അബുദാബി : ഭക്ഷ്യ വിതരണ ശൃംഗല യായ ടേബിള്‍സ് ഫുഡ് കമ്പനി യുമായി സഹകരിച്ചു കൊണ്ട് ദക്ഷിണാഫ്രിക്ക യിലെ പ്രമുഖ റസ്‌റ്റോറന്റ് ശൃംഖല യായ ‘ഗലീറ്റോ’ യുടെ ആദ്യ ത്തെ സംരംഭം അബുദാബി അല്‍ വഹ്ദാ മാളില്‍ യു. എ. ഇ. യിലെ ദക്ഷിണാഫ്രിക്കന്‍ സ്ഥാനപതിയും ലുലു ഗ്രൂപ്പ് മാനേജിംഗ് ഡയറക്ടര്‍ പത്മശ്രീ എം. എ. യൂസഫലി യും ചേര്‍ന്ന് ഉദ്ഘാടനം ചെയ്തു. ടേബിള്‍സ് സി. ഇ. ഒ. ഷഫീനാ യൂസഫലിയും ചടങ്ങില്‍ സംബന്ധിച്ചു.
ഫ്ലെയിം ഗ്രില്‍ഡ് ചിക്കന്‍ എന്ന വിഭവമാണ് ഗലീറ്റോയുടെ പ്രത്യേകത. രുചിയേറിയ ഗലീറ്റോ വിഭവങ്ങള്‍ മിതമായ നിരക്കില്‍ ലഭ്യമാക്കുക എന്നതാണ് ടേബിള്‍സ് ഫുഡ് കമ്പനി ലക്ഷ്യ മിടുന്ന തെന്ന് ഷഫീന യൂസഫലി പറഞ്ഞു.
അബുദാബി യാസ് മാള്‍, മറീനാ മാള്‍, ഡല്‍മാ മാള്‍, റാസല്‍ ഖൈമയിലെ നയീം മാള്‍ എന്നിവിടങ്ങളിലും ഉടന്‍ തന്നെ ഗലീറ്റോ പ്രവര്‍ത്തനം തുടങ്ങും എന്നും അവര്‍ അറിയിച്ചു.
- pma
