അബുദാബി – ദുബായ് യാത്രക്ക് ഇനി 57 മിനിറ്റുകൾ : ഇത്തിഹാദ് റെയില്‍ പാസഞ്ചര്‍

October 17th, 2024

logo-uae-etihad-rail-ePathram

അബുദാബി : യു. എ. ഇ. യുടെ തലസ്ഥാന നഗരമായ അബുദാബിയിൽ നിന്നും വാണിജ്യ നഗരമായ ദുബായിലേക്ക് ഇനി യാത്രാ സമയം 57 മിനിറ്റുകൾ മാത്രം എന്ന് ഇത്തിഹാദ് റെയില്‍. മണിക്കൂറില്‍ 200 കിലോ മീറ്റര്‍ വേഗതയില്‍ യാത്ര ചെയ്യുന്ന യു. എ. ഇ. യുടെ ഇത്തിഹാദ് റെയില്‍ പാസഞ്ചര്‍ ട്രെയിനുകള്‍ ഓടി തുടങ്ങുന്നതോടെ യാണ് ഇത് യാഥാർത്ഥ്യം ആവുക.

നിലവില്‍ കാർ യാത്രക്ക് രണ്ടു മണിക്കൂറോളം സമയ ദൈർഘ്യം ഉള്ള ദൂരമാണ് വെറും 57 മിനിറ്റുകൾ കൊണ്ട് താണ്ടി ട്രെയിൻ എത്തുക. യു. എ. ഇ. യിലെ വിവിധ റൂട്ടുകളിൽ പാസഞ്ചര്‍ ട്രെയിനുകളുടെ യാത്രാ സമയം ഇത്തിഹാദ് റെയില്‍ കഴിഞ്ഞ ദിവസം പ്രഖ്യാപിച്ചിരുന്നു.

അബുദാബിയിൽ നിന്നും റുവൈസിലേക്കുള്ള യാത്രക്ക് 70 മിനിറ്റ്, ഫുജൈറയിലേക്ക് എത്താൻ 105 മിനിറ്റ് എന്നിങ്ങനെയാണ്.

വിവിധ നഗരങ്ങളെയും പ്രാന്ത പ്രദേശങ്ങളെയും തമ്മിൽ ബന്ധിപ്പിക്കുന്ന ഇത്തിഹാദ് റെയിൽ പാസഞ്ചര്‍ ട്രെയിനു കളുടെ സ്റ്റേഷനുകളുടെ പേര് വിവരങ്ങളും അവിടേക്കുള്ള യാത്രാ സമയ ദൈർഘ്യം എന്നിവ ഉടൻ തന്നെ പ്രഖ്യാപിക്കും എന്നും അറിയുന്നു. Network  of  Etihad Rail & Twitter

- pma

വായിക്കുക: , , , , , , , ,

അഭിപ്രായം എഴുതുക »

മെട്രോയിലും ട്രാമിലും ഇ-സ്‌കൂട്ടറുകള്‍ കൊണ്ടു പോകാം : ആര്‍. ടി. എ.

October 5th, 2024

roads-transport-authority-dubai-logo-rta-ePathram
ദുബായ് : മടക്കി കൊണ്ടു പോകാവുന്ന ഇ-സ്‌കൂട്ടറുകള്‍ മെട്രോ-ട്രാം യാത്രയിൽ കൊണ്ടു പോകാം എന്ന് ദുബായ് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ.) അറിയിച്ചു. വൃത്തി ഇല്ലാത്തതും നനഞ്ഞതുമായ ഇ-സ്‌കൂട്ടറുകള്‍ അനുവദിക്കില്ല.

പ്ലാറ്റ്‌ ഫോമുകളിലും സ്റ്റേഷനുകളിലും മെട്രോ ട്രെയിനു കളിലേക്കും ട്രാമുകളിലേക്കും പ്രവേശിക്കുമ്പോള്‍ ഇ-സ്‌കൂട്ടറുകള്‍ പവർ ഓഫ് ചെയ്തു മടക്കിയ നിലയിൽ ആയിരിക്കണം എന്നും ആർ. ടി. എ. അറിയിച്ചു.

20 കിലോയില്‍ കൂടുതല്‍ ഭാരം ഇല്ലാത്തതും 120 സെന്റി മീറ്റര്‍, 70 സെന്റി മീറ്റര്‍, 40 സെന്റി മീറ്റര്‍ എന്ന അളവില്‍ ഉള്ളതും ആയിരിക്കണം. മെട്രോയിലും ട്രാമിലും എല്ലാ പ്രവര്‍ത്തന സമയത്തും ഇവ കൊണ്ടു പോകാം.

എന്നാൽ മെട്രോയിലും ട്രാം പരിസരങ്ങളിലും വെച്ച് ഇ-സ്‌കൂട്ടര്‍ ചാര്‍ജ്ജ് ചെയ്യാന്‍ പാടില്ല. മെട്രോ ട്രെയിൻ-ട്രാം വാതിലുകള്‍, ഇരിപ്പിടങ്ങള്‍, ഇടനാഴികള്‍, എമര്‍ജന്‍സി ഉപകരണങ്ങള്‍ എന്നിവ തടയുന്ന വിധത്തില്‍ ഇവ നിർത്താനും പാടില്ല.

മറ്റു യാത്രക്കാർക്ക് ബുദ്ധിമുട്ടുകൾ ഉണ്ടാവാത്ത വിധവും സ്വന്തം ഉത്തരവാദിത്വത്തിലും ഇ-സ്‌കൂട്ടറു കള്‍ സുരക്ഷിതമായി കൊണ്ടു പോകുവാൻ ഏറെ നിബന്ധനകളോടെ ആര്‍. ടി. എ. ഇപ്പോൾ അനുവദിച്ചിരിക്കുന്നത് മലയാളികൾ അടക്കമുള്ള പ്രവാസികൾക്ക് ഏറെ ആശ്വാസം പകരുന്നു. ഇക്കഴിഞ്ഞ മാര്‍ച്ച് മുതലാണ് യാത്രക്കാരുടെ സുരക്ഷ ഉറപ്പാക്കാന്‍ മെട്രോയിലും ട്രാമിലും ഇ-സ്‌കൂട്ടറുകള്‍ നിരോധിച്ചത്.

- pma

വായിക്കുക: , , , , , , ,

അഭിപ്രായം എഴുതുക »

നോൽ കാർഡ് മിനിമം ടോപ്പ്-അപ്പ് ചാർജ്ജ് 50 ദിർഹം

August 18th, 2024

dubai-road-transport-nol-card-ePathram

ദുബായ് : മെട്രോ സ്റ്റേഷനുകളിലെ ടിക്കറ്റ് ഓഫീസു കളിൽ ഇനി നോൽ കാർഡ് റീചാർജ്‌ജിനു മിനിമം ടോപ്പ്-അപ്പ് ചാർജ്ജ് 50 ദിർഹം ആയി നിജപ്പെടുത്തി. ആഗസ്റ്റ് 17 ശനിയാഴ്ച മുതൽ ഈ വർദ്ധന പ്രാബല്യത്തിൽ വന്നു.

ഓൺ ലൈനിലൂടെയും നോൽ ആപ്ലിക്കേഷൻ വഴിയും റീചാർജ്ജ് ചെയ്യുന്നവർക്ക് ടോപ് അപ്പ് നിരക്ക് വർദ്ധന ബാധകമല്ല.

കുറഞ്ഞ ടോപ് അപ്പ് തുക 5 ദിർഹത്തിൽ നിന്നാണ് 20 ദിർഹമാക്കി ഉയർത്തിയത് ഇക്കഴിഞ്ഞ ജനുവരിയിൽ ആയിരുന്നു. മെട്രോ ട്രാൻസിറ്റ് ശൃംഖലയിൽ റൗണ്ട് ട്രിപ്പ് യാത്രക്കാരുടെ നോൽ കാർഡിൽ കുറഞ്ഞത് 15 ദിർഹം ബാലൻസ് ഉണ്ടാവണം എന്നാണു നിബന്ധന. * R T A , Twitter-X

- pma

വായിക്കുക: , , , , , , ,

അഭിപ്രായം എഴുതുക »

അവധി ദിനങ്ങളിൽ റോഡിലെ താരമായ ഹൈ ടെക് ട്രാം ഇനി പ്രവൃത്തി ദിനങ്ങളിലും

August 18th, 2024

tram-in-abudhabi-art-automated-rapid-transit-ePathram

അബുദാബി : തലസ്ഥാനത്തെ താമസക്കാരിലും സന്ദർശകരിലും ഏറെ കൗതുകമുണർത്തി ക്കൊണ്ട് അവധി ദിനങ്ങളിൽ സർവ്വീസ് നടത്തിയിരുന്ന ഓട്ടോമേറ്റഡ് റാപിഡ് ട്രാൻസിറ്റ് (എ. ആർ. ടി) അഥവാ റെയിൽ-ലെസ് ഹൈ ടെക് ട്രാം സംവിധാനം ഇപ്പോൾ പ്രവൃത്തി ദിനങ്ങളിലും സർവ്വീസ് നടത്തുന്നു.

നഗരത്തിലെ പ്രധാന സന്ദർശക വാണിജ്യ കേന്ദ്ര ങ്ങളായ റീം മാള്‍ മുതല്‍ മറീന മാള്‍ വരെയും തിരിച്ചും വെള്ളി മുതൽ ഞായർ വരെ രാവിലെ 10 മണിക്കും ഉച്ചക്കു 3 മണിക്കും ഇടയിലാണ് ട്രാം സർവ്വീസ് നടത്തിയിരുന്നത്.

എന്നാൽ യാത്രക്കാർക്കിടയിൽ റെയിൽ-ലെസ് ഹൈ ടെക് ട്രാമിൻ്റെ വർദ്ധിച്ചു വന്ന ജനപ്രീതി കൊണ്ട് മുഴുവൻ ദിവസങ്ങളിലേക്കും സർവ്വീസ് ദീർഘിപ്പിച്ചു കഴിഞ്ഞു.

റെയിലില്ലാതെ റോഡിലൂടെ സഞ്ചരിക്കുന്ന നൂതനവും സുസ്ഥിരവുമായ എ. ആർ. ടി. ട്രാം, കഴിഞ്ഞ വർഷം ഒക്ടോബർ മുതലാണ് പ്രവർത്തനം ആരംഭിച്ചത്.

പ്രവൃത്തി ദിവസങ്ങളിൽ കൂടുതൽ മണിക്കൂറുകളിൽ ട്രാം പോലെയുള്ള ഈ പരിസ്ഥിതി സൗഹൃദ ഗതാഗത സംവിധാനം യാത്രക്കാർക്ക് കൂടുതൽ ഉപകാര പ്രദ മാകും വിധമുള്ള സർവ്വീസ് ഇപ്പോൾ രാത്രി എട്ടു മണി വരെ ദീർഘിപ്പിക്കുകയും ചെയ്തിട്ടുണ്ട്.

ആദ്യ നാളുകളിൽ ട്രാമിൽ സൗജന്യ യാത്ര ആയിരുന്നു എങ്കിലും ഇപ്പോൾ ഹാഫിലാത് ബസ് കാർഡ് വഴി ഓരോ യാത്രക്കും രണ്ടു ദിർഹം നിരക്ക് ഈടാക്കുന്നു.  Image Credit : W A MA R T, Twitter & Insta

- pma

വായിക്കുക: , , , , , , ,

അഭിപ്രായം എഴുതുക »

ആഗസ്റ്റ് 26 അപകട രഹിത ദിനം : യു. എ. ഇ. യില്‍ പ്രത്യേക കാമ്പയിന്‍

August 14th, 2024

school-re-open-on-august-26-ministry-announce-accident-free-day-ePathram
അബുദാബി : പുതിയ അദ്ധ്യയന വര്‍ഷം തുടങ്ങുന്ന ആഗസ്റ്റ് 26 ന് ‘അപകട രഹിത ദിനം’ എന്ന പേരില്‍ ഒരു ദേശീയ ബോധ വല്‍ക്കരണ കാമ്പയിന്‍ ഒരുക്കി യു. എ. ഇ. ആഭ്യന്തര മന്ത്രാലയം. സ്‌കൂളുകള്‍ തുറന്നാല്‍ പൊതുവെ ഗതാഗത ക്കുരുക്ക് സാധാരണമാണ് മാത്രമല്ല അപകടങ്ങളും അധികരിക്കും. ഇതിന് തടയിടാൻ കൂടിയാണ് ഈ ബോധ വല്‍ക്കരണ കാമ്പയിന്‍.

രണ്ടു മാസത്തെ വേനലവധിക്കു ശേഷം യു. എ. ഇ. യിലെ സ്കൂളുകൾ തുറക്കുന്ന ആദ്യ ദിനം ട്രാഫിക് അപകട രഹിതമായി ഉറപ്പാക്കുവാൻ ഈ കാമ്പയിനില്‍ പങ്കെടുക്കുന്ന ഡ്രൈവർമാര്‍ക്ക് തങ്ങളുടെ ട്രാഫിക് ഫൈനുകളിലെ നാല് ബ്ലാക്ക് പോയിന്റുക ളിൽ കിഴിവ് നേടിയെടുക്കാം.

ഇതിനായി ആഭ്യന്തര മന്ത്രാലയത്തിൻ്റെ പോർട്ടൽ സന്ദർശിക്കുവാൻ ഈ ലിങ്ക് ക്ലിക്ക് ചെയ്യുക. അല്ലെങ്കിൽ മന്ത്രാലയ ത്തിൻ്റെ  സോഷ്യല്‍ മീഡിയ പേജ് വിസിറ്റ് ചെയ്യാം.

- pma

വായിക്കുക: , , , , , , , ,

അഭിപ്രായം എഴുതുക »


« Previous Page« Previous « ഗ്രന്ഥശാലാ ദിനം : ഇസ്ലാമിക് സെൻ്ററിൽ പുസ്തക ശേഖരണ ക്യാമ്പയിന് തുടക്കമായി
Next »Next Page » പൊതു മാപ്പ് : രാജ്യം വിടുന്നവര്‍ക്ക് തിരിച്ചു വരാം »



  • സീതി സാഹിബ് ഫൗണ്ടേഷൻ യു. എ. ഇ. കമ്മിറ്റി
  • ഒമാനിലേക്ക് പുതിയ കരാതിർത്തി തുറന്നു
  • റമദാൻ റിലീഫ് : ഈത്തപ്പഴ ചലഞ്ച് നടത്തി
  • അബുദാബി മലയാളീസ് സിംഫണി അരങ്ങേറി
  • നോള്‍ കാര്‍ഡ് റീചാർജ്ജ് ചുരുങ്ങിയ തുക 20 ദിർഹം
  • ബസ്സ് – മറൈന്‍ ട്രാന്‍സ്‌പോര്‍ട്ട് സ്റ്റേഷനുകളില്‍ സൗജന്യ വൈ-ഫൈ ലഭ്യമാക്കും
  • എം. ടി. യുടെ മരണത്തോടെ താര പദവിയുള്ള എഴുത്തുകാരുടെ ഗണം അസ്തമിച്ചു
  • ഖുർ ആൻ പാരായണ മത്സരം സീസൺ- 4 മാർച്ച് 14 മുതൽ
  • സമാജം മുൻ വൈസ് പ്രസിഡണ്ട് പള്ളിക്കൽ ബാബു അന്തരിച്ചു
  • ഇരുപതാം വാർഷിക സമ്മേളനം ഫെബ്രുവരി 23 നു അജ്മാനിൽ
  • പൊതു സ്ഥലങ്ങളിൽ മാലിന്യങ്ങൾ : പിഴ വർദ്ധിപ്പിച്ചു
  • നിർദ്ധന കുടുംബത്തിന് വീട് : ‘കരുതൽ’ ഭവന പദ്ധതി പ്രഖ്യാപിച്ച് ഇമ
  • അല്‍ ഐന്‍ മലയാളി സമാജം : പുതിയ ഭരണ സമിതി
  • ഇടതു ഭരണത്തിൽ പിന്നാക്ക വിഭാഗങ്ങൾ അവഗണന നേരിടുന്നു : പാറക്കൽ അബ്ദുല്ല
  • കെ. എം. സി. സി. യുടെ ‘മാനവീയം’ ക്യാമ്പയിൻ : ഫിലിപ്പ് മമ്പാട് അബുദാബിയിൽ
  • സമാജം ഇന്‍ഡോ അറബ് കള്‍ച്ചറല്‍ ഫെസ്റ്റിവെല്‍ മുസഫയിൽ
  • പ്രവാസികൾക്കു വേണ്ടി പുതിയ ബസ്സ് സർവ്വീസ് ആരംഭിക്കും : മന്ത്രി കെ. ബി. ഗണേഷ് കുമാര്‍
  • സന്ദര്‍ശക വിസക്കാര്‍ക്ക് അഭയ പദ്ധതിയുമായി അഹല്യ
  • ഇമ കമ്മിറ്റി പ്രവർത്തന ഉദ്ഘാടനവും സൗഹൃദ സംഗമവും തിങ്കളാഴ്ച
  • ഡ്രൈവിംഗിൽ ഫോൺ ഉപയോഗിച്ചാൽ 800 ദിർഹം പിഴ : ഷാർജ പോലീസ്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine