ഷാർജ : ചുവപ്പു സിഗ്നൽ കടന്നു പോകുന്ന ഗതാഗത നിയമ ലംഘനങ്ങൾക്ക് എതിരെ ശക്തമായ നടപടി കളുമായി ഷാർജ പോലീസ്. ചുവപ്പു സിഗ്നൽ തെളിഞ്ഞിട്ടും നിർത്താതെ പോയ കാറിന്റെ ദൃശ്യങ്ങൾ പുറത്തു വിട്ടു കൊണ്ടാണ് മുന്നറിയിപ്പ് നൽകിയിരിക്കുന്നത്.
ഇത്തരം നിയമ ലംഘകർക്ക് 1000 ദിർഹം പിഴയും 12 ട്രാഫിക് പോയിന്റു കളും ശിക്ഷ ചുമത്തും. കൂടാതെ വാഹനം ഒരു മാസത്തേക്ക് കണ്ടു കെട്ടുകയും ചെയ്യും.
ട്രാഫിക് നിയമ ലംഘനങ്ങൾ കണ്ടെത്തുവാൻ ഒരുക്കി യിട്ടുള്ള അത്യാധുനിക നിരീക്ഷണ ക്യാമറകൾ 24 മണിക്കൂറും സജീവമാണ്. രാത്രി സമയം ആണെങ്കിലും തിരക്കേറിയ ജംഗ്ഷനിൽ ചുവപ്പു സിഗ്നൽ മറി കടക്കുന്ന വാഹന ത്തിന്റെ വീഡിയോ ഷാർജ പോലീസ് സാമൂഹിക മാധ്യമ ങ്ങളിൽ പങ്കു വെച്ചു.
നിയമ ലംഘനത്തിന്റെ അപകട സാദ്ധ്യതകൾ ഈ വീഡിയോയിൽ വ്യക്തമാക്കുന്നു. റോഡ് സുരക്ഷാ നിയമങ്ങൾ പാലിക്കുന്നത് ജീവനെ സംരക്ഷിക്കുകയും ഓരോ പൗരന്റെയും ഉത്തരവാദിത്വം കൂടിയാണ് എന്നും അധികൃതർ ഓർമ്മിപ്പിച്ചു.
