കൊച്ചി : മുന്‍ ഇന്ത്യന്‍ ക്രിക്കറ്റ് താരം ശ്രീശാന്ത് നായകനായെത്തുന്ന ” ടീം ഫൈവ് ” എന്ന സിനിമയെ ഒതുക്കാന്‍ ശ്രമം. ഇനി മലയാളത്തില്‍ സിനിമകള്‍ ചെയ്യില്ലെന്ന് നിര്‍മ്മാതാവ് രാജ് സഖറിയ പറഞ്ഞു. ശ്രീശാന്ത് നായകനാകുന്ന ചിത്രത്തില്‍ നായികയായെത്തുന്നത് നിക്കി ഗല്‍റാണിയാണ്. റിലീ സ് ദിവസം പോലും പ്രധാന കേന്ദ്രങ്ങളില്‍ ചിത്രത്തിന്റെ ഒരു പോസ്റ്റര്‍ പോലുമില്ലായിരുന്നെന്നും അദ്ദേഹം പറഞ്ഞു.
വിതരണക്കാരുടെ ഭാഗത്തു നിന്നു യാതൊരു വിധ സഹകരണവും സിനിമയ്ക്ക് ലഭിച്ചിട്ടില്ലെന്ന് ടീം ഫൈവിന്റെ അണിയറ പ്രവര്‍ത്തകര്‍ ആരോപിച്ചു. സിനിമ തീയേറ്ററില്‍ എത്തിയതു പോലും ജനങ്ങള്‍ അറിഞ്ഞിട്ടില്ല. എറണാകുളം പ്രസ് ക്ലബ്ബില്‍ നടത്തിയ പത്ര സമ്മേളനത്തില്‍ സംസാരിക്കുകയായിരുന്നു ടീ ഫൈവിന്റെ നിര്‍മ്മാതാവും സംവിധായകനും.
