 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : തലസ്ഥാന നഗരി യില് നിന്നും അല്ഐനി ലേക്ക് ‘എക്സ് 90’ എക്സ്പ്രസ് ബസ്സ് സര്വ്വീസ് തുടങ്ങി. ഇതുവരെ അല്ഐനി ലേക്ക് സര്വ്വീസ് നടത്തി വന്ന 700 ആം നമ്പര് ബസ്സ് ഇനി മുതല് സര്വ്വീസ് നടത്തുകയില്ല.
നിലവിലെ ടിക്കറ്റ് നിരക്ക് 10 ദിര്ഹമില് നിന്ന് 15 ദിര്ഹമായി ഉയര്ന്നു. ‘എക്സ് 90’ സര്വ്വീസ് ഈ റൂട്ടില് അല്ഖാതിം, അല്ഐന് ബസ് സ്റ്റേഷന് എന്നിവിട ങ്ങളിലാണ് നിര്ത്തുക. അല്ഖാതിമിലേക്ക് 8 ദിര്ഹമാണ് ടിക്കറ്റ് നിരക്ക്.
- pma
അബുദാബി : ചെറിയ പെരുന്നാള് ദിവസം (ആഗസ്റ്റ് 19 ഞായറാഴ്ച) മുതല് അബുദാബി യില് നിന്ന് അല് ഐനിലേക്ക് എക്സ്പ്രസ് ബസ്സുകള് സര്വീസ് തുടങ്ങുന്നു.
അബുദാബി ബസ് സ്റ്റേഷനില് നിന്ന് അല് ഐനിലേക്ക് പോകുന്ന 700 ആം നമ്പര് ബസ്സാണ് എക്സ്പ്രസായി മാറുന്നത്. ഇതില് 15 ദിര്ഹമാണ് അല്ഐനി ലേക്ക് നല്കേണ്ടത്. നിലവില് സര്വീസ് നടത്തുന്ന നമ്പര് 700 ബസ് ഇനിയുണ്ടാവില്ല. പകരം ‘എക്സ് 90’ ബസാണ് ഓടുക. ഇതിന് രണ്ടു സ്റ്റോപ്പുകള് മാത്രമേയുള്ളൂ. അല്ഖതം, അല്ഐന് ബസ്സ് സ്റ്റേഷന് എന്നിവിട ങ്ങളിലാണ് നിര്ത്തുക. അല്ഖതമിലേക്ക് എട്ടു ദിര്ഹമാണ് ടിക്കറ്റ് നിരക്ക്. ഇപ്പോള് സര്വീസ് നടത്തുന്ന 700 നമ്പര് ബസ് അബുദാബി സ്റ്റേഷന് വിട്ടാല് അല്ഐന് വരെ എല്ലാ പ്രധാന കേന്ദ്രങ്ങളിലും നിര്ത്തുന്നുണ്ട്. 10 ദിര്ഹമാണ് ടിക്കറ്റ് നിരക്ക്. പെരുന്നാള് ദിനം മുതല് ഈ സര്വീസില്ല. പകരം എക്സ്പ്രസ് സര്വീസ് നടത്തും.
അബുദാബി യില്നിന്ന് അല്ഐനി ലേക്ക് രണ്ടു പുതിയ റൂട്ടുകള് ഈ ദിവസം ആരംഭിക്കും. ആദ്യത്തേത് (ബസ് നമ്പര് 490) അബുദാബി വിമാന ത്താവള ത്തില് നിന്ന് അല്ഐന് ബസ് സ്റ്റേഷനി ലേക്കാണ്. ഈ ബസ്സിന്റെ ആദ്യ സ്റ്റോപ്പ് ബനിയാസ് കോര്ട്ട് പരിസര ത്താണ്. മൊത്തം 10 സ്ഥലങ്ങളില് സ്റ്റോപ്പുണ്ടാകും. ഈ ബസ്സിന് രണ്ടു ദിര്ഹം മുതല് 10 ദിര്ഹം വരെയാണ് ടിക്കറ്റ് നിരക്ക്. രണ്ടാമത്തെ റൂട്ട് (ബസ് നമ്പര് 440) മുസഫ ശഅബിയ ബസ്സ് സ്റ്റേഷനില് നിന്ന് അല് ഐന് വിമാന ത്താവള ത്തിലേക്കാണ്. ഈ ബസ്സി ലും രണ്ടു ദിര്ഹം മുതല് 10 ദിര്ഹം വരെയാണ് ടിക്കറ്റ് നിരക്ക്.
അബുദാബി ബസ്സ് സ്റ്റേഷനില് നിന്ന് അല്ഐനി ലേക്ക് വേഗത്തില് എത്താം എന്നതാണ് എക്സ്പ്രസ് സര്വീസിന്റെ നേട്ടം. അല്ഐന് സിറ്റി യില് എത്തുന്നതിന് മുമ്പും സിറ്റി യിലെ പ്രധാന കേന്ദ്ര ങ്ങളിലും ഇറങ്ങേണ്ട യാത്രക്കാര് ഇനി അബുദാബി സിറ്റി യില് നിന്ന് ബനിയാസ് കോര്ട്ട് വരെ പോയി അവിടെനിന്ന് ബസ് കയറേണ്ടി വരും.
-അബുബക്കര് പുറത്തേല് – അബുദാബി
- pma
വായിക്കുക: ഗതാഗതം
അബുദാബി : ചെറിയ പെരുന്നാള് അവധി ദിവസ ങ്ങളില് (ആഗസ്റ്റ് 21 ചൊവ്വാഴ്ച വരെ) അബുദാബി നഗര ത്തില് വാഹന പാര്ക്കിംഗ് സൗജന്യം ആയിരിക്കും.
റമദാന് കഴിഞ്ഞാല് മവാഖിഫ് (പെയ്ഡ് പാര്ക്കിംഗ്) സമയ ത്തില് മാറ്റം ഉണ്ടാവും എന്ന് അധികൃതര് നേരത്തെ അറിയിച്ചിരുന്നു. ഈദുല് ഫിത്വര് അവധി കഴിഞ്ഞാല് അബുദാബി യില് എല്ലായിടത്തും അര്ദ്ധരാത്രി 12 മണി വരെ പെയ്ഡ് പാര്ക്കിംഗ് സംവിധാനം നിലവില് വരും.
- pma
അബുദാബി : റമദാനില് മവാഖിഫ് (പെയ്ഡ് പാര്ക്കിംഗ്) സമയ ത്തില് മാറ്റം വരുത്തി യതായി ഡിപ്പാര്ട്ട്മെന്റ് ഓഫ് ട്രാന്സ്പോര്ട്ട് (DoT) പത്രക്കുറിപ്പില് അറിയിച്ചു.
രാവിലെ 9 മണി മുതല് വൈകീട്ട് 4 മണി വരെയും രാത്രി 10.30 മുതല് പുലര്ച്ചെ 2.30 വരെയുമാണ് പാര്ക്കിങ്ങിനു പണം ഈടാക്കുക. എന്നാല് പ്രാര്ത്ഥന സമയത്ത് പള്ളികള്ക്ക് സമീപം നിസ്കാര ത്തിനായി 45 മിനുട്ട് സൌജന്യമായി പാര്ക്ക് ചെയ്യാം.
വൈകീട്ട് 4 മുതല് രാത്രി 10.30 വരെയും പുലര്ച്ചെ 2.30 മുതല് കാലത്ത് 9 വരെ യുമായി ദിവസം 13 മണിക്കൂര് സൌജന്യ പാര്ക്കിംഗ് ലഭിക്കും.
റമദാന് 29 മുതല് മൂന്നാം പെരുന്നാള് ദിനം വരെ പാര്ക്കിംഗ് സൌജന്യ മായിരിക്കും. എന്നാല് ഈദുല് ഫിത്വര് അവധിക്കു ശേഷം അബുദാബി യില് മവാഖിഫ് സമയ പരിധി മാറ്റും. രാവിലെ 8 മണി മുതല് അര്ദ്ധരാത്രി 12 മണി വരെ നഗര ത്തിലെ വിവിധ ഭാഗങ്ങളില് മവാഖിഫ് കേന്ദ്ര ങ്ങളില് പണം നല്കി വാഹനം പാര്ക്ക് ചെയ്യണം.
-പി. എം. അബ്ദുല് റഹിമാന് അബുദാബി.
- pma
അബുദാബി : ഞായറാഴ്ച പുലര്ച്ചെ അബുദാബി – മുസ്സഫ റോഡില് മുഷ്റിഫ് ഡല്മ സിഗ്നലില് ഉണ്ടായ വാഹന അപകടത്തില് മലയാളി ഉള്പ്പെടെ മൂന്നു പേര് മരിച്ചു.
വയനാട് മാനന്തവാടി പിലാക്കാവ് നരിപ്പറ്റ പരേതനായ അബുവിന്റെ മകന് ഷഫീര് (23), ഫിലിപ്പീന്സിലെ മനില സ്വദേശി എമേഴ്സണ് (20) എന്നിവര്ക്ക് പുറമെ മറ്റൊരു ഫിലിപ്പീനോ കൂടി മരിച്ചു. മലയാളികള് ഉള്പ്പെടെ ഒമ്പത് പേര്ക്ക് പരിക്കേറ്റു. ഇതില് രണ്ടു ഫിലിപ്പീനികള്ക്ക് ഗുരുതര പരിക്കാണ്. ഇവരെ മഫ്റഖ് ആശുപത്രി യില് പ്രവേശിപ്പിച്ചു.
അബുദാബി നാഷനല് ഓയില് കമ്പനി (അഡ്നോക്) യില് ജോലി ചെയ്യുന്ന ഷഫീര് ഉള്പ്പെടെ ഉള്ളവര് അല് ഖലീജിലെ പെട്രോള് പമ്പിലേക്ക് ജോലിക്ക് പോയതാണ്. ഇവര് സഞ്ചരിച്ച മിനി വാനും ടാക്സിയും സിഗ്നലില് വെച്ച് കൂട്ടിയിടിക്കുക യായിരുന്നു. ഷഫീറും എമേഴ്സണും തല്ക്ഷണം മരിച്ചു. അപകട ത്തില് മരിച്ച മൂന്നാമത്തെ വ്യക്തി ടാക്സിയില് ഉണ്ടായിരുന്നയാളാണ്.
ഷഫീര് അഡ്നോകില് ജോലിക്കായി എത്തിയത് മേയ് 24നാണ്. എമേഴ്സണ് ജൂണ് ആദ്യമാണ് ജോലിയില് എത്തിയത്. രണ്ടു മൃതദേഹങ്ങളും ഖലീഫ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നിയമ നടപടി കള്ക്ക് ശേഷം നാട്ടില് കൊണ്ടുപോകും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
