അബുദാബി : ജീവകാരുണ്യ പ്രവര്‍ത്തന രംഗത്ത് ശ്രദ്ധേയമായ ഇടപെടലുകള്‍ നടത്തി വരുന്ന സാമൂഹിക സാംസ്കാരിക കൂട്ടായ്മ ടീം അബുദാബിൻസ് രണ്ടാം വാർഷിക ആഘോഷങ്ങള്‍ അബുദാബി ഇന്ത്യന്‍ ഇസ്ലാമിക് സെന്ററില് നടന്നു. മാധ്യമ രംഗത്തെ സജീവമായ ഇടപെടലുകള്‍ക്ക് നല്‍കി വരുന്ന മാധ്യമ പുരസ്കരം, കായിക രംഗത്തെ മികവിനു സമ്മാനിക്കുന്ന സ്പോർട്സ് എക്സലൻസ് അവാർഡ് എന്നിവ വിതരണം ചെയ്തു.
പ്രിന്‍റ് മീഡിയ വിഭാഗത്തില്‍ മലയാള മനോരമ സീനിയർ കറസ്പോണ്ടന്‍റ് എന്‍. എം. അബൂബക്കർ, വിഷ്വൽ മീഡിയ വിഭാഗത്തില്‍ മീഡിയ വൺ കറസ്പോണ്ടന്‍റ് ഷിനോജ് കെ. ഷംസുദ്ദീന്‍, കായിക മികവിനുള്ള പുരസ്കാരം സാദിഖ് അഹമ്മദ് എന്നിവര്‍ക്കാണ് സമ്മാനിച്ചത്.
ടീം അബുദാബിൻസ് പ്രസിഡണ്ട് ഫൈസൽ അദൃശ്ശേരി, ജനറൽ സെക്രട്ടറി ജാഫർ റബീഹ്, വൈസ് പ്രസിഡണ്ട് മുനവ്വർ, ട്രഷറർ നജാഫ് മൊഗ്രാൽ, മലയാളി സമാജം മുന്‍ സെക്രട്ടറി സലിം ചിറക്കൽ, സമാജം കോഡിനേഷൻ ചെയർമാൻ ബി. യേശു ശീലൻ, ലുലു ഗ്രൂപ്പ് പി. ആർ. ഒ. അഷ്റഫ്, ഡോ. ധനലക്ഷ്മി, മജീദ് തൈപ്പറമ്പിൽ, മുജീബ് റഹ്മാൻ എന്നിവര്‍ ചേര്‍ന്ന് ഉപഹാരങ്ങള്‍ സമ്മാനിച്ചു.
അവാർഡ് തുകയായ 10,001 രൂപ മൂന്നു പേരും ടീം അബുദാബിന്‍സ് നടത്തുന്ന ജീവ കാരുണ്യ പ്രവർത്തനങ്ങൾക്ക് കൈമാറി.
- pma
അനുബന്ധ വാര്‍ത്തകള്‍
വായിക്കുക: ആഘോഷം, പ്രവാസി, ബഹുമതി, മാധ്യമങ്ങള്‍, സംഘടന
