ദുബായ്: യു. എ. ഇ. യിലെ ഡോക്ടര്‍മാരുടെ സംഘടനയായ അസോസ്സിയേഷന്‍ ഓഫ് കേരള മെഡിക്കല്‍ ഗ്രാജുവേറ്റ്‌സ് (എ. കെ. എം. ജി. ) സംഘടിപ്പിക്കുന്ന കണ്‍വെന്‍ഷന്‍, ഏപ്രില്‍ 30-ന് വെള്ളിയാഴ്ച ദുബായ് അല്‍ നാസര്‍ ലെഷര്‍ ലാന്‍ഡില്‍ നടക്കും.
എ. കെ. എം. ജി. അംഗങ്ങളായ 1000-ത്തോളം ഡോക്ടര്‍മാര്‍ തങ്ങളുടെ കുടുംബത്തോടൊപ്പം ഒത്തു ചേര്‍ന്ന് കലാ പരിപാടികള്‍ അവതരിപ്പിക്കും. പ്രമുഖ ഹൃദ്രോഗ വിദഗ്ദനും, പത്മ വിഭൂഷണ്‍ ജേതാവുമായ ഡോ. എം. എസ്. വല്യത്താന്‍ മുഖ്യാതിഥി ആയിരിക്കും.
ദുബായിലെ ഇന്ത്യന്‍ കോണ്‍സല്‍ ജനറല്‍ സഞ്ജയ് വര്‍മ, സുധേഷ് അഗര്‍വാള്‍ തുടങ്ങിയവര്‍ പങ്കെടുക്കും.
പ്രവാസി ഭാരത് അവാര്‍ഡ് നേടിയ ഡോ. ആസാദ് മൂപ്പനെ യോഗത്തില്‍ ആദരിക്കും.
വിവിധ എമിറേറ്റുകളിലെ അംഗങ്ങളുടെ കലാ പരിപാടികള്‍ അരങ്ങേറും. ഒരു മണിക്ക് രജിസ്ട്രേഷന്‍ ആരംഭിക്കും.
- pma
അനുബന്ധ വാര്‍ത്തകള്‍
വായിക്കുക: വൈദ്യശാസ്ത്രം, സംഘടന
