ഗയാതി : അല്ലാഹുവിന്‍റെ അനുഗ്രഹീത മാസമാണ് റമളാന്‍. വിശുദ്ധ ഖുര്‍ആന്‍റെ അവതരണം കൊണ്ട് റമളാന്‍ പവിത്ര മാസങ്ങളില്‍ ഒന്നായി മാറി. നാഥന്‍ നല്‍കിയ അനുഗ്രഹ ങ്ങള്‍ സൃഷ്ടി കള്‍ക്ക് നന്മ ചെയ്യാനുള്ള സുവര്‍ണ്ണാ വസരമാണ്. വിശുദ്ധി യുടെ ദിന രാത്രങ്ങള്‍ സമ്മാനിച്ചു കൊണ്ടാണ് റമളാന്‍ നമ്മിലൂടെ കടന്നു പോകുന്നത്. എത്ര കണ്ട് നന്മ ചെയ്താലും നാഥന്‍ നമുക്ക് നല്‍കിയ അനുഗ്രഹങ്ങള്‍ക്ക് പ്രതിഫലമായി ഒരു അണു പോലും ആവുന്നില്ല എന്ന് സുന്നി യുവജന സംഘം സ്റ്റേറ്റ് സെക്രട്ടറി പേരോട് അബ്ദുല്‍ റഹിമാന്‍ സഖാഫി ഉദ്ബോധിപ്പിച്ചു.
യു. എ. ഇ. പ്രസിഡണ്ട്‌ ശൈഖ് ഖലീഫ ബിന്‍ സായിദ് അല്‍ നഹ്യാന്‍റെ വിശിഷ്ട അതിഥി യായി യു. എ. ഇ. യില്‍ എത്തിയ അദ്ദേഹം ഗയാതി യില്‍ റമളാന്‍ പ്രഭാഷണം നടത്തുക യായിരുന്നു. വിശുദ്ധ ഖുര്‍ആനെ നാം അനുഭവിച്ചറിയുക. ഖുര്‍ആന്‍റെ മാധുര്യവും ഭംഗിയും അനിര്‍വ്വചനീയ മാണ്. അസ്വാദകര്‍ക്ക് ആസ്വാദന വും വിജ്ഞാന ദാഹികള്‍ക്ക് അത്ഭുത വും ഖുര്‍ആനി ലൂടെ ലഭ്യമാണ്. റമളാന്‍ മുഴുവന്‍ പുണ്യവും കരഗത മാക്കുവാന്‍ വിശ്വാസി കള്‍ തയ്യാറാവണം എന്ന് പേരോട് അബ്ദുല്‍ റഹിമാന്‍ സഖാഫി ആഹ്വാനം ചെയ്തു. റമളാന്‍ ഒന്ന് മുതല്‍ യു. എ. ഇ. യുടെ വിവിധ ഭാഗങ്ങളില്‍ സഖാഫിയുടെ റമളാന്‍ പ്രഭാഷണം നടന്നു വരുന്നു. ആയിര ക്കണക്കിന് വിശ്വാസി കളാണ് ഓരോ സദസ്സിലും ശ്രോതാക്കളായി എത്തുന്നത്‌. ജനറല്‍ അതോരിറ്റി ഓഫ് ഇസ്ലാമിക് അഫയേഴ്സിന്‍റെ ആഭിമുഖ്യ ത്തില്‍ അബുദാബി നാഷണല്‍ തിയേറ്ററില്‍ ആഗസ്റ്റ് 27 നു (റമളാന്‍ 17 വെള്ളി ) രാത്രി 10 നു പെരോടിന്‍റെ പ്രത്യേക റമളാന്‍ പ്രഭാഷണ ത്തിനുള്ള ഒരുക്കങ്ങള്‍ പൂര്‍ത്തിയായി വരുന്നുണ്ട്.
അയച്ചു തന്നത് : റഫീഖ് എറിയാട്‌- ഗയാതി (അബുദാബി)
- pma
അനുബന്ധ വാര്‍ത്തകള്‍
വായിക്കുക: മതം
