 |
 |
 |
 |
 |
 |
 |
 |
 |
 |
 |
 |
 |
 |
ദോഹ: സിറിയന്‍ പ്രതിസന്ധി പരിഹരിക്കാനുള്ള യു. എന്‍ . മുന്‍ സെക്രട്ടറി കോഫി അന്നാന്റെ ദൗത്യത്തില്‍ ഇപ്പോഴത്തെ സാഹചര്യത്തില്‍ പ്രതീക്ഷയില്ലെന്ന് ഖത്തര്‍ അമീര്‍ ശൈഖ് ഹമദ് ബിന്‍ ഖലീഫ ആല്‍ഥാനി. യു. എന്‍ – അറബ് ലീഗ് സംയുക്ത ദൂതനായാണ് കോഫി അന്നാന്‍ സിറിയയില്‍ എത്തിയത്‌. അന്നാന്റെ ദൗത്യം വിജയിക്കാനുള്ള സാധ്യത തുലോം വിരളമാണെന്നും പ്രശ്നത്തിന് പരിഹാരം കാണാനുള്ള സാധ്യത വളരെ കുറവാണെന്നുമാണ് ഖത്തര്‍ അമീറിന്റെ അഭിപ്രായം.
- ന്യൂസ് ഡെസ്ക്
വായിക്കുക: ഖത്തര്‍
ദോഹ : ആര്‍ഗണ്‍ ഗ്ലോബലും ദോഹ സ്റ്റേജും ചേര്‍ന്ന് സഫാരി മാള്‍ ടൈറ്റില്‍ ആയി ഒരുക്കുന്ന “സഫാരി മാള്‍ – എ. ജി. വിഷന്‍ അവാര്ഡ് നൈറ്റ് – 2012” ഉം കലാമേളയും ഏപ്രില്‍ 13 ന് 7 മണിക്ക് ഖത്തറിലെ അല്‍ അഹ്‌ലി സ്റ്റേഡിയത്തിൽ നടക്കും. പത്മശ്രീ ഭരത് മമ്മൂട്ടിയാണ് പരിപാടിയിലെ പ്രധാന താരം.
13 വര്‍ഷത്തിന് ശേഷം ഇതാദ്യമായി ദോഹയിലെത്തുന്ന മമ്മൂട്ടിയെ ചടങ്ങില്‍ ആദരിക്കുന്നതോടൊപ്പം പരിപാടികളിലും മറ്റ് കലാകാരന്മാരോടൊപ്പം മമ്മൂട്ടിയുടെ സാന്നിദ്ധ്യമുണ്ടാവുമെന്ന് സംഘാടകരായ ആര്‍ഗണ്‍ ഗ്ലോബല്‍ സി. ഇ. ഒ. അബ്ദുല്‍ ഗഫൂറും ദോഹ സ്റ്റേജ് എം. ഡി. മുസ്തഫയും അറിയിച്ചു.
നാദിർഷാ സംവിധാനം ചെയ്യുന്ന ഈ പരിപാടി ചലച്ചിത്ര സംവിധായകരായ പ്രമോദ് – പപ്പൻ കൂട്ടുകെട്ടാണ് രൂപകല്‍പ്പന ചെയ്തിരിക്കുന്നത് .
മമ്മൂട്ടിക്ക് പുറമെ നാദിര്‍ഷാ, സിദ്ധിക്ക്, മനോജ്‌ കെ. ജയന്‍ , സുരാജ് വെഞ്ഞാറമ്മൂട് , ഉണ്ണി മുകുന്ദന്‍ , ഗിന്നസ്സ് പക്ക്രു , അംബിക , റോമ , അനന്യ , ഭാമ , കല്‍പ്പന , ലെന , മിത്ര കുര്യന്‍ , കോട്ടയം നസീര്‍ , ഷംന കാസിം , സ്വര്‍ണ്ണ ( സൂപ്പര്‍ ഡാന്‍സര്‍ ജൂനിയര്‍ ) എന്നിവരും പിന്നണി ഗായകരായ അഫ്സൽ , റിമി ടോമി , മൈലാഞ്ചി വിജയി ആസിഫ് കാപ്പാടും , മിമിക്രി താരങ്ങളായ ( വോഡാഫോണ്‍ കോമഡി ) നെല്‍സണ്‍ , ഉല്ലാസ് , നോബി എന്നിവരും അടങ്ങിയ ഒരു വലിയ താരനിര തന്നെയാണ് ഈ കലാ മേളയില്‍ പങ്കെടുക്കാനെത്തുന്നത്. ഗാനമേള , മിമിക്രി, നൃത്തം തുടങ്ങിയ കലാ പരിപാടികള്‍ക്കൊപ്പം അവാര്ഡ് ദാനവും നടക്കുന്ന പരിപാടിയുടെ അവതാരക രഞ്ജിനി ഹരിദാസാണ്. മൂന്നര മണിക്കൂര്‍ നീണ്ടു നില്‍ക്കുന്ന പരിപാടിയുടെ ടിക്കറ്റ് നിരക്ക് 800 ( ഫാമിലി 5 പേര്‍ക്ക് ) 500 ( വി. ഐ. പി. ) 200 , 100 എന്നിങ്ങനെയാണ്.
കൂടുതല്‍ വിവരങ്ങള്‍ക്ക് ബന്ധപ്പെടുക – 55317921 , 77106263 , 70378760 , 66164651
– അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍
- ജെ.എസ്.
വായിക്കുക: ഖത്തര്‍, ബഹുമതി, സാംസ്കാരികം
ദോഹ : ഖത്തറിലെ പയ്യന്നൂര്‍ക്കാരുടെ കൂട്ടായ്മയായ പയ്യന്നൂര്‍ സൗഹൃദ വേദിയുടെ അഞ്ചാം വാര്‍ഷികാഘോഷവും തുടര്‍ന്ന് നടന്ന “പി. എസ്. വി. സ്റ്റാർ നൈറ്റ് കലാമയൂരം 2012” എന്ന കലാ വിരുന്ന് കേരളത്തില്‍ നിന്നുള്ള പ്രശസ്ത കലാകാരന്മാരുടെ സാന്നിദ്ധ്യം കൊണ്ടും പരിപാടികളുടെ വത്യസ്തത കൊണ്ടും വന്‍ ജനപങ്കാളിത്തം കൊണ്ടും ഖത്തറിലെ മലയാളികള്‍ക്ക് അവിസ്മരണീയമായ അനുഭവമായി. എം. ഇ. എസ്. ഇന്ത്യന്‍ സ്കൂള്‍ ഓപ്പണ്‍ ഓഡിറ്റോറിയത്തില്‍ വെച്ചു വൈകീട്ട് 6:30 നു ഹ്രസ്വമായ ഉദ്ഘാടന ചടങ്ങുകളോടെയായിരുന്നു പരിപാടിയുടെ തുടക്കം. ഇന്ത്യന്‍ എംബസ്സി ഫസ്റ്റ് സെക്രട്ടറി എം. ആര്‍. ഖുറൈഷി ഔപചാരികമായ ഉദ്ഘാടന കര്‍മ്മം നിര്‍വഹിച്ചു. വേദിയുടെ പ്രസിഡന്റ് കക്കുളത്ത് അബ്ദുള്‍ ഖാദര്‍ അദ്ധ്യക്ഷത വഹിച്ച വാര്‍ഷികാഘോഷ ചടങ്ങില്‍ ജനറല്‍ സെക്രട്ടറി സുരേഷ് ബാബു കെ. സി. സ്വാഗതം പറഞ്ഞു. വേദി ലിറ്റററി സെക്രട്ടറി കൂടിയായ രവീന്ദ്രന്‍ കൈപ്രത്തിന്റെ മകള്‍ അശ്വിനി രവീന്ദ്രന്‍ പി. എസ്. വി. അക്കാദമിക്ക് എക്സെല്ലെന്‍സ് അവാര്ഡ് എം. ആര്‍. ഖുറൈഷി സമ്മാനിച്ചു.
തുടര്‍ന്ന് നാലു മണിക്കൂര്‍ കേരളത്തില്‍ നിന്നുമെത്തിയ കലാകാരന്മാര്‍ കാണികളെ രസിപ്പിച്ചും ചിരിപ്പിച്ചും വൈവിധ്യമാര്‍ന്ന നിരവധി കലാ പരിപാടികള്‍ കാഴ്ച വെച്ചു. പ്രശസ്ത ഗായകാരായ വിവേകാനന്ദന്‍ , സയനോര, കണ്ണൂര്‍ ഷെരീഫ് , സിന്ധു പ്രേംകുമാര്‍ തുടങ്ങിയവര്‍ ഒരു അപൂര്‍വ ഗാന സന്ധ്യ ദോഹയിലെ സംഗീത പ്രേമികള്‍ക്കായി ഒരുക്കി. ഷെരീഫും സിന്ധുവും കാണികള്‍ക്കിടയില്‍ ഇറങ്ങി ചെന്ന് കാണികള്‍ക്കൊപ്പം ആടിത്തിമിർത്തത് ഏറെ കൌതുകമുണര്‍ത്തി. ഷംന കാസിമും സംഘവും സദസ്യരുടെ മനം കവരുന്ന നൃത്തങ്ങള്‍ കാഴ്ച്ച വെച്ചു. വോഡഫോണ്‍ കോമഡി സ്റ്റാര്‍ ഫെയിം കോമഡി കസിന്സ് സതീഷിന്റെയും ടീമിന്‍റെയും കോമഡി വന്‍ കൈയടികളോടെയാണ് സദസ്സ് സ്വീകരിച്ചത്.
പ്ലാറ്റിനം പ്രായോജകരായ ആർഗോന്‍ ഗ്ലോബല്‍ എം. ഡി. അബ്ദുല്‍ ഗഫൂര്‍ കലാകാരന്മാരെ പരിചയപ്പെട്ടു.
ജനറല്‍ കണ്‍വീനര്‍ വേണുഗോപാല്‍ കെ., ട്രഷറര്‍ വിജയ കുമാര്‍ ടി. വി., ഇവന്റ് കണ്‍വീനര്‍ സതീശന്‍ കെ., സുബൈര്‍ മാടായി, ശ്രീജീവ്‌, രമേശന്‍ കെ., രവീന്ദ്രന്‍ കെ., കൃഷ്ണന്‍ പി., രാജീവന്‍ , പവിത്രൻ , രാജേഷ്‌ ലക്ഷ്മണന്‍ വാസുദേവന്‍ , വത്സരാജന്‍ , രാജന്‍ , പി. പി. രമേശൻ , ഉല്ലാസ് , മധുസൂധനൻ , കുഞ്ഞികണ്ണന്‍ എ., പ്രദീപ്‌ കുമാര്‍, അനില്‍ കുമാര്‍, റാഫി, സതീശൻ , ഹരിദാസ്‌, മുത്തലിബ്, സുനില്‍ കുമാര്‍ , സന്തോഷ്‌ തുടങ്ങിയവരുടെ നേതൃത്വത്തില്‍ പയ്യന്നൂര്‍ സൗഹൃദ വേദിയുടെ പ്രവര്‍ത്തകര്‍ ഈ മെഗാ ഷോയുടെ വിജയത്തിനായി പ്രവര്‍ത്തിച്ചു.
– അയച്ചു തന്നത് : അബ്ദുൾ ഖാദർ കക്കുളത്ത്
- ജെ.എസ്.
വായിക്കുക: കല, ഖത്തര്‍, സംഘടന, സാംസ്കാരികം
ദോഹ : പ്രവാസി ക്ഷേമനിധി അംഗങ്ങളുടെ പ്രായ പരിധി 55 ല്‍ നിന്ന് 60 ആയി ഉയര്‍ത്തും എന്ന് പ്രവാസി കാര്യമന്ത്രി കെ. സി. ജോസഫിന്റെ പ്രസ്താവന, സംസ്‌കാര ഖത്തര്‍ നടത്തിയ നിയമ പോരാട്ട ത്തിന്റെ ഫലം ആണെന്ന് പ്രസിഡന്റ് അഡ്വ. ജാഫര്‍ഖാന്‍ കേച്ചരി പറഞ്ഞു.
വിദേശത്ത് ജോലി ചെയ്യുന്നവര്‍, കേരളത്തിനു പുറത്ത് ഇന്ത്യയിലെ മറ്റേതെങ്കിലും സംസ്ഥാനത്ത് ജോലി സംബന്ധമായി കുറഞ്ഞത് ആറു മാസമായി താമസിക്കുന്നവര്‍, രണ്ടു വര്‍ഷമെങ്കിലും വിദേശത്ത് ജോലി ചെയ്ത് തിരിച്ചു വന്ന് കേരള ത്തില്‍ സ്ഥിര താമസം ആക്കിയവര്‍ എന്നിവര്‍ ക്കാണ് പദ്ധതി യില്‍ അംഗത്വം ലഭിക്കുക. ഇതിനുള്ള പ്രായ പരിധി 18 നും 55 നും മദ്ധ്യേ ആയിരുന്നു. ഇതാണ് ഇപ്പോള്‍ 60 ആക്കി ഉയര്‍ത്താന്‍ തീരുമാനിച്ചത്.
ജീവിതം കാലം മുഴുവന്‍ വിദേശത്തു പണിയെടുത്തു നാടിന്റെ സാമ്പത്തിക നട്ടെല്ലായി വര്‍ത്തിക്കുന്ന പ്രവാസി മലയാളി കളുടെ ക്ഷേമം അടുത്ത കാലം വരെ അധികാരികള്‍ ശ്രദ്ധിച്ചിരുന്നില്ല. എന്നാല്‍ കഴിഞ്ഞ സര്‍ക്കാര്‍ ഇവരുടെ പുനരധിവാസവും സാമൂഹിക സുരക്ഷി തത്വവും ഉറപ്പു വരുത്താന്‍ ആരംഭിച്ച പ്രവാസി ക്ഷേമ പദ്ധതി വേണ്ട രീതിയില്‍ പ്രവാസികളില്‍ എത്തിക്കാന്‍ കഴിയാതെ വന്നു. ഇതിന്റെ അടിസ്ഥാന ത്തില്‍ കഴിഞ്ഞ ഒരു വര്‍ഷത്തില്‍ അധികമായി, ക്ഷേമനിധി യുടെ ആനുകൂല്യം കൂടുതല്‍ പേരില്‍ എത്തിക്കുന്ന തിനായി സംഘടനാ പ്രതിനിധി കള്‍ ഖത്തറിന്റെ വിവിധ മേഖല കളിലുള്ള ലേബര്‍ ക്യാമ്പ് ഉള്‍പ്പെടെയുള്ള കേന്ദ്ര ങ്ങള്‍ സന്ദര്‍ശിക്കുകയും, ക്ഷേമനിധി യെ കുറിച്ച് ബോധവത്കരണം നടത്തി വരികയും ചെയ്തിരുന്നു.
ഇതിന്റെ ഭാഗമായി മുഖ്യമന്ത്രിക്ക് എഴുതിയ തുറന്ന കത്തിന്റെ അടിസ്ഥാന ത്തിലാണ് മന്ത്രി ഇങ്ങനെ ഒരു പ്രസ്താവന നടത്തിയത് എന്ന് സെക്രട്ടറി മുഹമ്മദ് സഗീര്‍ പണ്ടാരത്തില്‍ പറഞ്ഞു.
ക്ഷേമനിധി അപേക്ഷാ ഫോറത്തില്‍ കളര്‍ ഫോട്ടോ പതിച്ച് ‘Non Resident Keralite Welfare Fund’ എന്ന പേരില്‍ തിരുവനന്ത പുരത്ത് മാറാവുന്ന 200 രൂപയുടെ ഡിമാന്റ് ഡ്രാഫ്റ്റും പ്രാബല്യ ത്തിലുള്ള വിസയോടു കൂടിയ പാസ്‌പോര്‍ട്ട് കോപ്പിയും സഹിത മാണ് വിദേശ ത്തുള്ളവര്‍ ക്ഷേമ നിധി അംഗത്വ ത്തിന് അപേക്ഷിക്കേണ്ടത്.
എമ്പസി അറ്റസ്‌റ്റേഷന്‍ ഒഴിവാക്കിയ തിനാല്‍ അപേക്ഷാ ഫോറം പൂരിപ്പിച്ച ശേഷം ആവശ്യമായ രേഖകള്‍ സഹിതം The Special Officer, Non Residential Keralite Welfare Fund, Ground Floor, Manikanda Towers, Near Tennis Club, Jawahar Nagar, Thiruvananthapuram 69 50 03 എന്ന വിലാസത്തില്‍ അയച്ചാല്‍ മതി.
ജനന തിയ്യതിയും വയസ്സും തെളിയിക്കാന്‍ പാസ്‌പോര്‍ട്ട്, ഡ്രൈവിംഗ് ലൈസന്‍സ് എന്നിവയില്‍ ഏതെങ്കിലും ഒന്ന് ഉപയോഗി ക്കാവുന്നതാണ്. ഇപ്പോള്‍ വിദേശത്തുള്ള വര്‍ക്കും വിദേശത്തു നിന്ന് നാട്ടില്‍ മടങ്ങി എത്തിയ വര്‍ക്കും ഇന്ത്യ യിലെ മറ്റു സംസ്ഥാന ങ്ങളിലുള്ള വര്‍ക്കും വെവ്വേറെ അപേക്ഷാ ഫോറ ങ്ങളുണ്ട്.
അംഗത്വം ലഭിക്കുന്നതോടെ ഒരാള്‍ പ്രതിമാസം 300 രൂപ ക്ഷേമ നിധി ബോര്‍ഡിലേക്ക് അടക്കണം. ഈ സംഖ്യ 60 വയസ് പൂര്‍ത്തി യാകുമ്പോള്‍ അംഗ ങ്ങള്‍ക്ക് തിരിച്ചു നല്‍കുന്നതാണ് പ്രവാസി ക്ഷേമനിധി പദ്ധതി.
പ്രവാസി ക്ഷേമ നിധിയെ കുറിച്ചുള്ള സംശയ ങ്ങള്‍ക്ക് മറുപടി ലഭിക്കുന്നതിനായി ഖത്തറില്‍ ബന്ധപ്പെടുക : അഡ്വ. ജാഫര്‍ഖാന്‍ – 55 62 86 26, 77 94 21 69, അഡ്വ. അബൂബക്കര്‍ – 55 07 10 59, മുഹമ്മദ് സഗീര്‍ പണ്ടാരത്തില്‍ – 55 19 87 804.
സംസ്‌കാര ഖത്തര്‍ ഓഫീസുമായി ബന്ധപ്പെട്ടാല്‍ ക്ഷേമനിധി അംഗത്വ ത്തിനുള്ള അപേക്ഷാ ഫോമും പ്രവാസി തിരിച്ചറിയല്‍ കാര്‍ഡിന്റെ ഫോമും സൗജന്യമായി ലഭിക്കും.
- pma
ദോഹ : ഖത്തറിലെ “പയ്യന്നൂര്‍ സൌഹൃദ വേദി” ക്ക് വേണ്ടി “ദോഹ വേവ്സ്” അണിയി ച്ചൊരുക്കുന്ന “പി. വി. എസ് സ്റ്റാര്‍ നൈറ്റ് 2012 – കലാമയൂരം ഏപ്രില്‍ 6 വെള്ളിയാഴ്ച വൈകീട്ട് 6 മണിക്ക് ഖത്തറിലെ എം. ഇ. എസ് സ്ക്കൂളില്‍ അരങ്ങേറും. പ്രശസ്ത ഗായകരായ വിവേകാനന്ദന്‍ , കണ്ണൂര്‍ ഷെരീഫ് , സയനോര , സിന്ധു പ്രേംകുമാര്‍ എന്നിവരും ഷംന കാസിം & പാര്ട്ടിയുടെ നൃത്തവും , ഏഷ്യാനെറ്റ്‌ കോമഡി സ്റ്റാര്‍സിലെ “കോമഡി കസിന്സ് ” ടീമിന്റെ ഹാസ്യ കലാ പ്രഖടനവും ഉണ്ടായിരിക്കുന്നതാണ്.
ഖത്തറിലെ കലാപ്രേമികള്‍ക്ക് ഒരുപാട് വ്യത്യസ്ഥ പരിപാടികള്‍ കാഴ്ച വെച്ചിട്ടുള്ള “ദോഹ വേവ്സ് ” ഈ പരിപാടിയിലും ഗാനങ്ങളും, കോമഡിയും, ആകര്‍ഷകങ്ങളായ നൃത്തങ്ങളും എല്ലാം കോര്‍ത്തിണക്കി ആസ്വാദകര്‍ക്ക് ഏറെ ഇഷ്ടപ്പെടുന്ന രീതിയിലാണ് ഒരുക്കിയിരിക്കുന്നതെന്ന് ഇവന്റ് മാനേജര്‍ മുഹമ്മദ് തൊയ്യിബ് പറഞ്ഞു.
ഖത്തറിലെ പ്രമുഖ സൂപ്പര്‍ മാര്‍ക്കറ്റുകളിലും, റെസ്റ്റോറണ്ടുകളിലും ഇതിന്റെ ടിക്കറ്റുകള്‍ ലഭ്യമാണ്. ടിക്കറ്റ് നിരക്ക് ഖത്തര്‍ റിയാല്‍ 200 ( 4 പേര്‍ക്ക് – ഫാമിലി മാത്രം ) ഖത്തര്‍ റിയാല്‍ 75, 50, 30. കൂടുതല്‍ വിവരങ്ങള്‍ക്ക് ബന്ധപ്പെടുക 33993071, 55883582, 55441378, 66558248.
– അബ്ദുല്‍ അസീസ്‌ – ചാവക്കാട്, ഖത്തര്‍
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
