ദുബായ് : പ്രശസ്ത പിന്നണി ഗായകന്‍ വി. ടി. മുരളിയെ ദുബായിലെ സംഗീതാസ്വാദകര്‍ ആദരിക്കുന്നു. തേന്‍ തുള്ളി എന്ന സിനിമ യിലെ ‘ഓത്തു പള്ളീലന്നു നമ്മള് പോയിരുന്ന കാലം’ എന്ന ഒരൊറ്റ ഗാന ത്തിലൂടെ മലയാള ചലച്ചിത്ര പിന്നണി ഗാന രംഗത്ത്‌ തന്റെ സ്ഥാനം ഉറപ്പിച്ച വി. ടി. മുരളി, നാടകങ്ങളിലും അനേകം പാട്ടുകള്‍ പാടിയിട്ടുണ്ട്
മെയ് 25 വെള്ളിയാഴ്ച ‘ഓത്തു പള്ളീലന്നു നമ്മള്’ എന്ന പേരില്‍ ദുബായില്‍ നടക്കുന്ന ചടങ്ങിലാണ് ആദരിക്കുക. അതിനായി ചേര്‍ന്ന കൂടിയാലോചനാ യോഗം ഷംസുദ്ദീന്‍ നെല്ലറ ഉദ്ഘാടനംചെയ്തു. ലത്തീഫ് പടന്ന അദ്ധ്യക്ഷത വഹിച്ചു. മംഗലത്ത് മുരളി, സമദ് പയ്യോളി, അസീസ് വടകര, എസ്. പി. മഹമൂദ്, ശുക്കൂര്‍ ഉടുമ്പന്തല, നസീര്‍, റഫീക്ക് മേമുണ്ട എന്നിവര്‍ സംസാരിച്ചു
പരിപാടിയുടെ നടത്തിപ്പിനായി കെ. കെ. മൊയ്തീന്‍ കോയ, ബഷീര്‍ തിക്കോടി, സബാ ജോസഫ്, ജ്യോതികുമാര്‍, നെല്ലറ ഷംസുദ്ദീന്‍, ഷാബു കിളിത്തട്ടില്‍ എന്നിവര്‍ രക്ഷാധികാരികളായി കമ്മിറ്റിയെയും തെരഞ്ഞെടുത്തു.
വിശദ വിവരങ്ങള്‍ക്ക് വിളിക്കുക : സുബൈര്‍ വെളിയോട് 050 25 42 162
- pma
