അബുദാബി യില്‍ മവാഖിഫ്‌ സമയ ത്തില്‍ മാറ്റം

July 20th, 2012

mawaqif-pay-to-park-epathram അബുദാബി : റമദാനില്‍ മവാഖിഫ്‌ (പെയ്ഡ്‌ പാര്‍ക്കിംഗ്) സമയ ത്തില്‍ മാറ്റം വരുത്തി യതായി ഡിപ്പാര്‍ട്ട്മെന്‍റ് ഓഫ് ട്രാന്‍സ്പോര്‍ട്ട് (DoT) പത്രക്കുറിപ്പില്‍ അറിയിച്ചു.

രാവിലെ 9 മണി മുതല്‍ വൈകീട്ട് 4 മണി വരെയും രാത്രി 10.30 മുതല്‍ പുലര്‍ച്ചെ 2.30 വരെയുമാണ് പാര്‍ക്കിങ്ങിനു പണം ഈടാക്കുക. എന്നാല്‍ പ്രാര്‍ത്ഥന സമയത്ത് പള്ളികള്‍ക്ക് സമീപം നിസ്കാര ത്തിനായി 45 മിനുട്ട് സൌജന്യമായി പാര്‍ക്ക് ചെയ്യാം.

വൈകീട്ട് 4 മുതല്‍ രാത്രി 10.30 വരെയും പുലര്‍ച്ചെ 2.30 മുതല്‍ കാലത്ത് 9 വരെ യുമായി ദിവസം 13 മണിക്കൂര്‍ സൌജന്യ പാര്‍ക്കിംഗ് ലഭിക്കും.

റമദാന്‍ 29 മുതല്‍ മൂന്നാം പെരുന്നാള്‍ ദിനം വരെ പാര്‍ക്കിംഗ് സൌജന്യ മായിരിക്കും. എന്നാല്‍ ഈദുല്‍ ഫിത്വര്‍ അവധിക്കു ശേഷം അബുദാബി യില്‍ മവാഖിഫ്‌ സമയ പരിധി മാറ്റും. രാവിലെ 8 മണി മുതല്‍ അര്‍ദ്ധരാത്രി 12 മണി വരെ നഗര ത്തിലെ വിവിധ ഭാഗങ്ങളില്‍ മവാഖിഫ്‌ കേന്ദ്ര ങ്ങളില്‍ പണം നല്‍കി വാഹനം പാര്‍ക്ക് ചെയ്യണം.

-പി. എം. അബ്ദുല്‍ റഹിമാന്‍ അബുദാബി.

- pma

വായിക്കുക: , ,

അഭിപ്രായം എഴുതുക »

അബുദാബിയില്‍ വാഹനാപകടം : മലയാളി അടക്കം മൂന്നു മരണം

July 16th, 2012

accident-epathram
അബുദാബി : ഞായറാഴ്ച പുലര്‍ച്ചെ അബുദാബി – മുസ്സഫ റോഡില്‍ മുഷ്‌റിഫ് ഡല്‍മ സിഗ്നലില്‍ ഉണ്ടായ വാഹന അപകടത്തില്‍ മലയാളി ഉള്‍പ്പെടെ മൂന്നു പേര്‍ മരിച്ചു.

വയനാട് മാനന്തവാടി പിലാക്കാവ് നരിപ്പറ്റ പരേതനായ അബുവിന്റെ മകന്‍ ഷഫീര്‍ (23), ഫിലിപ്പീന്‍സിലെ മനില സ്വദേശി എമേഴ്സണ്‍ (20) എന്നിവര്‍ക്ക് പുറമെ മറ്റൊരു ഫിലിപ്പീനോ കൂടി മരിച്ചു. മലയാളികള്‍ ഉള്‍പ്പെടെ ഒമ്പത് പേര്‍ക്ക് പരിക്കേറ്റു. ഇതില്‍ രണ്ടു ഫിലിപ്പീനികള്‍ക്ക് ഗുരുതര പരിക്കാണ്. ഇവരെ മഫ്റഖ് ആശുപത്രി യില്‍ പ്രവേശിപ്പിച്ചു.

അബുദാബി നാഷനല്‍ ഓയില്‍ കമ്പനി (അഡ്നോക്) യില്‍ ജോലി ചെയ്യുന്ന ഷഫീര്‍ ഉള്‍പ്പെടെ ഉള്ളവര്‍ അല്‍ ഖലീജിലെ പെട്രോള്‍ പമ്പിലേക്ക് ജോലിക്ക് പോയതാണ്. ഇവര്‍ സഞ്ചരിച്ച മിനി വാനും ടാക്സിയും സിഗ്നലില്‍ വെച്ച് കൂട്ടിയിടിക്കുക യായിരുന്നു. ഷഫീറും എമേഴ്സണും തല്‍ക്ഷണം മരിച്ചു. അപകട ത്തില്‍ മരിച്ച മൂന്നാമത്തെ വ്യക്തി ടാക്സിയില്‍ ഉണ്ടായിരുന്നയാളാണ്.

ഷഫീര്‍ അഡ്നോകില്‍ ജോലിക്കായി എത്തിയത് മേയ് 24നാണ്. എമേഴ്സണ്‍ ജൂണ്‍ ആദ്യമാണ് ജോലിയില്‍ എത്തിയത്. രണ്ടു മൃതദേഹങ്ങളും ഖലീഫ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നിയമ നടപടി കള്‍ക്ക് ശേഷം നാട്ടില്‍ കൊണ്ടുപോകും.

- pma

വായിക്കുക: , ,

അഭിപ്രായം എഴുതുക »

കപ്പല്‍ സര്‍വ്വീസ് പുന:രാരംഭിക്കണം : ഐ. എം. സി. സി.

June 19th, 2012

ദുബായ് : മലയാളികള്‍ അടക്കമുള്ള പ്രവാസി കളുടെ യാത്രാ പ്രശ്‌നത്തിന്ന് പരിഹാര മെന്നോണം മുന്‍പ് കൊച്ചി യിലേക്ക് ഉണ്ടായിരുന്ന കപ്പല്‍ സര്‍വീസ് പുനരാരംഭിക്കാനായി സംസ്ഥാന സര്‍ക്കാറും കേന്ദ്ര പ്രവാസി കാര്യ വകുപ്പും മുന്‍കൈ എടുക്കണമെന്ന് ഐ. എം. സി. സി. ദുബായ് കമ്മിറ്റി ആവശ്യപ്പെട്ടു.

കുറഞ്ഞ ചെലവില്‍ പ്രവാസി കള്‍ക്ക് യാത്രാ സൗകര്യം നല്‍കിയിരുന്ന കപ്പല്‍ സര്‍വീസ് നീണ്ട പരാധീനതകള്‍ നിരത്തി വിമാന ക്കമ്പനികളുടെയും മറ്റും സമ്മര്‍ദ്ദ ഫലമായാണ് നിര്‍ത്തലാക്കിയത്. വളരെ കുറഞ്ഞ യാത്രാ നിരക്കും 100 കിലോയോളം ലഗേജ് കൊണ്ടു പോകാനുള്ള സൗകര്യവും നേരത്തേ ലഭ്യമായിരുന്നു.

യാത്രാസമയം കൂടുതല്‍ ആണെങ്കില്‍ കൂടിയും മുന്‍പുണ്ടായിരുന്ന പ്രശ്‌നങ്ങള്‍ പരിഹരിച്ച് സര്‍വീസ് തുടങ്ങാനായാല്‍ പ്രവാസികളായ മലയാളി കള്‍ക്ക് വലിയ അനുഗ്രഹമായിരുന്നു. കുറച്ച് നാളുകള്‍ക്ക് മുന്‍പ് വീണ്ടും കപ്പല്‍ സര്‍വീസ് ആരംഭിക്കുമെന്ന് പ്രവാസികള്‍ പ്രതീക്ഷിച്ചിരുന്നു എങ്കിലും അത്‌ സഫലമായില്ല.

വിമാന സമരം അനന്തമായി നീണ്ടു പോകുന്നതിനാല്‍ പ്രവാസി കളുടെ യാത്രാ പ്രശ്‌നം പരിഹരി ക്കുന്നതിന് ബദല്‍ സംവിധാനം തേടുകയാണ് അഭികാമ്യം എന്നും അതിനായുള്ള നടപടിക്രമങ്ങള്‍ ഇഴഞ്ഞു നീങ്ങുന്നത് വിദേശ മലയാളി കളോട് കാണിക്കുന്ന ക്രൂരത യാണെന്നും താമസംവിനാ ഇതിന് ഒരു പരിഹാരം ഉണ്ടാക്കണമെന്നും പത്രക്കുറിപ്പില്‍ ഐ. എം. സി. സി. ദുബായ് ഘടകം ആവശ്യപ്പെട്ടു.

- pma

വായിക്കുക: ,

അഭിപ്രായം എഴുതുക »

അബുദാബി യില്‍ ടാക്സി നിരക്ക് വീണ്ടും കൂട്ടുന്നു

April 6th, 2012

silver-taxi-in-abudhabi-ePathram
അബുദാബി : തലസ്ഥാനത്ത്‌ സര്‍വ്വീസ് നടത്തുന്ന ടാക്സി കളുടെ നിരക്ക് വീണ്ടും വര്‍ദ്ധിപ്പിക്കുന്നു . 2012 മേയ് ഒന്നു മുതല്‍ വര്‍ദ്ധന പ്രാബല്യത്തില്‍ വരും.

ഇപ്പോള്‍ സില്‍വര്‍ ടാക്സി യാത്ര തുടങ്ങുമ്പോള്‍ മീറ്ററില്‍ കാണിക്കുന്ന മിനിമം ചാര്‍ജ്ജ്‌ മൂന്നു ദിര്‍ഹമാണ്. ഇത് മേയ് ഒന്നു മുതല്‍ 50 ഫില്‍സ് കൂടി 3.50 ദിര്‍ഹമാകും. രാത്രി 10 മണി മുതല്‍ മിനിമം ചാര്‍ജ് 10 ദിര്‍ഹമായി ഉയരും.

കിലോ മീറ്റര്‍ നിരക്കില്‍ പകല്‍ സമയം 27 ഫില്‍സും രാത്രി 36 ഫില്‍സും വര്‍ദ്ധന ഉണ്ടാവും. എന്നാല്‍ കാള്‍ സെന്‍റര്‍ മുഖേന ടാക്സി ബുക്ക് ചെയ്യുന്ന തിനുള്ള നിരക്ക് കുറച്ചു.

ടാക്സികളുടെ നിയന്ത്രണാ ധികാരമുള്ള സെന്‍റര്‍ ഫോര്‍ റഗുലേഷന്‍ ഓഫ് ട്രാന്‍സ്പോര്‍ട്ട് ബൈ ഹയര്‍ കാര്‍സ് ( TransAD ) ആണ് ഇക്കാര്യം അറിയിച്ചത്.

കഴിഞ്ഞ വര്‍ഷം നടത്തിയ വിശദമായ പഠന ത്തിന് ശേഷമാണ് നിരക്ക് വര്‍ദ്ധിപ്പിക്കാന്‍ തീരുമാനിച്ചത് എന്ന് അധികൃതര്‍ വാര്‍ത്താ സമ്മേളന ത്തില്‍ അറിയിച്ചു. ടാക്സി സര്‍വീസ് കൂടുതല്‍ കാര്യക്ഷമമാക്കും. ഡ്രൈവര്‍മാരുടെ വേതനവും പരിഷ്കരിക്കും.

ഓരോ വര്‍ഷവും ഡ്രൈവര്‍ മാര്‍ക്ക് കുറഞ്ഞത് നാല് യൂണിഫോം നല്‍കണം എന്ന് എല്ലാ ടാക്സി കമ്പനി കളോടും നിര്‍ദ്ദേശിച്ചിട്ടുണ്ട് എന്നും അധികൃതര്‍ പറഞ്ഞു.

- pma

വായിക്കുക: , ,

അഭിപ്രായം എഴുതുക »

വാഹനാപകടം മലയാളി ഉള്‍പ്പെടെ രണ്ട് ഇന്ത്യക്കാര്‍ മരിച്ചു

December 11th, 2011

ബഹറൈന്‍ മനാമ: സിക്സ് വീലര്‍ പിക്കപ്പ് നിയന്ത്രണംവിട്ട് നിര്‍ത്തിയിട്ട കണ്ടെയിനറിന് പിന്നില്‍ ഇടിച്ച് മലയാളി ഉള്‍പ്പെടെ രണ്ട് ഇന്ത്യക്കാര്‍ മരിച്ചു. കുന്ദംകുളം കൊരട്ടിക്കര മൂത്തേടത്ത് ഭരതന്‍ (51), പഞ്ചാബ് സ്വദേശി കലാ മൊഹീന്ദര്‍ (45) എന്നിവരാണ് മരിച്ചത്. ഇന്നലെ വൈകുന്നേരം 3.30നായിരുന്നു അപകടം. അസ്കറിലെ ബ്രാംകോ കമ്പനിയിലെ കണ്‍സ്ട്രക്ഷന്‍ വിഭാഗം തൊഴിലാളികളാണ് മരിച്ച ഭരതനും മൊഹീന്ദറും. ഭരതന്‍ ഈമാസം ലീവില്‍ നാട്ടില്‍ പോകാന്‍ തയ്യാറെടു ക്കുകയായിരുന്നു. നാട്ടിലേക്ക് കൊണ്ടുപോകാനുള്ള സാധനങ്ങള്‍വരെ മുറിയില്‍ ഒരുക്കിവെച്ചിരുന്നു. ഭരതന് ഭാര്യയും രണ്ട് കുട്ടികളുമുണ്ട്. അസ്കറിലെ കമ്പനിയില്‍നിന്ന് ജോലി കഴിഞ്ഞ് അല്‍ബയിലെ താമസ സ്ഥലത്തേക്ക് വരുമ്പോള്‍ അല്‍ബ സിഗ്നലിന് സമീപം വെച്ചാണ് അപകടം സംഭവിച്ചത്‌.ബംഗ്ലാദേശ് സ്വദേശിയായ ഡ്രൈവര്‍ പരിക്കേല്‍ക്കാതെ രക്ഷപ്പെട്ടു. ഇയാളെ പൊലീസ് അറസ്റ്റ് ചെയ്തു.

-

വായിക്കുക: ,

Comments Off on വാഹനാപകടം മലയാളി ഉള്‍പ്പെടെ രണ്ട് ഇന്ത്യക്കാര്‍ മരിച്ചു

59 of 621020585960»|

« Previous Page« Previous « കല പുരസ്കാരങ്ങള്‍ സമ്മാനിച്ചു
Next »Next Page » ലോക ഭക്ഷ്യ സുരക്ഷാ സമ്മേളനം ദുബൈയില്‍ »



  • കെ. എസ്. സി. ഒപ്പന മത്സരം സംഘടിപ്പിച്ചു
  • ഇയർ ഓഫ് കമ്മ്യൂണിറ്റി ക്യാമ്പയിൻ പോസ്റ്റർ അനാച്ഛാദനം ചെയ്തു
  • മനുഷ്യരെ ഒന്നായി കണ്ട മാര്‍പാപ്പ: അബുദാബി കെ. എം. സി. സി.
  • മാർപാപ്പയുടെ വിയോഗത്തിൽ രാഷ്ട്ര നേതാക്കൾ അനുശോചിച്ചു
  • രണ്ടാമത് മാമുക്കോയ പുരസ്കാരം പ്രഖ്യാപിച്ചു
  • എം. കെ. അബ്ദുൽ റഹ്‌മാൻ : കർമ്മ ഭൂമികയിൽ തന്നെ മടക്കയാത്ര
  • ആരോഗ്യ മേഖലയുടെ ചരിത്രവും ഭാവിയും പങ്കു വച്ച് ഡോ. ജോര്‍ജ്ജ് മാത്യു
  • ഡ്രൈവിംഗിനിടെ മൊബൈൽ ഫോൺ ഉപയോഗം : കണ്ടു പിടിക്കുവാൻ എ. ഐ. ക്യാമറകൾ
  • ഉംറ തീര്‍ത്ഥാടനം ഏപ്രില്‍ 29 മുതല്‍ ഹാജിമാര്‍ക്ക് മാത്രം
  • വീട് ഇല്ലാത്ത പ്രവാസിക്ക് വീട് നിർമ്മിച്ച് നൽകുന്നു
  • രാജപുരം ഹോളിഫാമിലി ഹയർ സെക്കൻഡറി സ്കൂൾ കൂട്ടായ്മ പുതിയ കമ്മിറ്റി
  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine