അബുദാബി : നിര്‍ദ്ദിഷ്ട കണ്ണൂര്‍ വിമാനത്താവളം രണ്ടര വര്‍ഷ ത്തിനകം യാഥാര്‍ത്ഥ്യം ആവുമെന്ന്‍ കേന്ദ്ര ഊര്‍ജ്ജ സഹമന്ത്രി കെ. സി. വേണുഗോപാല്‍ പറഞ്ഞു. അബുദാബി യില്‍ പയ്യന്നൂര്‍ സൗഹൃദ വേദി നല്‍കിയ സ്വീകരണ ചടങ്ങില്‍ സംസാരിക്കുക യായിരുന്നു കേന്ദ്രമന്ത്രി.

കണ്ണൂര്‍ റെയില്‍വേ സ്റ്റേഷന്‍, പയ്യന്നൂര്‍ റെയില്‍വേ സ്റ്റേഷന്‍, കോസ്റ്റ്ഗാര്‍ഡ് അക്കാദമി, കണ്ണൂര്‍ വിമാന ത്താവളം തുടങ്ങി നിരവധി പദ്ധതികള്‍ ദ്രുതഗതി യിലുള്ള നിര്‍മ്മാണ ത്തിലാണ്.

പയ്യന്നൂര്‍ കോളേജി ലേയും കണ്ണൂര്‍ ജില്ല യിലെയും രാഷ്ട്രീയ പ്രവര്‍ത്തന മാണ് തന്‍റെ ജീവിതത്തിന് അടിത്തറ പാകിയത്. മണ്ഡല ത്തിലെ ജനപ്രതിനിധി എന്ന നിലയില്‍ ആദ്യത്തെ കൂറ് ആലപ്പുഴ യോടാണ്. എങ്കിലും പയ്യന്നൂരു മായുള്ള വൈകാരിക ബന്ധം എപ്പോഴും കാത്തു സൂക്ഷിക്കുന്നു എന്നും മന്ത്രി കെ. സി. വേണുഗോപാല്‍ പറഞ്ഞു.

പയ്യന്നൂര്‍ സൗഹൃദ വേദി പ്രസിഡന്‍റ് വി. കെ. ഷാഫി അദ്ധ്യക്ഷത വഹിച്ചു. രമേഷ് പണിക്കര്‍, എം. എ. സലാം, മൊയ്തു കടന്നപ്പള്ളി, മനോജ് പുഷ്‌കര്‍, വി. ടി. വി. ദാമോദരന്‍ എന്നിവര്‍ പ്രസംഗിച്ചു. സൗഹൃദ വേദി സെക്രട്ടറി ബി. ജ്യോതിലാല്‍ സ്വാഗതവും വൈസ് പ്രസിഡന്‍റ് സുരേഷ് പയ്യന്നൂര്‍ നന്ദിയും പറഞ്ഞു.

അബുദാബി : യു. എ. ഇ. സന്ദര്‍ശന ത്തിന് എത്തുന്ന കേന്ദ്ര ഊര്‍ജ്ജ വകുപ്പ് സഹമന്ത്രി കെ. സി. വേണു ഗോപാലിന് പയ്യന്നൂര്‍ സൗഹൃദവേദി യുടെ നേതൃത്വ ത്തില്‍ അബുദാബി ഇന്ത്യ സോഷ്യല്‍ സെന്‍ററില്‍ സ്വീകരണം നല്‍കും. ഒക്ടോബര്‍ പതിനഞ്ചാം തീയ്യതി ശനിയാഴ്ച വൈകുന്നേരം ആറു മണിക്കാണ് പരിപാടി.
– അയച്ചു തന്നത് : വി. ടി. വി