ഫേസ് ബുക്കില്‍ പ്രചരിക്കുന്ന ചിത്രം വ്യാജം : സന്തോഷ് പണ്ഡിറ്റ്

October 16th, 2012

fake-photo-of-santhosh-pandit-in-face-book-ePathram
കൊച്ചി : ‘പാവം പണ്ടിറ്റിനിട്ടും പണി’ എന്ന തലക്കെട്ടോടെ സന്തോഷ് പണ്ഡിറ്റിന് മര്‍ദ്ദമേറ്റു എന്നു ഫേസ്ബുക്ക് അടക്കമുള്ള സോഷ്യല്‍ മീഡിയ കളില്‍ പ്രചരിക്കുന്ന ചിത്രം വ്യാജമാണ് എന്ന്‍ സന്തോഷ് പണ്ഡിറ്റ്. അങ്ങനെയൊരു സംഭവം ഉണ്ടായിട്ടില്ല എന്നും താന്‍ പുതിയ ചിത്ര ത്തിന്റെ തിരക്കിലാണെന്നും പണ്ഡിറ്റ് പറഞ്ഞു.

santhosh-pandit-edited-photo-in-face-book-ePathram

‘പാവം പണ്ടിറ്റിനിട്ടും പണി’എന്ന പേരില്‍ പ്രചരിക്കുന്ന ചിത്രം വ്യാജമാണെന്നും ചിത്രം ഫോട്ടോ ഷോപ്പിന്റെ സഹായ ത്തോടെ നിര്‍മ്മിച്ചതാണ് എന്നും തെളിയിക്കുന്ന പോസ്റ്റുകളും ഫേസ് ബുക്കില്‍ പ്രചരിക്കുന്നുണ്ട്.

കഴിഞ്ഞ കുറച്ച് ദിവസ ങ്ങളായി ഫേസ് ബുക്കിലെ ഏറ്റവും സജീവമായ സംവാദങ്ങ ളിലൊന്നായിരുന്ന ഈ ചിത്രവുമായി ബന്ധപ്പെട്ട് നടന്നത്. നേരമ്പോക്കിനായി ഒരുക്കിയ ഫണ്ണി പേജുകളിലും ചില സംഘടന കളുടെ പേരിലുള്ള പേജു കളിലും ഈ ചിത്രം പോസ്റ്റ് ചെയ്തിട്ടുണ്ട്. അതില്‍ നിന്ന് അഞ്ഞൂറോളം പേര്‍ ചിത്രം ഷെയര്‍ ചെയ്തിട്ടുമുണ്ട്.

- pma

വായിക്കുക: ,

അഭിപ്രായം എഴുതുക »

ഇന്റര്‍‌നെറ്റില്‍ ഉസ്താദ് ഹോട്ടല്‍ കാണുന്നതിനു വിലക്ക്

October 16th, 2012

ustad-hotel-epathram

ഇന്റര്‍നെറ്റില്‍ ഉസ്താദ് ഹോട്ടല്‍ എന്ന സിനിമയുടെ വ്യാജ കോപ്പി അനധികൃതമായി അപ്‌ലോഡ് ചെയ്യുന്നതിനും കാണുന്നതിനും കോടതി വിലക്ക്. ഉസ്താദ് ഹോട്ടലിന്റെ വി. സി. ഡി. കഴിഞ്ഞ ദിവസമാണ് പുറത്തിറങ്ങിയത്. പകര്‍പ്പവകാശം സ്വന്തമാക്കിയ എം. ഡി. സജിത്താണ് എറണാകുളം അഡീഷണല്‍ കോടതിയില്‍ നിന്നും ഉത്തരവ് വാങ്ങിയത്. ജോണ്‍‌ഡേ ഓര്‍ഡര്‍ എന്ന ഈ ഉത്തരവിനെ കുറിച്ച് അറിയാതെ ഇന്റര്‍നെറ്റില്‍ നിന്നും അനധികൃതമായി സിനിമ ആസ്വദിക്കുന്നവരുടെ കയ്യില്‍ വിലങ്ങ് വീഴും. ജോണ്‍‌ഡെ എന്ന വ്യക്തി അമേരിക്കയില്‍ ഇത്തരം പൈറസിക്കെതിരെ നേടിയ കോടതി വിധിയെ തുടര്‍ന്നാണ് പിന്നീട് ഇതിനെ ജോണ്‍‌ഡേ ഓര്‍ഡര്‍ എന്ന് അറിയപ്പെടുവാന്‍ തുടങ്ങിയത്. അടുത്തയിടെ ബാച്ചിലര്‍ പാര്‍ട്ടി എന്ന സിനിമയുടെ വ്യാജ പതിപ്പ് ഇന്റര്‍നെറ്റില്‍ അപ്‌ലോഡ് ചെയ്തവരെയും കണ്ടവരെയും ജാദൂ എന്ന സോഫ്‌റ്റ്വെയര്‍ വച്ച്  കണ്ടെത്തിയതും നിയമ നടപടിക്ക് മുതിര്‍ന്നതും വലിയ വാര്‍ത്താ പ്രാധാന്യം നേടിയിരുന്നു.

മമ്മൂട്ടിയുടെ മകന്‍ ദുല്‍ഖര്‍ സല്‍മാനും തിലകനും നിത്യാ മേനോനും അഭിനയിച്ച ഉസ്താദ് ഹോട്ടല്‍ വന്‍ വിജയമായിരുന്നു. അഞ്ജലി മേനോന്‍ ആണ് അന്‍‌വര്‍ റഷീദ് സംവിധാനം ചെയ്ത ചിത്രത്തിന്റെ തിരക്കഥയൊരുക്കിയത്.

- എസ്. കുമാര്‍

വായിക്കുക: ,

അഭിപ്രായം എഴുതുക »

നയന്‍‌താരക്ക് ആന്ധ്ര സര്‍ക്കാറിന്റെ നന്തി അവാര്‍ഡ്

October 14th, 2012

nayan-thara-epathram

ഹൈദരാബാദ്: തെന്നിന്ത്യന്‍ സുന്ദരി നയന്‍‌താരക്ക് 2011ലെ മികച്ച നടിക്കുള്ള ആന്ധ്ര സര്‍ക്കാറിന്റെ നന്തി അവാര്‍ഡ് ലഭിച്ചു. ശ്രീരാമരാജ്യം എന്ന ചിത്രത്തില്‍ നയന്‍സ് ചെയ്ത സീതയുടെ വേഷമാണ് അവാര്‍ഡിന് അര്‍ഹയാക്കിയത്. ശ്രീരാമരാജ്യമാണ് മികച്ച തെലുങ്ക് ചിത്രമായി തിരഞ്ഞെടുക്കപ്പെട്ടിട്ടുള്ളത്. മഹേഷ് ബാബുവാണ് മികച്ച നടൻ. 100% ലൌവ് ആണ് മികച്ച ജനപ്രിയ ചിത്രം. ദുക്കുഡു എന്ന ചിത്രത്തിലെ അഭിനയത്തിന് പ്രകാശ് രാജിന് മികച്ച സഹനടനുള്ള അവാര്‍ഡ് ലഭിച്ചു.

സത്യന്‍ അന്തിക്കാടിന്റെ മനസ്സിനക്കരെ എന്ന ചിത്രത്തിലൂടെ സിനിമയിലേക്ക് വന്ന ഡയാന കുര്യന്‍ എന്ന നയന്‍‌താര  ഗ്ലാമര്‍ പ്രദര്‍ശനത്തിലൂടെ തമിഴിലും തെലുങ്കിലും ഏറേ ശ്രദ്ധിക്കപ്പെട്ടു. ചിമ്പു, പ്രഭുദേവ തുടങ്ങിയ നടന്മാരുമായുള്ള നയന്‍സിന്റെ ബന്ധം ഏറേ വിവാദം സൃഷ്ടിച്ചിരുന്നു. അന്യഭാഷാ ചിത്രങ്ങളില്‍ തിരക്കേറിയതോടെ നയന്‍സ് മലയാള സിനിമകളില്‍ അഭിനയിക്കാറില്ലായിരുന്നു. ഏറേ നാളത്തെ ഇടവേളയ്ക്കു ശേഷം ബോഡിഗാര്‍ഡ് എന്ന ചിത്രത്തില്‍ അഭിനയിച്ചു. സിദ്ദിഖ് സംവിധാനം ചെയ്ത ബോഡിഗാര്‍ഡ് വന്‍ വിജയമായിരുന്നു. ഈ ചിത്രം പിന്നീട് തമിഴിലും ഹിന്ദിയിലും റീമേക്ക് ചെയ്യപ്പെട്ടു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

അബുദാബി അന്താരാഷ്ട്ര ചലച്ചിത്രോത്സവം : മമ്മൂട്ടി അതിഥിയായി എത്തി

October 13th, 2012

mammootty-in-abudhabi-film-fest-2012-ePathram
അബുദാബി : അബുദാബി യിലെ അന്താരാഷ്ട്ര ചലച്ചിത്രോത്സവം ‘അബുദാബി ഫിലിം ഫെസ്റ്റ് 2012 ‘ എമിറേറ്റ് പാലസ് ഹോട്ടലില്‍ ആരംഭിച്ചു. മലയാള ത്തിന്റെ അഭിമാന താരം മമ്മൂട്ടി അടക്കം ലോക ത്തിലെ വിവിധ രാജ്യങ്ങളില്‍ നിന്നുള്ള ചലച്ചിത്ര പ്രതിഭകള്‍ സന്നിഹിതരായ ചടങ്ങില്‍ വെച്ച് യു. എ. ഇ. ഉന്നത വിദ്യാഭ്യാസ ശാസ്ത്ര സാങ്കേതിക വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ ചലച്ചിത്ര മേള ഉദ്ഘാടനം ചെയ്തു.

logo-of-abudhabi-film-fest-2012-ePathram

അര്‍ജന്റീന, അള്‍ജീരിയ,അയര്‍ലന്‍ഡ്, അഫ്ഗാനിസ്ഥാന്‍, ആസ്‌ത്രേലിയ, ഇന്ത്യ, ഇറാന്‍, ഇറ്റലി, ബഹ്‌റൈന്‍, ബല്‍ജിയം, ബ്രസീല്‍, കാനഡ, ചിലി, ചൈന, ക്രൊയേഷ്യ, ഡന്‍മാര്‍ക്ക്, ഈജിപ്ത്, ഫ്രാന്‍സ്, ജോര്‍ജിയ, ജര്‍മനി, ഗ്രീസ്, ജപ്പാന്‍, ജോര്‍ദാന്‍, കെനിയ, കൊസോവ, കുവൈത്ത്, ലബനന്‍, മലേഷ്യ, മൊറോക്കോ, പാകിസ്താന്‍, പലസ്തീന്‍, പോര്‍ച്ചുഗല്‍, ഖത്തര്‍, റഷ്യ, സൗദി അറേബ്യ, സ്ലോവേനിയ, സൗത്ത് കൊറിയ, സ്‌പെയിന്‍, സ്വീഡന്‍, സ്വിറ്റ്‌സര്‍ലന്‍ഡ്, സിറിയ, ടുണീഷ്യ, തുര്‍ക്കി, അമേരിക്ക, ബ്രിട്ടന്‍, യു. എ. ഇ. തുടങ്ങിയ 48 രാജ്യ ങ്ങളില്‍ നിന്നായി 81 ഫീച്ചര്‍ ഫിലിമുകളും 84 ഷോര്‍ട്ട് ഫിലിമുകളുമാണ് 10 ദിവസത്തെ മേളയില്‍ പ്രദര്‍ശിപ്പിക്കുക.

- pma

വായിക്കുക: , , ,

അഭിപ്രായം എഴുതുക »

ശ്വേതാ മേനോന്റെ പ്രസവ രംഗങ്ങള്‍ ലോക്കറില്‍

October 10th, 2012

shweta-menon-baby-epathram

പ്രശസ്ത നടിയും മോഡലുമായ ശ്വേതാ മേനോന്റെ പ്രസവ രംഗങ്ങള്‍ ചിത്രീകരിച്ച ടേപ്പ് അതീവ സുരക്ഷാ സംവിധാനങ്ങള്‍ ഉള്ള ലോക്കറിലേക്ക് മാറ്റി. കഴിഞ്ഞ ആഴ്ചയായിരുന്നു മുംബൈയിലെ ഒരു ആശുപത്രിയില്‍ വെച്ച് നടന്ന ശ്വേതയുടെ പ്രസവം ചിത്രീകരിച്ചത്. ബ്ലസ്സി സംവിധാനം ചെയ്യുന്ന കളിമണ്ണ് എന്ന ചിത്രത്തിലേക്ക് വേണ്ടിയാണ് ഈ രംഗങ്ങള്‍  ക്യാമറയില്‍ പകര്‍ത്തിയത്. പ്രസവ രംഗങ്ങള്‍ ചെന്നൈയില്‍ വച്ച് എഡിറ്റ് ചെയ്തിരുന്നു. ഈ രംഗങ്ങള്‍ പുറത്തു പോകാതിരിക്കുവാനാണ് ഇവ ലോക്കറില്‍ സൂക്ഷിക്കുന്നത്. പ്രസവത്തിനു മുമ്പുള്ള ഏതാനും രംഗങ്ങള്‍ ചിത്രീകരിച്ചിരുന്നു. സിനിമയുടെ ബാക്കി ഭാഗങ്ങളുടെ ചിത്രീകരണം പിന്നീട് നടക്കും. ഇന്ത്യയില്‍ ആദ്യമായാണ് ഒരു നടിയുടെ  യഥാർത്ഥ പ്രസവ രംഗങ്ങള്‍ സിനിമയ്ക്ക് വേണ്ടി ചിത്രീകരിക്കുന്നത്.

- എസ്. കുമാര്‍

വായിക്കുക: ,

അഭിപ്രായം എഴുതുക »

72 of 174« First...1020...717273...8090...Last »

« Previous Page« Previous « കനിഹ വീണ്ടും മോഹന്‍ ലാലിന്റെ നായികയാകുന്നു
Next »Next Page » അബുദാബി അന്താരാഷ്ട്ര ചലച്ചിത്രോത്സവം : മമ്മൂട്ടി അതിഥിയായി എത്തി »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine