അബുദാബി: യു. എ. ഇ. യില് താമസിക്കുന്ന എല്ലാവരും ദേശീയ തിരിച്ചറിയല് കാര്ഡ് (എമിറേറ്റ് ഐഡന്റിറ്റി കാര്ഡ്)നിര്ബന്ധമായും സ്വന്തമാക്കണമെന്ന് ആഭ്യന്തര മന്ത്രാലയത്തിന്റെ വാത്താ കുറിപ്പില് അറിയിച്ചു. ഐഡന്റിറ്റി കാര്ഡിനു വേണ്ടി രജിസ്റ്റര് ചെയ്യുവാനും കാര്ഡ് നല്കുവാനുമുള്ള വിപുലമായ സൗകര്യങ്ങള് യു. എ. ഇ. യിലെ വിവിധ കേന്ദ്രങ്ങളില് ഒരുക്കിയിട്ടുണ്ട്. ഇതിനുള്ള നടപടിക്രമങ്ങള് വളരെ ലളിതമാണ്. e പത്രം ഇതിനുള്ള സംവിധാനം ഒരുക്കിയിട്ടുണ്ട് എന്നതും വായനക്കാര് ശ്രദ്ധിച്ചിരിക്കുമല്ലോ
ദേശീയ തിരിച്ചറിയല് കാര്ഡ് ലഭിക്കാന്, വ്യക്തിയെ ക്കുറിച്ചുള്ള വിശദമായ വിവരങ്ങളാണ് ആഭ്യന്തര മന്ത്രാലത്തിനു സമര്പ്പിക്കേണ്ടത്. ഏത് രാജ്യത്തുനിന്ന് വന്നു, കുടുംബ പശ്ചാത്തലം, രാജ്യത്തെ മേല്വിലാസം, യു. എ. ഇ. യില് എത്തിയ വര്ഷം, ഏതു കമ്പനിയില് ജോലിചെയ്യുന്നു, യു. എ. ഇ. യില് താമസിക്കുന്നതെവിടെ, ടെലിഫോണ് നമ്പറുകള്, ജോലി സംബന്ധമായ വിവരങ്ങള്, വിരലടയാളങ്ങള് എന്നിങ്ങനെ സമഗ്രമായ വിവരങ്ങളാണ് ഐ ഡിക്കുവേണ്ടി മന്ത്രാലയം ആവശ്യപ്പെടുന്നത്.
യു. എ. ഇ. യില് താമസിക്കുന്ന സ്വദേശികളുടെയും വിദേശികളുടെയും വിവരങ്ങള് കൃത്യമായി ലഭിക്കുവാന് എമിറേറ്റ് ഐ ഡിയിലൂടെ സാധ്യമാവുമെന്ന് മന്ത്രാലയം പ്രതീക്ഷിക്കുന്നു.
ഈ വര്ഷാവസാനത്തോടെ യു. എ. ഇ. യിലെ എല്ലാ ഗവണ്മെന്റ് നടപടിക്രമങ്ങള്ക്കും ദേശീയ തിരിച്ചറിയല് കാര്ഡ് (എമിറേറ്റ് ഐഡന്റിറ്റി കാര്ഡ്) അനിവാര്യമായിരിക്കും. എമിഗ്രേഷന്, ലേബര്, ട്രാഫിക്, ലൈസന്സിങ്, ബാങ്കിങ് മേഖലകളില് എമിറേറ്റ് ഐഡന്റിറ്റി കാര്ഡ് ഇല്ലാതെ ഇനി കാര്യങ്ങള് നടത്തുവാന് സാധിക്കുകയില്ല എന്നും വാര്ത്താ കുറിപ്പില് പറയുന്നു.
ദുബായ് : അബുദാബി ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി യിലേക്ക് തെരഞ്ഞെടുക്കപ്പെട്ട ഏക മലയാളിയായ പദ്മശ്രീ എം. എ. യൂസഫലിക്ക് യു.എ.ഇ. യിലെ മാധ്യമ പ്രവര്ത്തകരുടെ കൂട്ടായ്മയായ ഇന്ത്യന് മീഡിയ ഫോറം സ്വീകരണം നല്കി. 
ദുബായ് : ഭൂകമ്പത്തിന്റെ ദുരിത ഫലങ്ങള് അനുഭവിച്ചു കൊണ്ടിരിക്കുന്ന ഹെയ്തിയിലെ കുട്ടികള്ക്ക് സഹായവുമായി യു. എ. ഇ. യിലെ മാധ്യമ പ്രവര്ത്തകരുടെ കൂട്ടായ്മയായ ഇന്ഡ്യന് മീഡിയ ഫോറം രംഗത്തെത്തി. ഇതിനായി രൂപം കൊടുത്ത “ഇന്ഡ്യന് മീഡിയ ഫോറം ഹെയ്തി ഹെല്പ് സര്വ്വീസ് ”, ഈ ഉദ്യമത്തില് സഹകരിക്കുന്നവരുടെ പക്കല് നിന്നും ശേഖരിച്ച പുതിയ വസ്ത്രങ്ങള്ക്ക് പുറമെ അംഗങ്ങളില് നിന്നും സ്വരൂപിച്ച തുക ഉപയോഗിച്ച് വാങ്ങിയ പുതിയ വസ്ത്രങ്ങളും ചേര്ത്ത്, ദുബായിലെ റെഡ് ക്രെസെന്റ് സൊസൈറ്റിയില് നാളെ വൈകീട്ട് ഏല്പ്പിക്കും.
