മസ്കറ്റ് : ഒമാന്‍ നവോത്ഥാന ദിനാഘോഷത്തോട് അനുബന്ധിച്ച് 182 തടവുകാരെ മാപ്പുനല്‍കി മോചിപ്പിക്കാന്‍ ഒമാന്‍ ഭരണാധികാരി സുല്‍ത്താന്‍ ഖാബൂസ് സഈദ് ഉത്തരവിട്ടു.
വിവിധ കുറ്റകൃത്യങ്ങള്‍ക്ക് ജയിലില്‍ കഴിയുന്ന 96 ഒമാന്‍ സ്വദേശികളും 86 പ്രവാസി കളുമാണ് ഉത്തരവ് പ്രകാരം മോചിതരാവുക. രാജ്യത്തിന്റെ സുപ്രീം കമാന്‍ഡര്‍ എന്ന അധികാരം ഉപയോഗിച്ചാണ് സുല്‍ത്താന്‍ തടവുകാരെ മോചിപ്പിച്ചത്.
ശിക്ഷാ കാലയളവില്‍ മാനസാന്തരം വന്നവരെ അവരുടെ സാമൂഹിക, കുടുംബ പശ്ചാത്തലം കണക്കില്‍ എടുത്താണ് മോചിപ്പിക്കുന്നത് എന്ന് ഉത്തരവ് വ്യക്തമാക്കുന്നു.
-അയച്ചു തന്നത : ബിജു കരുനാഗപ്പള്ളി
മസ്കറ്റ് : ഒമാനിലെ ഖാബൂറക്ക് സമീപം ടാക്‌സി ട്രക്കിലിടിച്ച് കണ്ണൂര്‍ സ്വദേശി മരിച്ചു. രണ്ടു പേര്‍ക്ക് പരിക്കേറ്റു. തളിപറമ്പ് ശ്രീകണ്ഠപുരം നെടിയങ്ങ അയ്യകത്ത് പുതിയ പുരയില്‍ മുഹമ്മദ്കുഞ്ഞിന്റെ മകന്‍ മുസ്തഫയാണ് (31) മരിച്ചത്. ബിദായ യില്‍ കഫ്തീരിയ നടത്തുന്ന ഇദ്ദേഹം ചൊവ്വാഴ്ച വൈകുന്നേരം ഖാബൂറയിലെ ഹൈപ്പര്‍ മാര്‍ക്കറ്റിലേക്ക് പോകവെ യാണ് അപകടം. മുസ്തഫ സഞ്ചരിച്ചിരുന്ന ടാക്‌സി നിയന്ത്രണംവിട്ട് ട്രക്കിലിടിക്കുക യായിരുന്നു എന്ന് ബന്ധുക്കള്‍ പറഞ്ഞു.
