അബുദാബി : കല അബുദാബി യുടെ സംഗീത വിഭാഗമായ കല മ്യൂസിക് വേവ്‌സ് പ്രശസ്ത ഗായകനും ഏഷ്യാനെറ്റ് റേഡിയോ പ്രോഗ്രാം എക്‌സിക്യൂട്ടീവു മായ രാജീവ് കോടമ്പള്ളി ഉദ്ഘാടനം നിര്‍വഹിച്ചു.
കേരള സോഷ്യല്‍ സെന്‍റില്‍ നടന്ന ചടങ്ങില്‍ കല അബുദാബി പ്രസിഡന്‍റ് സുരേഷ് പയ്യന്നൂര്‍, കേരള സോഷ്യല്‍ സെന്‍റര്‍ പ്രസിഡന്‍റ് എം. യു. വാസു, കല വനിതാ വിഭാഗം സെക്രട്ടറി സായിദാ മെഹബൂബ് എന്നിവര്‍ ആശംസാ പ്രസംഗം ചെയ്തു.
തുടര്‍ന്ന് രാജീവ് കോടമ്പള്ളി യും കല യിലെ ഗായകരും ചേര്‍ന്ന് അവതരിപ്പിച്ച ഗാനമേള അരങ്ങേറി. വിനോദ് പട്ടുവം, വിചിത്ര വീര്യന്‍, ഷീമ മധു, അനില്‍ പിള്ള, രാജ്, ജവാദ്, സന്ധ്യാ ഷാജു, ഷെറീന്‍, അമല്‍ ബഷീര്‍ എന്നിവര്‍ പാട്ടുകള്‍ പാടി.
സുചിത്ര യുടെ മോഹിനിയാട്ടവും ബിജു കിഴക്കനേല, രാകേഷ് മധുക്കോത്ത് എന്നിവര്‍ അവതരിപ്പിച്ച ചിത്രീകരണവും ശ്രദ്ധേയ മായി.
കലാ വിഭാഗം സെക്രട്ടറി കെ. വി. ബഷീര്‍, ജനറല്‍ സെക്രട്ടറി ദിനേശ് ബാബു, ട്രഷറര്‍ അരുണ്‍ നായര്‍ എന്നിവര്‍ നേതൃത്വം നല്‍കി.
- pma
