അബുദാബി : പ്രവാസി കള്‍ക്കായി സഹകരണ മേഖല യില്‍ പ്രവാസി ബാങ്ക് രൂപീകരിക്കും എന്നും സൗദി അറേബ്യയിലെ പ്രവാസികളെ ബാധിക്കുന്ന പ്രശ്നങ്ങള്‍ ഒരു മുന്നറിയിപ്പായി കണ്ടു പ്രവാസി പുനരധിവാസ പദ്ധതി കള്‍ക്കുള്ള തയ്യാറെടുപ്പുകള്‍ ആരംഭിച്ചു കഴിഞ്ഞു എന്നും മുഖ്യ മന്ത്രി ഉമ്മന്‍ചാണ്ടി പറഞ്ഞു.
അബുദാബി യില്‍ ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസിന്റെ മൂന്നാമത് ഗ്ലോബല്‍ സമ്മേളനം ഉദ്ഘാടനം ചെയ്യുക യായി രുന്നു മുഖ്യമന്ത്രി.
പ്രവാസി പുനരധിവാസ പദ്ധതി, സംസ്ഥാന സര്‍ക്കാര്‍ കേന്ദ്ര സര്‍ക്കാറിന്റെ ശ്രദ്ധ യില്‍ കൊണ്ടു വന്നിട്ടുണ്ട്. റിസര്‍വ് ബാങ്കിന്റെ അഭിപ്രായവും അംഗീകാരവും ലഭിച്ചാല്‍ പ്രവാസി ബാങ്ക് അധികം വൈകാതെ യാഥാര്‍ത്ഥ്യം ആവുമെന്നും മുഖ്യ മന്ത്രി പറഞ്ഞു.
വിസ തട്ടിപ്പിനിര യായി ജയിലിലും മറ്റുമായി ദുരിതം അനുഭവിക്കുന്ന വരെ കണ്ടെത്താനും സഹായിക്കാനും പ്രവാസി സംഘടന കള്‍ ശ്രമിക്കണം. പല തര ത്തില്‍ വഞ്ചിക്ക പ്പെട്ട് ഗള്‍ഫില്‍ കഴിയുന്നവരെ തിരിച്ചു കൊണ്ടു വരാനും ശ്രമം ഉണ്ടാവും.
കേന്ദ്ര മന്ത്രി കെ. സി. വേണു ഗോപാല്‍, സംസ്ഥാന മന്ത്രി കെ. സി. ജോസഫ്, എ. പി. അനില്‍കുമാര്‍, എം. പി. മാരായ എം. ഐ. ഷാനവാസ്, ആന്റോ ആന്റണി, എം. എല്‍. എ. മാരായ വി. ഡി. സതീശന്‍, പാലോട് രവി, എ. പി. അബ്ദുള്ളക്കുട്ടി, വി. പി. സജീന്ദ്രന്‍, കോണ്‍ഗ്രസ് നേതാക്കളായ എം. എം. ഹസ്സന്‍, എന്‍. സുബ്രഹ്മണ്യന്‍, മാന്നാര്‍ അബ്ദുല്‍ ലത്തീഫ്, പത്മജാ വേണുഗോപാല്‍, ലതികാ സുഭാഷ്, ഘടക കക്ഷി നേതാക്കളായ എം. പി. വീരേന്ദ്ര കുമാര്‍, പി. കെ. കുഞ്ഞാലിക്കുട്ടി, ഗള്‍ഫിലെ കോണ്‍ഗ്രസ് നേതാക്ക ളായ എം. ജി. പുഷ്പാകരന്‍, വൈ. എ. റഹീം, മനോജ് പുഷ്‌കര്‍,ടി. എ. നാസര്‍, കെ. എച്ച്. താഹിര്‍ ലോക രാജ്യ ങ്ങളിലെ സംഘടനാ ഭാരവാഹികള്‍ എന്നിവരെല്ലാം ഒ. ഐ. സി. സി. സമ്മേളന ത്തില്‍ പങ്കെടുത്തു.
- pma
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയ നേതാക്കള്‍, പ്രവാസി, സംഘടന
