ദുബായ് : മുസ്ലിം നവോത്ഥാന നായകനും കേരള നിയമ സഭാ സ്പീക്കറു മായിരുന്ന കെ. എം. സീതി സാഹിബിന്റെ ഓര്‍മ്മകള്‍ സമുദായ ത്തിനു എന്നും കരുത്തു പകരുന്നതാണ് എന്ന് പാണക്കാട് മുനവ്വറലി ശിഹാബ് തങ്ങള്‍ പറഞ്ഞു.
കേരളീയ മുസ്ലിം സമൂഹ ത്തിന്റെ വര്‍ത്ത മാനകാല വളര്‍ച്ചക്കും പുരോഗതിക്കും വഴി ഒരുക്കിയത്. സീതി സാഹിബിന്റെ പരിഷ്‌കരണ പ്രവര്‍ത്തന ങ്ങളാ യിരുന്നു. ദീര്‍ഘ വീഷണ ത്തോടെയുള്ള അദ്ദേഹ ത്തിന്റെ പ്രവര്‍ത്തനം സമൂഹത്തിനു എന്നെന്നും പാഠമാണെന്നും കാല ങ്ങളോളം അതിനു പ്രസക്തി യുണ്ടെന്നും തങ്ങള്‍ കൂട്ടിചേര്‍ത്തു.
സീതി സാഹിബ് ഫൗണ്ടേഷന്‍ യു. എ. ഇ. ചാപ്റ്റര്‍ ജനറല്‍ ബോഡി യോഗം ഷാര്‍ജ യില്‍ ഉത്ഘാടനം ചെയ്തു സംസാരിക്കുക യാരുന്നു അദ്ദേഹം.
പ്രസിഡന്റ് സീതി പടിയത്ത് അദ്ധ്യക്ഷത വഹിച്ചു. യു. എ. ഇ. നാഷനല്‍ കമ്മിററി വൈസ് പ്രസിഡന്റ് കെ. എച്ച്. എം. അഷറഫ്, ഷാര്‍ജ കെ. എം. സി. സി.പ്രസിഡന്റ് ഹാഷിം നൂഞ്ഞേരി, ദുബായ് കെ.എം.സി.സി പ്രസിഡന്റ് പി. കെ. അന്‍വര്‍ നഹ വി. പി. അഹമ്മദ് കുട്ടി മദനി, ഖലിദ് പാരപ്പിള്ളി, തയ്യിബ് ചേററുവ, വി. എ. സുലൈമാന്‍ ഹാജി, നജീബ് മാസ്റ്റര്‍ തുടങ്ങിയവര്‍ സംസാരിച്ചു.
ഓര്‍ഗനൈസിംഗ് സെക്രട്ടറി ഇസ്മായില്‍ ഏറാമല പ്രവര്‍ത്തന റിപ്പോര്‍ട്ട് അവതരിപ്പിച്ചു. അഷറഫ് കൊടുങ്ങല്ലുര്‍ സ്വാഗതവും, ഇര്‍ഷാദ് ഓച്ചിറ നന്ദിയും പറഞ്ഞു. മുസ്ലിം യൂത്ത് ലീഗ് സംസ്ഥാന ട്രഷറര്‍ പി. എം. ഹനീഫിന്റെ നിര്യാണ ത്തില്‍ അനുശോചിച്ചു.
- pma
അനുബന്ധ വാര്‍ത്തകള്‍
വായിക്കുക: കെ.എം.സി.സി., പ്രവാസി
