 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : സെപ്റ്റംബര്‍ 24 വെള്ളിയാഴ്ച അബുദാബി പള്ളിയില്‍ ഓണാഘോഷം നടത്തി. മിഠായി പെറുക്കല്‍, വടം വലി, കസേര കളി, സുന്ദരിക്കൊരു പൊട്ടു കുത്തല്‍, ഓണച്ചന്ത, ഗാനമേള, മിമിക്സ് പരേഡ്, പരമ്പരാഗത തനിമയിലുള്ള ഓണ സദ്യ എന്നിവ ആഘോഷങ്ങള്‍ക്ക് മാറ്റുകൂട്ടി.
പള്ളി വികാരി ഫാദര്‍ ജോണ്‍സന്‍ ഡാനിയേല്‍, കൈക്കാരന്‍ പി. ജി. ഇട്ടി പണിക്കര്‍, സെക്രട്ടറി എ. ജെ. ജോയ് കുട്ടി എന്നിവര്‍ ആഘോഷ പരിപാടികള്‍ക്ക് നേതൃത്വം നല്‍കി.
- ജെ.എസ്.
കുവൈറ്റ്‌ : കുവൈറ്റിലെ പ്രമുഖ പണ്ഡിതനും മാധ്യമ പ്രവര്‍ത്തകനുമായ ശൈഖ് ഫഹദ് ഫുറൈജ് അല്‍ ജന്‍ഫാവി ക്യു.എച്ച്.എല്‍.എസ്. സംസ്ഥാന സംഗമം 26 ന് തലശ്ശേരിയില്‍
ഉദ്ഘാടനം ചെയ്യും. സംസ്ഥാന ആഭ്യന്തര വകുപ്പ് മന്ത്രി കോടിയേരി ബാലകൃഷ്ണന്‍ മുഖ്യാതിഥി ആയിരിക്കും.
ഐ. എസ്. എം. ആഭിമുഖ്യത്തിലുള്ള ക്വുര്‍ആന്‍ ഹദീഥ് ലേണിംഗ് സ്കൂളിലെ (ക്യു.എച്ച്.എല്‍.എസ്.) പഠിതാക്കളുടെ സംസ്ഥാന സംഗമം സെപ്ത: 26 ന് (ഞായര്‍) തലശ്ശേരി നാരങ്ങാപുറം സലഫി നഗറില്‍ നടക്കുമെന്ന് ഐ. എസ്. എ. സംസ്ഥാന പ്രസിഡണ്ട് സയ്യിദ് മുഹമ്മദ് ശാക്കിര്‍, ജന. സെക്രട്ടറി ടി. കെ. അശ്റഫ് എന്നിവര്‍ അറിയിച്ചു.
പ്രായ ഭേദമന്യേ സമൂഹത്തിലെ വ്യത്യസ്ത തലങ്ങളിലുള്ള ആളുകള്‍ കുടുംബ സമേതം പങ്കെടുക്കുന്ന കേരളത്തിലെ ഏറ്റവും വലിയ അനൌപചാരിക വിദ്യാഭ്യാസ സംരംഭമാണ് ക്യു. എച്ച്. എല്‍. എസ്. സംസ്ഥാനത്തിന്റെ വിവിധ ഭാഗങ്ങളിലുള്ള അറുന്നൂറോളം സ്കൂളുകളില്‍ നാല് ബാച്ചുകളായാണ് പഠനം നടന്നു വരുന്നത്. 5 വിഭാഗങ്ങളിലായി നടന്ന വാര്‍ഷിക പരീക്ഷയിലെ റാങ്ക് ജേതാക്കള്‍ക്കുള്ള അവാര്‍ഡുകളും സംഗമത്തില്‍ വിതരണം ചെയ്യും.
സംഗമത്തില്‍ പ്രായ ഭേദമന്യേ പഠിതാക്കളായ അയ്യായിരം പ്രതിനിധികള്‍ പങ്കെടുക്കും. കേരളത്തിന് പുറത്ത് മൈസൂര്‍, ബാംഗ്ളൂര്‍, മംഗലാപുരം, കോയമ്പത്തൂര്‍, ചെന്നൈ, ന്യൂ ഡല്‍ഹി, മുംബൈ എന്നിവിടങ്ങളിലും ഗള്ഫ് രാജ്യങ്ങളിലും പ്രത്യേകം തയ്യാറാക്കിയ സിലബസ് അടിസ്ഥാനത്തില്‍ ക്യു. എച്ച്. എല്‍. എസ് ക്ളാസ്സുകള്‍ നടന്നു വരുന്നുണ്ട്. ഇതര സംസ്ഥാനങ്ങളിലെ സെന്ററുകളില്‍ നിന്നും സൌഹാര്‍ദ്ദ പ്രതിനിധികളും പങ്കെടുക്കും.
നാല് സെഷനുകളിലായി നടക്കുന്ന സംഗമം രാവിലെ 9 മണിക്ക് ആരംഭിക്കും. കുവൈത്തിലെ പ്രമുഖ പണ്ഡിതനും മാധ്യമ പ്രവര്‍ത്തകനുമായ ശൈഖ് ഫഹദ് ഫുറൈജ് അല്‍ ജന്‍ഫാവി സംഗമം ഉദ്ഘാടനം ചെയ്യും. സംസ്ഥാന ആഭ്യന്തര വകുപ്പ് മന്ത്രി കോടിയേരി ബാലകൃഷ്ണന്‍ മുഖ്യാതിഥി ആയിരിക്കും.
റാങ്ക് ജേതാക്കള്‍ക്കുള്ള അവാര്‍ഡുകള്‍ കെ. എന്‍. എം. സംസഥാന പ്രസിഡണ്ട് ടി. പി. അബ്ദുല്ല ക്കോയ മദനി വിതരണം ചെയ്യും. കെ. എന്‍. എം. സംസ്ഥാന ജനറല്‍ സെക്രട്ടറി എ. പി. അബ്ദുല്‍ ഖാദിര്‍ മൌലവി, എ. പി. അബ്ദുല്ലക്കുട്ടി എം. എല്‍. എ., തലശ്ശേരി മുന്‍സിപ്പല്‍ ചെയര്‍മാന്‍ കെ. പി. രവീന്ദ്രന്‍, കേരള വഖഫ് ബോര്‍ഡ് മെമ്പര്‍ അഡ്വ: പി. പി. സൈനുദ്ദീന്‍, ഡോ: മുഹമ്മദ് ശഹീര്‍ എന്നിവര്‍ പങ്കെടുക്കും.
രാവിലെ നടക്കുന്ന പഠന സെഷനില്‍ ഐ. എസ്. എം. സംസ്ഥാന വൈസ് പ്രസിഡണ്ട് അബ്ദുറഹ്മാന്‍ അന്‍സാരി അദ്ധ്യക്ഷ്യം വഹിക്കും. കെ. എന്‍. എം. സംസ്ഥാന സെക്രട്ടറി കുഞ്ഞി മുഹമ്മദ് മദനി പറപ്പൂര്‍, ശംസുദ്ദീന്‍ പാലത്ത്, അബ്ദുല്‍ ഹഖ് സുല്ലമി ആമയൂര്‍ എന്നിവര്‍ പ്രബന്ധങ്ങള്‍ അവതരിപ്പിക്കും.
ഉച്ചക്ക് ശേഷം നടക്കുന്ന ചര്‍ച്ചക്ക് എം. എം. അക്ബര്‍, ഡോ: കെ..കെ. സക്കരിയ്യ സ്വലാഹി എന്നിവര്‍ നേതൃത്വം നല്‍കും. നാല് മണിക്ക് നടക്കുന്ന സമാപന സമ്മേളനം കെ. ജെ. യു. സെക്രട്ടറി എം. മുഹമ്മദ് മദനി ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ പി. കെ. കുഞ്ഞബ്ദുല്ല ഹാജി, അദ്ധ്യക്ഷത വഹിക്കും, ബിസ്മി സംസ്ഥാന കണ്‍വീനര്‍ സി. പി. സലീം മുഖ്യ പ്രഭാഷണം നടത്തും.
ക്വുര്‍ആനിനെ സംബന്ധിച്ച തെറ്റുദ്ധാരണകള്‍ അകറ്റുക, ആധുനിക സാമൂഹിക പ്രശ്നങ്ങളുടെ സാഹചര്യത്തില്‍ കാലാതി വര്‍ത്തിയായ ദൈവീക ഗ്രന്ഥത്തിന്റെ മാര്‍ഗ്ഗ നിര്‍ദ്ദേശങ്ങളെ പഠന വിധേയമാക്കുക, ജീര്‍ണ്ണതകള്‍ക്കും, തീവ്രവാദ, വിധ്വംസക പ്രവര്‍ത്തന ങ്ങള്‍ക്കുമെതിരെ ക്വുര്‍ആന്‍ ഹദീഥ് നിലപാടിനെ പരിചയപ്പെടുത്തുക തുടങ്ങിയ മഹത്തായ ലക്ഷ്യങ്ങളാണ് സമ്മേളനം മുന്നോട്ടു വെക്കുന്നത്.
ക്വുര്‍ആന്‍ പവലിയന്‍, ബുക്ക്ഫെയര്‍, സി.ഡി കൌണ്ടര്‍, മെസ്സേജ് പവലിയന്‍ എന്നിവ സമ്മേളന നഗരിയില്‍ പ്രത്യേകം സജ്ജമാക്കും.
- ജെ.എസ്.
വായിക്കുക: മതം
അബുദാബി : പ്രകൃതിയെ സ്നേഹിക്കണമെന്നും അതിനെ സംരക്ഷിക്കേണ്ടത്‌ നമ്മുടെ ജീവന്റെ നിലനില്‍പ്പിന്‌ ആവശ്യമാണ്‌ എന്ന്‌ ഓര്‍മ്മപ്പെടുത്തി വൃക്ഷ തൈകള്‍ നട്ടു കൊണ്ട് പരിസ്ഥിതി സംരക്ഷണ പ്രതിജ്ഞയോടെ അഞ്ചാമത്‌ ഓര്‍ത്തഡോക്സ്‌ ക്രൈസ്തവ യുവജന സമ്മേളനത്തിന്‌ തിരശ്ശീല വീണു.
ദൈവത്തിന്റെ ഏറ്റവും വലിയ വരദാനമാണ്‌ സ്നേഹം. അലിവുള്ളവര്‍ക്ക്‌ വാക്കുകളുടെ ഘനം താങ്ങുവാന്‍ സാധിക്കില്ല. എല്ലാ അക്രമങ്ങളോടും അക്രമത്തിന്റെ ചിഹ്നങ്ങളോടും യുദ്ധം പ്രഖ്യാപിച്ചു കൊണ്ട് മാത്രമേ ‘സമാധാനത്തിന്റെ വൈരുദ്ധ്യാത്മകത’ നമുക്ക്‌ അന്വര്‍ത്ഥമാക്കാന്‍ സാധിക്കുകയുള്ളു. ആ സമാധാനത്തെ സ്വന്തം ഹൃദയത്തില്‍ സ്ഥാപിക്കാനുള്ള ശ്രമമാണ്‌ ഇവിടെ സഭ ഏറ്റെടുത്തിട്ടുള്ളത്‌. എല്ലാവരുടെയും ഹൃദയത്തില്‍ സമാധാനം ഉണ്ടാകണം. ആളുകളുടെ ഉള്ളില്‍ അറിയാതെ ഒരു കാഠിന്യം വളരുന്നതു നമ്മെ അലോസര പ്പെടുത്തുന്നുണ്ട്‌. സമാപന സമ്മേളനത്തില്‍ മുഖ്യാതിഥി ഡോ. അബ്ദുസമദ്‌ സമദാനി തന്റെ ഉദ്ഘാടന പ്രസംഗത്തില്‍ സമ്മേളന പ്രതിനിധികളെ ഓര്‍മ്മപ്പെടുത്തി.
അഭിവന്ദ്യ യൂഹാനോന്‍ മാര്‍ പോളി കര്‍പ്പോസ്‌ തിരുമേനി അദ്ധ്യക്ഷനായിരുന്നു. കത്തീഡ്രല്‍ സെക്രട്ടറി ശ്രീ. ഇ. ജെ. ജോയിക്കുട്ടി സ്വാഗതവും ശ്രീ. ജോണ്‍ സാമുവേല്‍ കൃതജ്ഞതയും രേഖപ്പെടുത്തി. യോഗത്തില്‍ റവ. ഫാ. ജോര്‍ജ്ജ്‌ ഏബ്രാഹാം, റവ. ഫാ. മനോജ്‌ എം. ഏബ്രാഹാം, റവ. ഫാ. ബിജൂ. പി. തോമസ്സ്‌ , റവ. ഫാ. ജോണ്‍ കുര്യന്‍ എന്നിവര്‍ ആശംസ പ്രസംഗങ്ങള്‍ നടത്തി. തുടര്‍ന്ന്‌ സുവനീറിന്റെ പ്രകാശനം അഭിവന്ദ്യ തിരുമേനി നിര്‍വഹിച്ചു. അഖില മലങ്കര ക്വിസ്‌ മത്സര വിജയികളായ ജോബ്‌ സാം മാത്യൂ, ബിന്‍സി ബാബു, ഇന്ത്യയ്ക്കു വെളിയിലെ മികച്ച യൂണിറ്റ് അവാര്‍ഡ്‌, ഡല്‍ഹി ഭദ്രാസനത്തിന്റെ മെട്രോപ്പോലിറ്റന്‍ അവാര്‍ഡ്‌ അബുദാബി യൂണിറ്റിന്‌ കൈമാറി. യു.എ.ഇ. സോണല്‍ കമ്മിറ്റിയുടെ പദ്ധതിയായ ‘ജ്യോതിസ്സ്‌’ ന്റെ ആദ്യ ഗഡു യുവജനപ്രസ്ഥാനം ജനറല്‍ സെക്രട്ടറി റവ. ഫാ. സ്റ്റീഫന്‍ വറുഗീസിന്‌ കൈമാറി
- ജെ.എസ്.
വായിക്കുക: മതം
കുവൈറ്റ്‌ സിറ്റി : കുവൈറ്റ്‌ കേരള ഇസ്ലാഹി സെന്ററിന്റെ കീഴില്‍ പ്രവര്ത്തിക്കുന്ന അബ്ബാസിയ സാല്മിയ, ഫഹാഹീല്‍, ഫര്‍വാനിയ, ജഹ്റ മദ്റസകളില്‍ പുതിയ അദ്ധ്യയന വര്ഷത്തെ ക്ലാസുകള്‍ ആരംഭിച്ചതായി സെന്റര്‍ വിദ്യാഭ്യാസ സിക്രട്ടറി സുനാഷ് ശുക്കൂര്‍ പത്രക്കുറിപ്പില്‍ അറിയിച്ചു.
മക്കള്‍ ഭാവിയുടെ വാഗ്ദാനവും പടച്ചവന്‍ നമ്മില്‍ ഏല്പിച്ച അമാനത്തുമാണ്. അവര്‍ കുറ്റ കൃത്യങ്ങളില്‍ അകപ്പെടാതിരിക്കാന്‍ ധാര്മിക വിജ്ഞാനം അനിവാര്യമാണ്. ഖുര്‍ആന്‍ പഠനം, പാരായണം, അറബി ഭാഷ പഠനം, വിശ്വാസ സ്വഭാവ സംസ്കരണങ്ങള്ക്ക് ഊന്നല്‍ നല്കുന്ന സവിശേ ഷതയാര്ന്ന സിലബസ്സോടെ നടത്തപ്പെടുന്ന ഇസ്ലാഹി മദ്റസകള്‍ വിദ്യാര്ത്ഥികളെ നേരിന്റെ പാതയിലേക്ക് നയിക്കാന്‍ സഹായിക്കുന്നതാണ്. മലയാള ഭാഷാ പഠനത്തിനും പ്രാധാന്യം നല്കുന്ന ഇസ്ലാഹി മദ്റസകളില്‍ പരിചയ സമ്പന്നരായ അദ്ധ്യാപികാ അദ്ധ്യാപകരുടെ സേവനവും കുവൈത്തിന്റെ വിവിധ ഭാഗങ്ങളില്‍ നിന്ന് വാഹന സൌകര്യവും ഏര്പ്പെടുത്തിയിട്ടുണ്ട്.
വിശദ വിവരങ്ങള്ക്ക് 99392791, 66485497, 66790639, 66761585, 97415065, 99230760, 22432079 എന്നീ നമ്പറുകളില്‍ ബന്ധപ്പെടാവുന്നതാണ്.
- ജെ.എസ്.
ദുബായ്‌ : കാലത്തോട്‌ സംസാരിക്കുകയും സംവദിക്കുകയും ചെയ്യുന്ന സത്യ സമ്പൂര്‍ണ്ണ ഗ്രന്ഥമാണ് ഖുര്‍ ആന്‍ എന്ന്‌ എം. എം. അക്ബര്‍ പറഞ്ഞു. ലോകത്തിനു മുന്നിലത്‌ സമര്‍പ്പിക്കപ്പെട്ടതു മുതല്‍ ഖുര്‍ആന്‍ ചര്‍ച്ച ചെയ്യപ്പെടുന്നു; നിരന്തരം, നിര്‍വിഘ്നം. ഗൌരവത്തോടു കൂടിയാണു ഖുര്‍ആന്‍ സമര്‍പ്പിക്കപ്പെട്ടത്‌; ആര്‍ക്കുമതിലൊരു അബദ്ധവും കണ്ടില്ല; കത്തിക്കാന്‍ തയ്യാറായവര്‍ക്ക്‌ പോലും. തെളിവുകള്‍ കൊണ്ട് വരാനാണ താവശ്യപ്പെടുന്നത്‌; വാചകമ ടിയായിരുന്നില്ല അതൊരിക്കലും. വിമശര്‍കര്‍ക്ക്‌ പോലുമതറിയാം. പതിനാലിലധികം നൂറ്റാണ്ടുകള്‍ ഈ മഹത് ഗ്രന്ഥം തലയുയര്‍ത്തി പിടിച്ച് നിന്നതും അതിലെ സത്യ സമ്പുര്‍ണ്ണത ഒന്നു കൊണ്ട് മാത്രം. വരും കാലം ഖുര്‍ ആന്‍ വായനയുടെയും പഠന ത്തിന്റേതു മായിരിക്കുമെന്ന്‌ അദ്ദേഹം അഭിപ്രായപ്പെട്ടു. മനസ്സിനക ത്താണു ഖുര്‍ ആനിന്റെ ആശയങ്ങള്‍ അഗ്നി സ്ഫുലിംഗങ്ങള്‍ ഉണ്ടാക്കുക; അത് പിന്നീട്‌ വെളിച്ചം നല്‍കും; മനസ്സില്‍ ആന്ദോളനങ്ങള്‍ ഉണ്ടാക്കും; ശാശ്വത ശാന്തിയും നിതാന്ത സമാധാനവും അത് പ്രദാനം ചെയ്യും. ഖൊര്‍ഫുക്കാനില്‍ (യു. എ. ഇ.) നടന്ന ഒരു പൊതു പരിപാടിയില്‍ എന്ത്‌ കൊണ്ട് ഇസ്ലാം എന്ന വിഷയം അവതരിപ്പിച്ചു സംസാരിക്കുകയായിരുന്നു അദ്ദേഹം.
യു. എ. ഇ. ഇന്ത്യന്‍ ഇസ്ലാഹി സെന്ററും, ഷാര്‍ജ ഗവണ്‍മെന്റ് മത കാര്യ വകുപ്പും സംയുക്തമായാണു ഖോര്‍ഫുഖാന്‍ കള്‍ച്ചറല്‍ സെന്ററില്‍ പ്രസ്തുത പരിപാടി സംഘടിപ്പിച്ചത്.
ലോകത്ത്‌ ഇസ്ലാം ഒരിക്കലും അപമാനവികത പറഞ്ഞില്ല; അനീതിയുടെ പക്ഷവും നിന്നില്ല; ക്രമം തെററുന്നിടത്തൊക്കെ അരുതെന്ന്‌ പറഞ്ഞു; മര്‍ദ്ദിതനു വേണ്ടി ശബ്ദിച്ചു; ഉച്ച നീചത്വമില്ലെന്നും ദൈവത്തിന്റെ മുന്നില്‍ എല്ലാവരും സമന്മാരെന്നും പറഞ്ഞു; ആ ദൈവത്തിനു പക്ഷെ സമന്മാര്‍ വേറെയില്ല; അത് കൊണ്ട് പ്രാര്‍ഥിക്കേണ്ടത്‌ അവനോട്‌ മാത്രം. ഇസ്ലാം അത്കൊണ്ട്‌ തന്നെ ബുദ്ധിക്ക്‌ ഉള്‍ക്കൊള്ളാന്‍ പറ്റുന്നത്‌ മാത്രം. അക്ബര്‍ തുടര്‍ന്ന്‌ പറഞ്ഞു.
യു. എ. ഇ. ഇന്ത്യന്‍ ഇസ്ലാഹി പ്രസിഡന്റ്‌ എ. പി. അബ്ദുസ്സമദ്‌, ജ: സെക്രട്ടറി സി. ടി. ബഷീര്‍, അബൂബക്കര്‍ സ്വലാഹി,(അല്‍മനാര്‍ ഖുര്‍ആന്‍ സ്റ്റഡി സെന്റര്‍) സ്വാഗത സംഘം ചെയര്‍മാന്‍ ഹുസൈന്‍ മദനി, അഷ്‌റഫ്‌ വെല്‍ക്കം എന്നിവര്‍ പ്രസീഡിയം നിയന്ത്രിച്ചു.
തുടര്‍ന്ന്‌ നടന്ന ചോദ്യോത്തര സെഷനില്‍ ശ്രോതാക്കളുടെ ചോദ്യങ്ങള്‍ക്ക്‌ എം. എം. അക്ബര്‍ മറുപടി നല്‍കി. സ്‌ത്രീകള്‍ അടക്കം ഒട്ടേറെ പേര്‍ അക്ബറിന്റെ പ്രഭാഷണം കേള്‍ക്കാന്‍ ഓഡിറേറാറിയത്തില്‍ എത്തിയിരുന്നു.
ഇസ്മായില്‍ അന്‍സാരി, എ. നൗഷാദ്‌ വൈക്കം, അഷ്‌റഫ്‌ എരുവേശി, അബ്ദുല്‍ഖാദര്‍ എം. എസ്., മുഹമ്മദ് കമാല്‍ പാഷ, ഉമര്‍ പി. കെ., ഹൈദര്‍ ചേലാട്ട്‌, റഹീസ്‌ കെ. കെ., മുഹമ്മദ് റഫി, അഹ്മദ് ഷെരീഫ്‌, വി. അബ്ദുല്‍ നാസര്‍, മുഹമ്മദ് പാഷ, ഷെരീഫ്‌ വളവന്നൂര്‍, ഹംസ മലപ്പുറം, ഷാഹീന്‍, നിഹാല്‍ പാഷ, നബീല്‍ പാഷ , യാസിര്‍, സിദ്ദീഖ്‌ മാസ്റ്റര്‍, ഹനീഫ്‌ സലഫി, ജമാല്‍, ഡോ. സൈദലവി, മുഹമ്മദ് എന്നിവര്‍ വിവിധ സബ് കമ്മറ്റികള്‍ക്ക്‌ നേത്യത്വം നല്‍കി
- ജെ.എസ്.
വായിക്കുക: മതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
