
അബുദാബി : യു. എ. ഇ. യിൽ സർക്കാർ മേഖല ജീവനക്കാർക്ക് ബലി പെരുന്നാൾ അവധി ദിനങ്ങൾ പ്രഖ്യാപിച്ചു. 2026 മെയ് 25 മുതൽ 29 വരെ പൊതു മേഖലക്കു അവധി ആയിരിക്കും. മാത്രമല്ല പെരുന്നാൾ അവധി തുടങ്ങുന്നതിനു മുൻപുള്ള ശനി, ഞായർ വാരാന്ത്യ അവധിയും പെരുന്നാൾ അവധിക്കു ശേഷമുള്ള വാരാന്ത്യ ദിനങ്ങൾ കൂടി ചേർത്ത് സർക്കാർ സ്ഥാപനങ്ങൾക്ക് 9 ദിവസത്തെ അവധി ആയിരിക്കും.
മേയ് 23 ന് ആരംഭിക്കുന്ന അവധിക്ക് ശേഷം ജൂൺ ഒന്നിനായിരിക്കും വീണ്ടും സർക്കാർ സ്ഥാപനങ്ങൾ തുറന്നു പ്രവർത്തിക്കുക എന്നും ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് അറിയിച്ചു.
ഇതേ ദിവസങ്ങളിൽ രാജ്യത്തെ സ്കൂളുകൾക്കും അവധി ആയിരിക്കും ജൂൺ ഒന്ന് മുതൽ സ്കൂളുകൾ തുറന്നു പ്രവർത്തിക്കും.
- pma
അനുബന്ധ വാര്ത്തകള്
വായിക്കുക: eid-celebrations, ആഘോഷം, നിയമം, പ്രവാസി, മതം, യു.എ.ഇ.





























