എഫ്. എഫ്. സി. റസ്റ്റോറന്‍റ് ശൃംഖലക്ക് യു. എ. ഇ. യിൽ പദ്‌മശ്രീ എം. എ. യൂസഫലി തുടക്കം കുറിച്ചു

June 8th, 2022

ffc-fries-n-flames-chicken-inauguration-ePathram
അബുദാബി : പ്രമുഖ ഫാസ്റ്റ് ഫുഡ് ശൃംഖല ഫ്രൈസ് & ഫ്ലയിംസ് ചിക്കൻ (എഫ്. എഫ്. സി.) റസ്റ്റോറന്‍റ് യു. എ. ഇ. യിലെ ആദ്യ ബ്രാഞ്ച് അബുദാബി മുസഫ ഷാബിയ (10) യിലെ അല്‍ റായ് സ്ട്രീറ്റില്‍ തുടക്കം കുറിച്ചു. ലുലു ഗ്രൂപ്പ് ചെയർമാനും മാനേജിംഗ് ഡയറക്ടറുമായ എം. എ. യൂസഫലി ആദ്യ സംരംഭം ഉദ്‌ഘാടനം ചെയ്തു. പ്രമുഖ ആർ. ജെ. യും നടനും ടെലി വിഷന്‍ അവതാരകനുമായ മിഥുൻ രമേശ് മുഖ്യാതിഥിയായി സംബന്ധിച്ചു.

ma-yousufali-inaugurate-fries-n-flames-chicken-ffc-in-uae-ePathram

ഫ്രൈസ് ആൻഡ് ഫ്ലയിംസ് ചിക്കൻ (യു. എ. ഇ.) ചെയർമാൻ ടി. എ. ഉമർ, സി. എം. നൗഷാദ് (സി. ഇ. ഒ.), മുഹമ്മദ് അറക്കൽ (എം. ഡി.), പി. കെ. സലീം (ഡയറക്ടർ) എന്നിവരും അബുദാബി യിലെ സാമൂഹ്യ സാംസ്‌കാരിക പ്രവർത്തകരും വിവിധ സംഘടനാ ഭാരവാഹികളും മാധ്യമ പ്രവര്‍ത്തകരും ചടങ്ങിൽ സംബന്ധിച്ചു.

fries-n-flames-chicken-ffc-in-uae-opening-ePathram

എം. എ. യൂസഫലി എഫ്. എഫ്. സി. റസ്റ്റോറന്‍റ്
മാനേജ്മെന്‍റ് ടീമിനൊപ്പം

ഗുണമേന്മയോടെ വൈവിധ്യമാർന്ന ഭക്ഷണമാണ് ഇവിടെ മിതമായ നിരക്കിൽ ഒരുക്കിയിട്ടുള്ളത് എന്ന് എഫ്. എഫ്. സി. മാനേജ്‌മെന്‍റ് അറിയിച്ചു. ആരോഗ്യ സംരക്ഷണത്തിന് പ്രവാസികൾ നൽകുന്ന പ്രാധാന്യം വർദ്ധിച്ചു വരുന്നതിനാൽ ഓർഗാനിക് വിഭവങ്ങളും വിവിധ തരം ജ്യൂസുകളും ഫ്രൈസ് ആൻഡ് ഫ്ലയിംസ് ചിക്കൻ റസ്റ്റോറന്‍റില്‍ ഉൾപ്പെടുത്തിയിട്ടുണ്ട്.

തൃശൂർ ജില്ലയിലെ തൃപ്രയാറിൽ എഫ്. എഫ്. സി. യുടെ ആദ്യ ബ്രാഞ്ച് തുടക്കം കുറിച്ചതും പദ്‌മശ്രീ എം. എ. യൂസഫലി തന്നെ ആയിരുന്നു. കേരളത്തിൽ നിലവിൽ 35 ശാഖകൾ പ്രവർത്തിക്കുന്നു. ഇപ്പോൾ ഇന്ത്യക്ക് പുറത്ത് ആദ്യമായി അബുദാബിയിലാണ് പ്രവർത്തനം ആരംഭിക്കുന്നത്. തുടർന്ന് യു. എ. ഇ. യിലെ വിവിധ എമിറേറ്റുകളിലും മറ്റു ജി. സി. സി. രാജ്യങ്ങളിലും ഫ്രൈസ് ആൻഡ് ഫ്ലയിംസ് ചിക്കൻ റസ്റ്റോറന്‍റ് ശാഖകൾ തുറക്കുവാൻ പദ്ധതി ഉണ്ടെന്നും എഫ്. എഫ്. സി. മാനേജ്‌മെന്‍റ് അറിയിച്ചു.

- pma

വായിക്കുക: , , ,

അഭിപ്രായം എഴുതുക »

ലുലുവിന്‍റെ ഓഹരി വിൽപ്പന 2023 ല്‍ : എം. എ. യൂസഫലി

May 4th, 2022

ma-yousufali-epathram
ദുബായ് : ലുലു ഗ്രൂപ്പിന്‍റെ ഓഹരി വില്‍പ്പന 2023 പകുതി യോടെ തുടങ്ങും. ജീവനക്കാര്‍ക്ക് ഗുണകരമായ രീതി യില്‍ ഓഹരി വില്‍പ്പനയുടെ മാനദണ്ഡം ഉണ്ടാക്കും എന്ന് എം. എ. യൂസഫലി. മാത്രമല്ല മലയാളികൾക്കും മുൻ ഗണന നല്‍കും മലയാളികളാണ് തന്നെ വളര്‍ത്തിയത്. ലുലു ഗ്രൂപ്പിലെ ഓഹരികളിൽ 20 ശതമാനം അബുദാബിയുടേതാണ്. 2024 ഡിസംബറില്‍ ലുലു ഹൈപ്പര്‍ മാര്‍ക്കറ്റിന്‍റെ എണ്ണം 300 തികക്കും എന്നും എം. എ. യൂസഫലി കൂട്ടിച്ചേര്‍ത്തു. ദുബായില്‍ മാധ്യമ പ്രവര്‍ത്തകരോട് സംവദിക്കുകയായിരുന്നു അദ്ദേഹം.

തനിക്ക് എതിരെയും ലുലുവിന് എതിരെയും പി. സി. ജോർജ്ജ് നടത്തിയ പരാമർശത്തിന് പരോക്ഷമായി അദ്ദേഹം മറുപടി പറഞ്ഞു. ‘നെഗറ്റീവ് വ്യക്തികളോട് പ്രതികരിക്കുന്നത് എത്രത്തോളം കുറക്കുന്നുവോ അത്രത്തോളം നല്ലത്’ ഇത് ശ്രീബുദ്ധന്‍റെ വാക്കുകളാണ്. മാധ്യമ പ്രവര്‍ത്തകരുടെ ചോദ്യങ്ങള്‍ക്ക് ശ്രീബുദ്ധന്‍റെ വാക്കുകള്‍ മറുപടിയായി നല്‍കി. ഈ വിഷയത്തിൽ കൂടുതൽ പ്രതികരിക്കുന്നില്ല എന്നും എം. എ. യൂസഫലി

എല്ലാ വിഭാഗത്തിലും ഉള്ള ആളുകളും ജോലി ചെയ്യുന്ന സ്ഥാപനമാണ് ലുലു. മലയാളികൾ സാംസ്കാരിക സമ്പന്നരും വിവരം ഉള്ളവരുമാണ്. ആര് എന്ത് പറഞ്ഞാലും എന്ത് വിശ്വസിക്കണം, വിശ്വസിക്കരുത് എന്ന് നമ്മുടെ ആളുകള്‍ക്ക് നന്നായി അറിയാം.

 

- pma

വായിക്കുക: , , , , , , ,

അഭിപ്രായം എഴുതുക »

ആദ്യത്തെ ഒമാന്‍ ദീര്‍ഘ കാല റെസിഡന്‍സ് വിസ എം. എ. യൂസഫലിക്ക്

September 30th, 2021

ma-yousufali-epathram
മസ്‌കത്ത് : വിദേശികളായ നിക്ഷേപകര്‍ക്കു വേണ്ടി ഒമാന്‍ ആദ്യമായി ഏര്‍പ്പെടുത്തിയ ദീര്‍ഘ കാല റെസിഡന്‍സ് വിസാ സംവിധാന ത്തില്‍ ലുലു ഗ്രൂപ്പ് ചെയര്‍ മാനും അബുദാബി ചേംബര്‍ വൈസ് ചെയര്‍ മാനുമായ എം. എ. യൂസഫലിക്ക് അംഗീകാരം.

മസ്‌കറ്റില്‍ നടന്ന ചടങ്ങില്‍ ഒമാന്‍ വാണിജ്യ വ്യവസായ മന്ത്രി ഖൈസ് ബിന്‍ മുഹമ്മദ് അല്‍ യൂസഫില്‍ നിന്ന് ആദ്യത്തെ റെസിഡന്‍സ് വിസ എം. എ. യൂസഫലി ഏറ്റു വാങ്ങി.

യു. എ. ഇ. യുടെ ഗോള്‍ഡന്‍ വിസ, സൗദി അറേബ്യയുടെ പ്രീമിയം റസിഡന്‍സി എന്നിവ യും ഇതിനു മുമ്പ് എം. എ. യൂസഫലിക്ക് ലഭിച്ചിരുന്നു. യു. എ. ഇ. യുടെ ഉന്നത സിവിലിയൻ ബഹുമതിയായ ‘അബുദാബി അവാര്‍ഡ്’ ജേതാവു കൂടിയാണ് അദ്ദേഹം.

കൂടുതല്‍ തൊഴില്‍ അവസരങ്ങള്‍ സൃഷ്ടിക്കുക, തദ്ദേശ ഉല്‍പ്പന്നങ്ങള്‍ക്ക് കൂടുതല്‍ വിപണന സാദ്ധ്യത നല്‍കുക, ഒമാന്റെ സാമ്പത്തിക ഘടനയെ ശക്തി പ്പെടുത്തുക, നിക്ഷേപ ത്തില്‍ ഗുണ പരത ഉറപ്പു വരുത്തുക തുടങ്ങി യവയിലൂടെ നിര്‍ണ്ണായക നീക്കങ്ങള്‍ നടത്തുന്ന മുന്‍നിര നിക്ഷേ പകര്‍ക്കാണ് ഒമാന്‍ ഇത്തര ത്തില്‍ ദീര്‍ഘ കാല റെസിഡന്‍സ് വിസാ പരിഗണന നല്‍കുന്നത്.

എം. എ. യൂസഫലി അടക്കം വിവിധ രാജ്യക്കാരായ 22 പ്രമുഖ പ്രവാസി നിക്ഷേപകര്‍ക്ക് ഒന്നാം ഘട്ട ത്തില്‍ ഒമാന്‍ ദീര്‍ഘ കാല റെസിഡന്‍സ് വിസ നല്‍കി.

- pma

വായിക്കുക: , , , , , , ,

അഭിപ്രായം എഴുതുക »

ലുലു ഗ്രൂപ്പിന്റെ 215-ാമത് ഹൈപ്പർ മാർക്കറ്റ് ഖത്തറിൽ പ്രവർത്തനം ആരംഭിച്ചു

September 30th, 2021

ദോഹ : ലുലു ഗ്രൂപ്പിന്റെ ഏറ്റവും പുതിയ ഹൈപ്പർ മാർക്കറ്റ് ദോഹ അബു സിദ്ര മാളില്‍ തുറന്നു പ്രവർ ത്തനം ആരംഭിച്ചു.

ലുലു ഗ്രൂപ്പ് മേധാവി എം. എ. യൂസഫലി യുടെ സാന്നിദ്ധ്യത്തിൽ വ്യവസായ പ്രമുഖൻ ശൈഖ് ജാസിം മുഹമ്മത് അൽ ഥാനി, ഹുസൈൻ ഇബ്രാഹിം അൽ അൻസാരി, ഖത്തറിലെ ഇന്ത്യൻ സ്ഥാന പതി ദീപക് മിത്തൽ എന്നിവർ ചേർന്ന് ലുലു വിന്റെ ഖത്തറിലെ പതിനഞ്ചാം ഹൈപ്പർ മാർക്കറ്റിന്റെ ഉദ്ഘാടനം നിർവ്വഹിച്ചു. ലുലു ഗ്രൂപ്പിൻ്റെ 215 ആമത്തെ ഹൈപ്പര്‍ മാര്‍ക്കറ്റുമാണ് ഇത്.

250,000 ചതുരശ്രയടി വിസ്തീർണ്ണത്തിൽ പണിത അതി വിശാലമായ ഹൈപ്പർ മാർക്കറ്റിൽ ആധുനിക രൂപ കല്പന യിലുള്ള ന്യൂട്രൽ കളർ ഫിക്സ്ചറുകൾ, നവീന ശൈലി, മികച്ച വെളിച്ച സംവിധാനം തുടങ്ങിയവ സംയോജിപ്പിച്ചാണ് ലുലു സജ്ജമാക്കിയിട്ടുള്ളത്.

അതിവിശാലവും വിപുലവുമായ ഷോപ്പിംഗ് അനുഭവം നൽകാൻ സാധിച്ചതിൽ സന്തോഷം ഉണ്ടെന്ന് എം. എ. യൂസഫലി പറഞ്ഞു. കൊവിഡു വെല്ലു വിളികൾ അതി ജീവിച്ച് ഗൾഫിലെ വ്യാപാര – വാണിജ്യ രംഗ ങ്ങൾ അടക്കം എല്ലാ മേഖലകളിലും പുത്തൻ ഉണർവ്വ് വന്നിട്ടുണ്ട്. ഇത് ഗൾഫ് രാജ്യ ങ്ങളിലെ ഭരണാധി കാരി കളുടെ നേതൃത്വ ത്തിൻ്റെയും വിശാലമായ കാഴ്ച പ്പാടിന്റെയും ഫലമായിട്ടാണ് എന്നും യൂസഫലി പറഞ്ഞു.

ലുലു ഗ്രൂപ്പ് എക്സിക്യൂട്ടീവ് ഡയറക്ടർ എം. എ. അഷ്റഫ് അലി, ലുലു ഗ്രൂപ്പ് ഡയറക്ടർ മുഹമ്മദ് അൽത്താഫ്, ലുലു എക്സ്ചേഞ്ച് സി. ഇ. ഒ. അദീബ് അഹമ്മദ്. ലുലു ഖത്തർ റീജിയണൽ ഡയറക്ടർ എം. ഒ. ഷൈജൻ എന്നിവരും ചടങ്ങിൽ സംബന്ധിച്ചു.

- pma

വായിക്കുക: , , ,

അഭിപ്രായം എഴുതുക »

അബുദാബി ചേംബര്‍ ഡയറക്ടര്‍ ബോര്‍ഡ് : എം. എ. യൂസഫലി വൈസ് ചെയര്‍മാന്‍

July 26th, 2021

sheikh-muhammed-present-abudhabi-award-yusuffali-ePathram
അബുദാബി : പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം. എ. യൂസഫലിയെ അബുദാബി ചേംബര്‍ ഡയറക്ടര്‍ ബോര്‍ഡ് വൈസ് ചെയര്‍മാനായി നിയമിച്ചു. അബുദാബി കിരീട അവകാശിയും യു. എ. ഇ. സായുധ സേനാ ഡെപ്യൂട്ടി സുപ്രീം കമാന്‍ഡറുമായ ശൈഖ് മുഹമ്മദ് ബിൻ സായിദ് അൽ നഹ്യാനാണ് ചേംബർ ഡയറക്ടർ ബോർഡിന്‍റെ പുന: സംഘടന നടത്തി ഉത്തരവ് ഇറക്കിയത്. ചേംബര്‍ ഡയറക്ടർ ബോർഡിലെ ഏക ഇന്ത്യ ക്കാരനാണ് എം. എ. യൂസഫലി. വ്യവസായ രംഗത്തെ 29 പ്രമുഖരെ യാണ് ഡയറക്ടർ ബോർഡിൽ നിയമിച്ചത്.

അബുദാബിയുടെ വാണിജ്യ- വ്യവസായ മേഖലകളില്‍ നല്‍കിയ സംഭാവനകള്‍ക്കും ജീവ കാരുണ്യ രംഗത്ത് നല്‍കുന്ന മികച്ച പിന്തുണക്കും ഉള്ള അംഗീകാരം ആയി യു. എ. ഇ. യുടെ ഉന്നത സിവിലിയന്‍ ബഹു മതിയായ ‘അബുദാബി അവാര്‍ഡ്’ നല്‍കി അബുദാബി സര്‍ക്കാര്‍ യൂസഫലിയെ ആദരിച്ചിരുന്നു. അതിനു തൊട്ടു പിറകെ യാണ് പുതിയ അംഗീകാരം.

വിനയത്തോടെയും അഭിമാനത്തോടെ യുമാണ് അബു ദാബി ചേംബർ ഡയറക്ടർ ബോർഡി ലേക്കുള്ള നിയമന ത്തെ കാണുന്നത് എന്ന് എം. എ. യൂസഫലി പ്രതികരിച്ചു.

ഈ രാജ്യത്തിൻ്റെ ദീർഘ ദർശികളായ ഭരണാധികാരി കളോട് നന്ദി രേഖപ്പെടുത്തുന്നു. തന്നിൽ അർപ്പിതമായ ഉത്തരവാദിത്വം നിറവേറ്റുവാൻ ആത്‌മാർത്ഥമായി പ്രയത്നിക്കും. യു. എ. ഇ. യു ടെയും ഇന്ത്യയുടെയും സാമ്പത്തിക ഉന്നമനത്തിനായി തുടർന്നും പ്രവർത്തിക്കും എന്നും യൂസഫലി കൂട്ടിച്ചേർത്തു.

ലോകത്തെ പ്രമുഖ സാമ്പത്തിക ശക്തിയായ അബുദാബി യുടെ വാണിജ്യ വ്യവസായ രംഗ ത്ത് നിർണ്ണായക സ്വാധീനം ചെലുത്തുന്ന സ്ഥാപനമാണ് ചേംബര്‍ ഓഫ് കോമേഴ്സ്. അബുദാബി എമിറേറ്റിലെ വാണിജ്യ വ്യവസായ സ്ഥാപനങ്ങളും ചേംബറിൽ അംഗ ങ്ങളാണ്. സര്‍ക്കാറിനും വാണിജ്യ സമൂഹ ത്തിനും ഇടയിൽ ചാലക ശക്തി യായി പ്രവർത്തിക്കുകയും ചെയ്യുന്നു.

- pma

വായിക്കുക: , , , , , ,

അഭിപ്രായം എഴുതുക »

1 of 1312310»|

« Previous « ബിസിനസ്സ് തുടങ്ങുവാന്‍ ഫീസില്‍ ഇളവ്
Next Page » ദമാൻ ഹെൽത്ത് ഇൻഷ്വറൻസ് മൊബൈൽ ബ്രാഞ്ച് സേവനം »



  • മെഗാ സ്റ്റേജ് ഷോ ‘ആഘോഷ രാവ്’ ഇസ്‌ലാമിക് സെന്‍ററില്‍
  • ബലി പെരുന്നാള്‍ അവധി പ്രഖ്യാപിച്ചു
  • കമൽ ഹാസന് യു. എ. ഇ. ​ഗോൾഡൻ വിസ
  • ഹൃദ്യമായ സ്വീകരണത്തിന് നന്ദി അറിയിച്ച് ഇന്ത്യൻ പ്രധാനമന്ത്രി
  • ഇന്ത്യൻ ഇസ്ലാമിക്‌ സെന്‍റർ : പി ബാവാ ഹാജി വീണ്ടും പ്രസിഡണ്ട്
  • പയ്യന്നൂർ സൗഹൃദ വേദിക്ക് പുതിയ ഭാരവാഹികൾ
  • മാധ്യമ പ്രവര്‍ത്തകര്‍ക്ക് വി. പി. എസ്. ആരോഗ്യ പ്രിവിലേജ് കാര്‍ഡ്
  • പൊടിക്കാറ്റ് : മുന്നറിയിപ്പുമായി പോലീസ്
  • എല്‍. എല്‍. എച്ച്. ആശുപത്രിയില്‍ മാ ക്ലിനിക്ക് – ലിറ്റിൽ സ്റ്റാർ പീഡിയാട്രിക് ക്ലിനിക്ക് ആരംഭിച്ചു
  • സപ്ലൈകോ ശബരി പ്രീമിയം ചായ ഇനി ഗ​ള്‍ഫി​ലും
  • പ്രധാനമന്ത്രി ജൂണ്‍ 28 ന് യു. എ. ഇ. യില്‍
  • ഇന്ത്യാ സോഷ്യൽ സെന്‍റർ പുതിയ കമ്മിറ്റി
  • ഇന്ദിരാ ഗാന്ധി വീക്ഷണം ഫോറം : പുതിയ ഭാര വാഹികൾ
  • ഐ. എസ്. സി. അജ്മാൻ പുതിയ ഭരണ സമിതി നിലവില്‍ വന്നു
  • തെറ്റായ വിവരങ്ങൾ പ്രസിദ്ധീകരിച്ചാൽ 20 ലക്ഷം ദിർഹം പിഴ
  • കൊവിഡ് കേസുകള്‍ ഉയര്‍ന്നു : ഗ്രീൻ പാസ്സ് കാലാവധി 14 ദിവസമാക്കി
  • സെവൻസ് ഫുട്ബോൾ ടൂർണ്ണമെന്‍റ് : റിവിയേറ ടീം ചാമ്പ്യന്മാര്‍
  • അല്‍ ബദര്‍ : പ്രവാചക സ്നേഹികള്‍ക്ക് പുരസ്കാരം
  • ലുലു ഇന്‍റർ നാഷണൽ എക്സ് ചേഞ്ച് ഷാര്‍ജ അൽ ദൈദിൽ പ്രവർത്തനം ആരംഭിച്ചു
  • ബസ്സ് സ്റ്റോപ്പിൽ മറ്റു വാഹനങ്ങള്‍ പാർക്ക് ചെയ്താല്‍ പിഴ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine