സമദാനിയുടെ ‘മദീനയിലേക്കുള്ള പാത’ ഇസ്‌ലാമിക് സെന്‍ററില്‍

January 21st, 2023

road-to-madina-abdussamad-samadani-madeenayilekkulla-paatha-islamic-center-ePathram
അബുദാബി : പ്രമുഖ വാഗ്മി ഡോ. എം. പി. അബ്ദുസ്സമദ്‌ സമദാനി യുടെ പ്രശസ്തമായ ‘മദീനയിലേക്കുള്ള പാത’ പ്രഭാഷണം 2023 ജനുവരി 22 ഞായറാഴ്ച രാത്രി എട്ടു മണിക്ക് ഇന്ത്യൻ ഇസ്‌ലാമിക് സെന്‍ററില്‍ നടക്കും.

‘വിശ്വ വിമോചകനാം വിശുദ്ധ പ്രവാചകന്‍’ എന്ന ശീര്‍ഷകത്തില്‍ സംഘടിപ്പിക്കുന്ന പരിപാടിയുടെ ഔപചാരിക ഉല്‍ഘാടനം പ്രമുഖ വ്യവസായിയും അബുദാബി ചേംബര്‍ ഓഫ്‌ കൊമേഴ്‌സ്‌ ഡയറക്ടറും ലുലു ഗ്രൂപ്പ്‌ ചെയര്‍മാനുമായ എം. എ. യൂസഫലി നിര്‍വ്വഹിക്കും. അബുദാബിയിലെ സാമൂഹ്യ സാംസ്കാരിക രംഗത്തെ പ്രമുഖര്‍ സംബന്ധിക്കും.

പ്രഭാഷണ പരിപാടിയുടെ വിജയത്തിനായി ഇന്ത്യൻ ഇസ്‌ലാമിക് സെന്‍ററിലെ എല്ലാ സൗകര്യങ്ങളും ഉപയോഗിക്കും.

സ്ത്രീകൾക്ക് പ്രഭാഷണം ശ്രവിക്കുവാൻ പ്രത്യേകം സൗകര്യം ഉണ്ടായിരിക്കും. വിപുലമായ വാഹന പാർക്കിംഗ് സെന്‍ററിനു സമീപം ഒരുക്കിയിട്ടുണ്ട് എന്നും ഭാരവാഹികൾ അറിയിച്ചു.

- pma

വായിക്കുക: , , ,

അഭിപ്രായം എഴുതുക »

സെ​ന്‍റ് ജോ​ർ​ജ്ജ് ഓ​ർ​ത്ത​ഡോ​ക്സ് ദേ​വാ​ല​യ​ത്തി​ന്‍റെ ശി​ലാ​ സ്ഥാ​പ​നം നിര്‍വ്വഹിച്ചു

December 29th, 2022

foundation-stone-laying-of-st-george-orthodox-church-ePathram
അബുദാബി : മലങ്കര ഓർത്തഡോക്സ് സുറിയാനി സഭയുടെ അബുദാബി സെന്‍റ് ജോർജ്ജ് ഓർത്തഡോക്സ് കത്തീഡ്രൽ പുതിയ ദേവാലയത്തിന്‍റെ ശിലാസ്ഥാപനം നടത്തി. ക്രിസ്തുമസ് ദിനത്തില്‍ നടന്ന ചടങ്ങില്‍ കൊല്ലം ഭദ്രാസന മെത്രാപ്പോലീത്ത ഡോ. ജോസഫ് മാർ ദീവന്നാസിയോസ്, റാന്നി – നിലക്കൽ ഭദ്രാസന മെത്രാപ്പോലീത്ത ഡോ. ജോഷ്വാ മാർ നിക്കോദിമോസ് എന്നിവരുടെ സഹ കാർമ്മികത്വത്തില്‍ ബ്രഹ്മവാർ ഭദ്രാസന മെത്രാപ്പോലീത്ത യാക്കോബ് മാർ ഏലിയാസ് തിരുമേനിയുടെ മുഖ്യ കാർമ്മികത്വത്തില്‍ ശിലാ സ്ഥാപന കൂദാശ നിർവ്വഹിച്ചു.

abudhabi-st-george-orthodox-new-church-foundation-stone-laying-ePathram

ഇടവക വികാരി ഫാദർ എൽദോ എം. പോൾ സഹ വികാരി ഫാദർ മാത്യു ജോൺ, യു. എ. ഇ. യിലെ വിവിധ എമിറേറ്റു കളിലെ ഓർത്തഡോക്സ് ദേവാലയ ങ്ങളിലെ വൈദികരും അബുദാബി മാർത്തോമാ ഇടവകയിലെ വൈദികരും ഇടവക അംഗങ്ങളും എല്ലാ ഓർത്തഡോക്സ് ദേവാലയങ്ങളിലെ സെക്രട്ടറിമാര്‍, ട്രസ്റ്റിമാര്‍ മറ്റു അംഗങ്ങളും അഭ്യുദയ കാംക്ഷികളും ചടങ്ങിൽ സംബന്ധിച്ചു.

st-george-orthodox-cathedral-design-new-building-ePathram

കത്തീഡ്രൽ ട്രസ്റ്റി തോമസ് ജോർജ്ജ്, സെക്രട്ടറി ഐ. തോമസ്, മാനേജിംഗ് കമ്മിറ്റി അംഗങ്ങൾ, നിർമ്മാണ കമ്മിറ്റി ജനറൽ കൺവീനർ പി. ജി. ഇട്ടി പണിക്കർ, ഫൈനാൻസ് കൺവീനർ നൈനാൻ ഡാനിയൽ, ടെക്നിക്കൽ കമ്മിറ്റി അംഗങ്ങൾ ഫൈനാൻസ് കമ്മിറ്റി അംഗങ്ങൾ തുടങ്ങിയവര്‍ ക്രമീകരണങ്ങൾക്ക് നേതൃത്വം നൽകി.

- pma

വായിക്കുക: , , , , ,

അഭിപ്രായം എഴുതുക »

സെ​ന്‍റ്​ ജോ​ര്‍ജ്ജ് ഓ​ര്‍ത്ത​ഡോ​ക്‌​സ് ക​ത്തീ​ഡ്ര​ല്‍ കല്ലിടല്‍ ക്രിസ്തുമസ് ദിനത്തില്‍

December 25th, 2022

st-george-orthodox-cathedral-design-new-building-ePathram
അബുദാബി : പുതുക്കിപ്പണിയുന്ന സെന്‍റ് ജോര്‍ജ്ജ് ഓര്‍ത്തഡോക്‌സ് കത്തീഡ്രല്‍ ദേവാലയത്തിന്‍റെ ശിലാ സ്ഥാപന കര്‍മ്മം ക്രിസ്തുമസ് ദിനത്തില്‍ നടക്കും എന്ന് ഇടവക ഭരണ സമിതി വാര്‍ത്താ സമ്മേളനത്തില്‍ അറിയിച്ചു.

press-meet-foundation-stone-laying-of-st-george-orthodox-church-ePathram

മലങ്കര ഓര്‍ത്തഡോക്‌സ് സുറിയാനി സഭയുടെ ബ്രഹ്‌മവാര്‍ ഭദ്രാനസ മെത്രാപ്പോലീത്ത യാക്കോബ് മാര്‍ ഏലിയാസ് കല്ലിടല്‍ കര്‍മ്മം നിര്‍വ്വഹിക്കും. കൊല്ലം ഭദ്രാസന മെത്രാപ്പൊലീത്ത ഡോ. ജോസഫ് മാർ ദീവന്നാസിയോസ്, റാന്നി-നിലക്കൽ ഭദ്രാസന മെത്രാപ്പൊലീത്ത ഡോ. ജോഷ്വാ മാർ നിക്കോദീമോസ് എന്നിവർ സഹകാർമ്മികര്‍ ആയിരിക്കും. യു. എ. ഇ. യിലെ വിവിധ ഇടവക കളിലുള്ള വൈദികരും വിശ്വാസികളും സംബന്ധിക്കും.

1.35 കോടി ദിർഹം ചെലവിൽ 20 മാസം കൊണ്ട് പണി പൂർത്തിയാക്കുന്ന പുതിയ ദേവലായത്തിൽ ഒരേ സമയം 2000 പേർക്ക് ആരാധനയില്‍ പങ്കെടുക്കാം. ഇന്ത്യ യുടെയും യു. എ. ഇ. യുടെയും പൈതൃകം ഉൾ ക്കൊള്ളും വിധത്തിലാണ് ചര്‍ച്ചിന്‍റെ രൂപ കൽപന നിര്‍വ്വഹിച്ചിട്ടുള്ളത്.

വാര്‍ത്താ സമ്മേളനത്തില്‍ യാക്കോബ് മാര്‍ ഏലിയാസ് മെത്രാപ്പൊലീത്ത, ഇടവക വികാരി ഫാ. എൽദോ എം. പോൾ, സഹ വികാരി ഫാ. മാത്യു ജോൺ, ട്രസ്റ്റി തോമസ് ജോർജ്, സെക്രട്ടറി ഐ.തോമസ്, ചര്‍ച്ച് നിർമ്മാണ കമ്മിറ്റി ജനറൽ കൺവീനർ പി. ജി. ഇട്ടി പണിക്കർ എന്നിവർ സംബന്ധിച്ചു.

- pma

വായിക്കുക: , ,

അഭിപ്രായം എഴുതുക »

എക്യൂമെനിക്കൽ സമ്മേളനം

December 23rd, 2022

mar-thoma-yuvajana-sakhyam-ecumenical-meet-ePathram
അബുദാബി : മാർത്തോമാ യുവ ജന സഖ്യം സുവർണ്ണ ജൂബിലി ആഘോഷങ്ങളുടെ ഭാഗമായി THE MOSAIC എന്ന പേരിൽ എക്യൂമെനിക്കൽ സമ്മേളനം മുസ്സഫ കമ്മ്യുണിറ്റി സെന്‍ററിൽ വെച്ച്  സംഘടിപ്പിച്ചു. അബുദാബി മാർത്തോമാ ഇടവക വികാരി റവ. ജിജു ജോസഫ് സമ്മേളനം ഉദ്ഘാടനം ചെയ്തു. സഹ വികാരി റവ. അജിത്ത് ഈപ്പൻ അദ്ധ്യക്ഷത വഹിച്ചു. സാമൂഹിക സാംസ്കാരിക സംഘടനാ പ്രതിനിധികളും അബുദാബിയിലെ എല്ലാ ഇടവകകളിൽ നിന്നുള്ള പ്രതി നിധികളും സംബന്ധിച്ചു.

തുടര്‍ന്നു നടന്ന കലാ സന്ധ്യയിൽ മാർഗ്ഗം കളി, മാപ്പിളപ്പാട്ട്, ഫ്യൂഷൻ ഡാൻസ്, കോൽക്കളി, അറബിക് ഡാൻസ് തുടങ്ങി വൈവിധ്യമാര്‍ന്ന കലാ പരിപാടി കളും ബൈബിൾ നാടകവും അരങ്ങേറി. വിൽസൺ ടി. വർഗീസ് സ്വാഗതവും ജിബിൻ സക്കറിയ നന്ദിയും പറഞ്ഞു. യുവജനസഖ്യം ഭാരവാഹികൾ പരിപാടി കള്‍ക്ക് നേതൃത്വം നൽകി. THE MOSAIC

- pma

വായിക്കുക: , , ,

അഭിപ്രായം എഴുതുക »

സുൽത്വാനിയ പീസ്‌ കോൺഫറൻസ് ശ്രദ്ധേയമായി

December 21st, 2022

sheikh-muhammed-bava-sulthwani-inaugurate-sulthania-peace-conference-ePathram
ദുബായ് : ദൈവം ഹിന്ദുവോ മുസ്ലിമോ ക്രിസ്ത്യാനി യോ അല്ല. മെയ്യും മനസ്സും ശുദ്ധമായ സജ്ജനങ്ങളില്‍ ഇടം പിടിച്ചതാണ് ദൈവം എന്ന് സുൽത്വാനിയ ഫൗണ്ടേഷൻ ചെയർമാൻ ശൈഖ് മുഹമ്മദ് ബാവ ഉസ്താദ്. ശൈഖ് യൂസുഫ് സുൽത്വാൻ ശാഹ് ഖാദിരി (ഖ.സി.) യുടെ നാലാമത് ഉറൂസിനോട് അനുബന്ധിച്ച് സുൽത്വാനിയ ഫൗണ്ടേഷൻ ദുബായില്‍ സംഘടിപ്പിച്ച സുൽത്വാനിയ പീസ് കോൺഫറൻസി ൽ അനുഗ്രഹ പ്രഭാഷണം നടത്തുകയായിരുന്നു അദ്ദേഹം.

ഖുതുബുസ്സമാന്‍ ശൈഖ് യൂസുഫ് സുല്‍ത്വാൻ (ഖ. സ.) തീക്ഷ്ണമായ പരിശീലനങ്ങളിലൂടെ മനസ്സിനെ ശുദ്ധീ കരിച്ച് അല്ലാഹുവിനെ കണ്ടെത്തി തിരിച്ചു വന്നത് കൊണ്ടു തന്നെ എന്നെന്നും അജ്ഞതയുടെ അന്ധ കാരത്തെ ഭേദിക്കുന്ന ഒരു വലിയ കെടാ വിളക്കായി കത്തിക്കൊണ്ടിരിക്കും എന്നും അദ്ദേഹം കൂട്ടി ച്ചേർത്തു.

sulthania-peace-conference-dubai-ePathram

സുൽത്വാനിയ ഫൗണ്ടേഷൻ യു. എ. ഇ. ചാപ്റ്റർ പ്രസിഡണ്ട് സയ്യിദ് മുസ്തഫ അൽ ഐദറൂസി കോൺഫറൻസ് ഉൽഘാടനം ചെയ്തു. ഖുതുബുസ്സമാൻ ശൈഖ് യൂസുഫ് സുൽത്വാൻ ശാഹ് ഖാദിരി(ഖ.സി.) യുടെ ജീവിതം വിശദീകരിച്ച് ഉസ്മാൻ മഹ്ബൂബി മുഖ്യ പ്രഭാഷണം നടത്തി.

സുൽത്വാനിയ ഫൗണ്ടേഷൻ കേന്ദ്ര കമ്മിറ്റി വർക്കിംഗ് പ്രസിഡണ്ട് ഡോ. അബ്ദുന്നാസിർ മഹ്ബൂബി അദ്ധ്യക്ഷത വഹിച്ചു. പൗര പ്രമുഖന്‍ മത്താർ അഹ്മദ് സാഗർ അൽ മർറി, വാഗ്മിയും എഴുത്തുകാരനുമായ ബഷീര്‍ തിക്കോടി, മാധ്യമ പ്രവർത്തകരായ എം. സി. എ. നാസർ, ജലീൽ പട്ടാമ്പി, അരുൺ പാറാട്ട്, അനൂപ് കീച്ചേരി, വ്യവസായ പ്രമുഖരായ സിദ്ധീഖ് എം. കെ., അൻസാർ കൊയിലാണ്ടി, അലി അസ്ഗർ മഹ്ബൂബി, ശിഹാബുദ്ദീൻ സുൽത്വാനി തുടങ്ങിയവർ ആശംസകൾ നേര്‍ന്നു.

സുൽത്വാനിയ ഫൗണ്ടേഷൻ യു. എ. ഇ. ചാപ്റ്റർ ജനറൽ സെക്രട്ടറി ആരിഫ് സുൽത്വാനി സ്വാഗതവും വൈസ് പ്രസിഡണ്ട് ഖാസിം മഹ്ബൂബി നന്ദിയും പറഞ്ഞു. ശൈഖ് യൂസുഫ് സുൽത്വാൻ ശാഹ് ഖാദിരിയെ കുറിച്ചുള്ള ഡോക്യുമെൻ്ററി പ്രദര്‍ശിപ്പിച്ചു.

Sulthaniya Foundation

- pma

വായിക്കുക: , ,

അഭിപ്രായം എഴുതുക »

1 of 1281231020»|

« Previous « ഗ്രീന്‍ വോയ്‌സ് മാധ്യമശ്രീ, ഹരിതാക്ഷര പുരസ്കാരങ്ങൾ പ്രഖ്യാപിച്ചു
Next Page » അഹല്യ എക്‌സ്‌ ചേഞ്ച് വിന്‍റര്‍ പ്രമോഷന്‍ : 111 പേര്‍ക്ക് 10 ലക്ഷ്വറി കാറുകളും ഒരു കിലോ സ്വർണ്ണവും സമ്മാനങ്ങള്‍ »



  • ലുലു ഹൈപ്പർ മാർക്കറ്റ് റബ്ദാന്‍ മാളില്‍ തുറന്നു
  • കണ്ടൽ ചെടികള്‍ നട്ടു പിടിപ്പിച്ച് പരിസ്ഥിതി ദിനം ആചരിച്ചു
  • മൈൻഡ് & മ്യൂസിക് ഇവന്‍റ് : സ്വാഗത സംഘം രൂപീകരിച്ചു
  • ചാ​ര്‍ട്ടേ​ഡ് അ​ക്കൗ​ണ്ട​ന്‍റ്​​സ് അ​ന്താ​രാ​ഷ്ട്ര സെ​മി​നാ​ര്‍ ഫെബ്രുവരി നാലു മുതല്‍
  • രക്തം ദാനം ചെയ്ത് തവക്കല്‍ ടൈപ്പിംഗ് ഗ്രൂപ്പ് ജീവനക്കാര്‍
  • ലുലു ഇന്ത്യാ ഉത്സവ് 2023 : 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം
  • മഞ്ജു വാര്യർ അൽ വഹ്ദ മാളിലെ ലുലുവില്‍ ശനിയാഴ്ച വൈകുന്നേരം ഏഴു മണിക്ക്
  • മഴയും ആലിപ്പഴ വർഷവും : അസ്ഥിര കാലാവസ്ഥ തുടരുന്നു
  • ഇ- നെസ്റ്റ് പുന:സ്സംഘടിപ്പിച്ചു
  • അൽ തവക്കൽ രക്തദാന ക്യാമ്പ് വെള്ളിയാഴ്ച
  • ഐ. എസ്. സി. തിലക് – 2023 പുരസ്കാരങ്ങള്‍ സമ്മാനിച്ചു
  • 2023 : ഇയർ ഓഫ് സസ്റ്റൈനബിലിറ്റി
  • സമദാനിയുടെ ‘മദീനയിലേക്കുള്ള പാത’ ഇസ്‌ലാമിക് സെന്‍ററില്‍
  • ഡ്രൈവ് ചെയ്യുമ്പോൾ ഭക്ഷണ പാനീയങ്ങൾ കഴിക്കുന്നത് അപകട സാദ്ധ്യത വർദ്ധിപ്പിക്കുന്നു
  • ക്രെഡിറ്റ് കാര്‍ഡ് വഴി ടിക്കറ്റ് എടുത്തവര്‍ കാര്‍ഡ് കൈയില്‍ കരുതണം
  • ശൈഖ് സായിദ് ബിൻ ഹംദാൻ ബിൻ സായിദ് അൽ നഹ്യാന്‍ നാഷണൽ മീഡിയ ഓഫീസ് ചെയർമാന്‍
  • ലുലു ഹൈപ്പര്‍ മാര്‍ക്കറ്റുകളില്‍ ഈ വര്‍ഷം അവശ്യ സാധന വില വര്‍ദ്ധിക്കില്ല
  • തൊഴിലാളികള്‍ക്ക് അടിയന്തര ആരോഗ്യ സേവനം : മുസ്സഫയില്‍ പ്രത്യേക അത്യാഹിത വിഭാഗം
  • പ്രവാസ കൈരളി സാഹിത്യ പുരസ്കാരം കെ. ആർ. മീരക്ക്
  • തണുത്ത കാലാവസ്ഥ തുടരും : മഴ പെയ്യാൻ സാദ്ധ്യത



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine