അബുദാബി : പയ്യന്നൂര്‍ സൗഹൃദ വേദി അബുദാബി യില്‍ സംഘടി പ്പിച്ച ഒന്നാമത് സി. കെ. ബാബുരാജ് സ്മാരക സെവന്‍സ് ഫുട് ബോള്‍ ടൂര്‍ണമെന്റില്‍ ലിന്‍സ മെഡിക്കല്‍സ് മണ്ണാര്‍ക്കാട് ജേതാക്കളായി.
ജി – സെവന്‍ അല്‍ ഐന്‍ രണ്ടാം സ്ഥാനം നേടി. അബുദാബി സായുധ സേനാ ഓഫീസേഴ്‌സ് ക്ലബ്ബ് മൈതാനി യില്‍ നടന്ന ടൂര്‍ണമെന്റില്‍ 24 ടീമുകള്‍ പങ്കെടുത്തു.
വിജയികള്‍ക്ക് 5,000 ദിര്‍ഹം കാഷ് പ്രൈസും ബാബുരാജ് മെമ്മോറിയല്‍ ട്രോഫിയും ഇന്ത്യ സോഷ്യല്‍ സെന്റര്‍ ജനറല്‍ സെക്രട്ടറി എം. അബ്ദുല്‍ സലാം സമ്മാനിച്ചു.
രണ്ടാം സ്ഥാന ക്കാര്‍ക്ക് 2000 ദിര്‍ഹവും ട്രോഫിയും അബുദാബി മലയാളിസമാജം ജനറല്‍ സെക്രട്ടറി സുരേഷ് പയ്യന്നൂര്‍ സമ്മാനിച്ചു.
ടൂര്‍ണമെന്റിലെ മികച്ച കളിക്കാരനുള്ള സമ്മാനം ലിന്‍സയുടെ വിജല്‍ നേടി. മികച്ച ഗോള്‍ കീപ്പറായി ഫ്രാന്‍സിസ്സിനേയും ടോപ്പ് സ്‌കോറര്‍ ആയി സില്‍വര്‍ സ്റ്റാര്‍ അജ്മാന്‍ ടീമിലെ അബു താഹിറി നെയും മികച്ച പ്രോമിസിങ്ങ് പ്ലെയര്‍ ആയി സഹലിനെയും തിരഞ്ഞെടുത്തു.
ടൂര്‍ണമെന്റില്‍ അദ്യത്തെ ഗോളടിച്ച ജംഷീര്‍ ബാബുവിന് പ്രത്യേക സമ്മാനവും നല്‍കി.
- pma
