ഷാര്‍ജ : അനുദിന ചാര്‍ജ്‌ വര്‍ദ്ധനയും നിരന്തരം റദ്ദാക്കലും വഴി പ്രവാസികളെ ബുദ്ധിമുട്ടിക്കുന്ന വിമാന സര്‍വീസുകളെക്കാള്‍ താഴെ തട്ടിലുള്ള പ്രവാസികള്‍ക്ക്‌ കൂടി ആശ്വാസമേകാവുന്ന കപ്പല്‍ സര്‍വീസ്‌ ആരംഭിക്കാന്‍ ബന്ധപ്പെട്ടവര്‍ താല്പര്യം എടുക്കണമെന്ന് ഷാര്‍ജയില്‍ ആമീ റസിഡന്‍സില്‍ ചേര്‍ന്ന സ്വരുമ ദുബായ്‌ പ്രവര്‍ത്തക സമിതി യോഗം ആവശ്യപ്പെട്ടു.
അലി കാസര്‍ഗോഡിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ ലത്തീഫ് തങ്ങലം, റീനാ സലിം, ജലീല്‍ നാദാപുരം, അസീസ്‌ തലശ്ശേരി, സുബൈര്‍ വെള്ളിയോട് തുടങ്ങിയവര്‍ സംസാരിച്ചു. സക്കീര്‍ ഒതളൂര്‍ സ്വാഗതവും സുമാ സനില്‍ നന്ദിയും പറഞ്ഞു.
ഓണം പെരുന്നാള്‍ ആഘോഷത്തിന്റെ ഭാഗമായി പ്രവര്‍ത്തകരുടെ കൂട്ടായ്മയും കുടുംബ സംഗമവും പെരുന്നാള്‍ ദിനം ഷാര്‍ജയില്‍ തത് വസതിയില്‍ ചേരാന്‍ തീരുമാനിച്ചു.
അബൂദാബി : ആഗസ്റ്റ്‌ 15 (ഞായറാഴ്ച) മുതല്‍ തലസ്ഥാനത്ത് സില്‍വര്‍ ടാക്സി കളുടെ നിരക്ക് വര്‍ദ്ധിപ്പിക്കുന്നു. നിലവില്‍ 1000 മീറ്റര്‍ യാത്രക്കാണ് ഒരു ദിര്‍ഹം ഈടാക്കുന്നത്. ഇനി മുതല്‍ 750 മീറ്ററിന് ഒരു ദിര്‍ഹം എന്ന നിരക്കില്‍ ഈടാക്കുവാനാണ് ടാക്സി റഗുലേറ്ററി അതോറിറ്റി യുടെ തീരുമാനം. ആദ്യ 250 മീറ്റര്‍ ദൂരത്തേക്കുള്ള നിശ്ചിത ചാര്‍ജ്ജ് രാവിലെ 6 മണി മുതല്‍ രാത്രി 9.59 വരെ മൂന്ന് ദിര്‍ഹമായും രാത്രി 10 മുതല്‍ പുലര്‍ച്ചെ 5.59 വരെ 3.60 ആയും തുടരും. നിരക്കു വര്‍ദ്ധന പേരിനു മാത്രം ആണെന്നും ഹ്രസ്വദൂര യാത്ര കള്‍ക്ക് ഒന്നോ രണ്ടോ ദിര്‍ഹം മാത്രമാണ് വര്‍ദ്ധിക്കുക എന്നും സെന്‍റര്‍ ഫോര്‍ റഗുലേഷന്‍ ഓഫ് ട്രാന്സ്പോര്ട്ട് ബൈ ഹയര്‍ കാര്‍സ് ( TransAD ) അധികൃതര്‍ വ്യക്തമാക്കി. എമിറേറ്റിലെ ഏഴ് ടാക്സി ഫ്രാഞ്ചൈസികള്‍ നേരിട്ടിരുന്ന നഷ്ടം കുറക്കാന്‍ നിരക്ക് വര്‍ദ്ധന സഹായിക്കും എന്നും അധികൃതര്‍ അറിയിച്ചു.
അബുദാബി : ഗതാഗത വകുപ്പിന്‍റെ (DoT) ‘മവാഖിഫ്‌ പെയിഡ് പാര്‍ക്കിംഗ്’ സംവിധാനം ഉപയോഗി ക്കുന്ന വര്‍ക്ക്‌ റമദാന്‍ മാസത്തില്‍ പ്രത്യേക സൌജന്യം പ്രഖ്യാപിച്ചു. റമദാന്‍ ആദ്യ ദിവസം മുതല്‍ അവസാന ദിവസം വരെയാണ് ഈ സൌജന്യം. വൈകിട്ട് നാല് മുതല്‍ രാത്രി ഒമ്പത് വരെയും പുലര്‍ച്ചെ രണ്ട് മുതല്‍ രാവിലെ ഒമ്പത് വരെയും സൌജന്യ പാര്‍ക്കിംഗ് ആയിരിക്കും. എന്നാല്‍ രാവിലെ ഒമ്പത് മുതല്‍ വൈകിട്ട് നാല് വരെയും രാത്രി ഒമ്പത് മുതല്‍ പുലര്‍ച്ചെ രണ്ട് വരെയും പാര്‍ക്ക് ചെയ്യുന്നവര്‍ ഇപ്പോള്‍ നല്‍കി ക്കൊണ്ടിരിക്കുന്ന ഫീസ് അടക്കണം.
അബുദാബി : അബുദാബിയില്‍ ജോലി ചെയ്യുന്ന മലയാളി ഡ്രൈവര്‍ മാര്‍ക്കായി ജീവ കാരുണ്യ പ്രവര്‍ത്തന രംഗത്ത്‌ ഒരു കൂട്ടായ്മ രൂപീകരിക്കുന്നു. വിവിധ രാജ്യങ്ങളില്‍ നിന്നും ഗള്‍ഫില്‍ എത്തിയ ഡ്രൈവര്‍ മാര്‍ക്കായി നിയമ പരിരക്ഷയും സാമ്പത്തിക പിന്തുണയും ലഭ്യമാക്കുവാനായി സംഘടന കളും കൂട്ടായ്മകളും സജീവമായി പ്രവര്‍ത്തിക്കുമ്പോള്‍ മലയാളി ഡ്രൈവര്‍മാര്‍ പ്രശ്നങ്ങളില്‍ പെടുമ്പോള്‍ സ്വയ രക്ഷയ്ക്കും നിയമ സഹായ ത്തിനുമായി നെട്ടോട്ടം ഓടുകയാണ് പതിവ്‌. ഇതിന് അല്പമെങ്കിലും പരിഹാരം കാണുവാനും അപകട ത്തില്‍ പ്പെടുന്ന സുഹൃത്തു ക്കളുടെ കുടുംബങ്ങള്‍ക്ക് കഴിയുന്ന രീതിയില്‍ സഹായം എത്തിക്കു വാനും ഉദ്ദേശിച്ചു കൊണ്ട് ഒരു കൂട്ടായ്മ രൂപീകരി ച്ചിരിക്കുന്ന വിവരം അബുദാബി യിലെ എല്ലാ മലയാളി ഡ്രൈവര്‍ മാരെയും അറിയിക്കുന്നു. അബുദാബി യിലെ പ്രഗല്‍ഭരായ നിയമ വിദഗ്ദ്ധര്‍ ഈ കൂട്ടായ്മക്ക് വേണ്ടുന്ന നിയമ സഹായങ്ങള്‍ നല്‍കുന്നുണ്ട്. വിശദമായ തീരുമാനങ്ങള്‍ അറിയിക്കു ന്നതിനായി ആഗസ്റ്റ്‌ 6 വെള്ളിയാഴ്ച വൈകുന്നേരം 5 മണിക്ക് എല്ലാവരും അബുദാബി യില്‍ ഒത്തു കൂടുന്നു. ഈ കൂട്ടായ്മ യില്‍ ചേരാന്‍ താല്പര്യമുള്ള സുഹൃത്തുക്കള്‍ ഈ നമ്പരു കളില്‍ ബന്ധപ്പെടുക 050 88 544 56 – 050 231 63 65
