടക്കുന്നത്.
80,000 ചതുരശ്ര മീറ്റര്‍ വിസ്തീര്‍ണത്തില്‍ പണി പൂര്‍ത്തിയായി വരുന്ന എക്സിബിഷന്‍ സെന്‍റര്‍ ഇതിന്‍റെ ഭാഗമാണ്.
-
വായിക്കുക: ഖത്തര്‍, വിനോദസഞ്ചാരം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
