അബുദാബി : കോഴഞ്ചേരി സെന്റ് തോമസ് കോളേജ് അലൂമ്നെ അബുദാബി ചാപ്റ്ററിന്റെ രജത ജൂബിലി ആഘോഷ ങ്ങള് നവംബര് 28 വെള്ളിയാഴ്ച 6 മണി മുതല് അബുദാബി മുസഫ യിലെ മാര്ത്തോമ്മാ പാരിഷ് ഹാളില് നടക്കുമെന്ന് ഭാരവാഹികള് വാര്ത്താ സമ്മേളന ത്തില് അറിയിച്ചു.
കേളേജിലെ പൂര്വ വിദ്യാര്ഥിയും കേരള കലാമണ്ഡലം വൈസ് ചാന്സലറുമായ പി. എന്. സുരേഷ് മുഖ്യാതിഥി ആയിരിക്കും.
അലൂമ്നെ പ്രസിഡന്റ് വി. ജെ. തോമസ് അദ്ധ്യക്ഷത വഹിക്കും. കേളേജ് പ്രിന്സിപ്പല് ഡോ. റോയ്സ് മല്ലശേരി, മുന് പ്രിന്സി പ്പല്മാരായ പ്രഫ. എന് സാമുവേല് തോമസ്, പ്രഫ. ജോര്ജ് എബ്രഹാം, മാര്ത്തോമ്മാ ഇടവക വികാരി റവ. പ്രകാശ് എബ്രഹാം തുടങ്ങിയവരും പങ്കെടുക്കും.
ജൂബിലിയോട് അനുബന്ധിച്ചു പ്രസിദ്ധീകരിക്കുന്ന സുവനീറിന്റെ പ്രകാശനവും 25 വര്ഷം പൂര്ത്തിയാക്കിയ അലൂമ്നെ അംഗങ്ങളെ പൊന്നാട അണിയിച്ച് ആദരിക്കലും ഉന്നത വിജയം നേടിയ വിദ്യാര്ഥി കളെയും ചടങ്ങില് ആദരിക്കും.
ജുഗല് ബന്ദി, ഫ്യൂഷന് ഡാന്സ്, എന്റെ കലാലയം എന്ന ലഘു ചിത്രീകരണം തുടങ്ങിയ കലാ പരിപാടികളും നടക്കും.
രക്ഷാധികാരി സാംജി മാത്യു, പ്രസിഡന്റ് വി. ജെ. തോമസ്, സെക്രട്ടറി ഷെറിന് ജോര്ജ് തെക്കേമല, മറ്റു ഭാരവാഹികളായ സജി തോമസ്, വിഷ്ണു മോഹന്, ഷിബു തോമസ്, കണ്വീനര്മാരായ ചെറിയാന് വര്ഗീസ്, നിബു സാം ഫിലിപ്പ്, മാത്യു മണലൂര്, ഡെന്നി ജോര്ജ്, സെബി സി. എബ്രഹാം, ജെറിന് കുര്യന് ജോക്കബ്, ബോബി ജേക്കബ് എന്നിവരും വാര്ത്താ സമ്മേളന ത്തില് സംബന്ധിച്ചു.
കഴിഞ്ഞ വര്ഷം ‘സന്തോം ഗ്ലോബല് മീറ്റ് – 2013′ എന്ന പേരില് നടന്ന ആഗോള സംഗമ ത്തില് വെച്ച് തിരുവിതാംകൂര് രാജ കുടുംബം സെന്റ് തോമസ് കോളേജിന് പ്രത്യേക പദവി നല്കി ആദരിച്ചിരുന്നു.
സില്വര് ജൂബിലി ആഘോഷ ങ്ങളില് പങ്കെടുക്കാന് ആഗ്രഹിക്കുന്ന പൂര്വ്വ വിദ്യാര്ഥികള് 050 499 54 62 എന്ന നമ്പറില് ബന്ധപ്പെ ടണം എന്ന് സംഘാടകര് അറിയിച്ചു.
- pma
അനുബന്ധ വാര്ത്തകള്
വായിക്കുക: പൂര്വ വിദ്യാര്ത്ഥി, പ്രവാസി, വിദ്യാഭ്യാസം, സംഘടന
