ഇന്ത്യയും ഒമാനുമായുള്ള പ്രതിരോധ സഹകരണം കൂടുതല്‍ മെച്ചപ്പെടുത്താന്‍ ധാരണ. പ്രതിരോധ മന്ത്രി എ. കെ. ആന്‍റണിയുടെ ഒമാന്‍ സന്ദര്‍ശനത്തിലാണ് ഇത് സംബന്ധിച്ച് ധാരണയായത്
രണ്ട് ദിവസത്തെ സന്ദര്‍ശനത്തിനാണ് പ്രതിരോധ മന്ത്രി എ. കെ. ആന്‍റണി ഒമാനില്‍ എത്തിയത്. ഇരു രാജ്യങ്ങളും തമ്മിലുള്ള പ്രതിരോധ സഹകരണം കൂടുതല്‍ മെച്ചപ്പെടുത്താന്‍ ഒമാനില്‍ നടന്ന ചര്‍ച്ചയില്‍ ധാരണയായി. എ. കെ. ആന്‍റണയും ഒമാന്‍ പ്രതിരോധ മന്ത്രി സയ്യിദ് ബദര്‍ ബിന്‍ സൗദ് ബിന്‍ ഹരിബുമായുള്ള ചര്‍ച്ചയിലാണ് ഈ ധാരണ.
ഏദന്‍ കടലില്‍ കടല്‍ക്കൊള്ളക്കാര്‍ കപ്പലുകള്‍ തട്ടിയെടുക്കുന്നത് അടക്കമുള്ള വിഷയങ്ങള്‍ ഇരുവരും ചര്‍ച്ച ചെയ്തു. റാ‍ഞ്ചല്‍ സംഭവങ്ങള്‍ വര്‍ധിച്ച് വരുന്നത് ലോക രാജ്യങ്ങള്‍ക്ക് തന്നെ ഭീഷണി യാണെന്ന് നേതാക്കള്‍ നിരീക്ഷിച്ചു. ഏദന്‍ കടലില്‍ 16 ഇന്ത്യന്‍ കപ്പലുകളെ വിന്യസിച്ചതായി എ. കെ. ആന്‍റണി പറഞ്ഞു.
ഇരു രാജ്യങ്ങളുടേയും സേനകള്‍ യോജിച്ച് അടുത്ത വര്‍ഷം ഇന്ത്യയില്‍ അഭ്യാസ പ്രകടനങ്ങള്‍ നടത്താനും തീരുമാനിച്ചിട്ടുണ്ട്.
ഇന്ത്യന്‍ പ്രതിരോധ സെക്രട്ടറി പ്രദീപ് കുമാര്‍ അടക്കമുള്ള ഉന്നത തല ഇന്ത്യന്‍ സംഘവും ആന്‍റണിയെ അനുഗമിച്ചിരുന്നു. ഒമാനിലെ ഇന്ത്യന്‍ സംഘടനകള്‍ നല്‍കിയ വിരുന്നിലും എ. കെ. ആന്‍റണി പങ്കെടുത്തു.
ഒമാന്‍ : സംസ്ക്കാരങ്ങളുടെ അര്‍ത്ഥം തേടി ഇടം മസ്ക്കറ്റ്’ 2010 ഫെബ്രുവരി 25, 26 എന്നീ തിയ്യതികളില്‍ കുറം മറാ ലാന്റില്‍ ഇന്തോ – ഒമാന്‍ നാടന് കലോത്സവം സംഘടിപ്പിക്കുന്നു. പ്രശസ്ത ഇന്ത്യന്‍ നര്‍ത്തകി മല്ലിക സാരാഭായി ഉദ്ഘാടനം ചെയ്യുന്ന കലോത്സവത്തില്‍ പ്രശസ്ത സംവിധായകന്‍ പ്രിയനന്ദനന്‍ മുഖ്യ അതിഥിയായിരിക്കും. ഒമാനിലെ വിവിധ സംഘടനകള്‍, ഒമാന്‍ ഇന്ത്യന്‍ എംബസ്സി, ഐ. സി. സി. ആര്‍, കേരള ഫോക്ക് ലോര്‍ അക്കാദമി എന്നിവരുടെ സഹകരണ ത്തോടെയാണ് പരിപാടി സംഘടിപ്പിക്കുന്നത്.
