ദുബായ്: ലോക മരുഭൂമി വല്ക്കരണ വിരുദ്ധ ദിനത്തോട് അനുബന്ധിച്ച് ദുബായ് മുനിസിപാലിറ്റി ഹാളില് നടക്കുന്ന പ്രകൃതി സ്നേഹ സംഗമത്തില് പ്രമുഖ പരിസ്ഥിതി പ്രവര്ത്തകനായ ഫൈസല് ബാവ, മുജീബ് റഹ്മാന് കിനാലൂര് എന്നിവര് പരിസ്ഥിതി വിഷയങ്ങളെ പറ്റി സംസാരിക്കും. ഇ. ഐ. ഇ. എഫ് (Emirates India Environmental Forum) “മരം നടുക ഒരിലയെ തലോടുക” എന്ന ആശയം മുന്നിര്ത്തി ദുബായ് മുനിസിപാലിറ്റിയുമായി ചേര്ന്ന് ജൂണ് 17 വൈകീട്ട് 4:30നു സംഘടിപ്പിക്കുന്ന പരിപാടി യില് ഫോട്ടോ പ്രദര്ശനം, ഡോകുമെന്ററി പ്രദര്ശനം, സ്കൂള് വിദ്യാര്ഥികള്ക്കായി ‘മരമില്ലാത്ത ഭൂമി’ എന്ന വിഷയത്തെ ആസ്പദമാക്കി നടത്തിയ മത്സരത്തില് വരച്ച ചിത്രങ്ങളുടെ പ്രദര്ശനം എന്നിവയും ഉണ്ടായിരിക്കും.
ദുബായ് മുനിസിപാലിറ്റി ഹെഡ് നേഴ്സ് ഹന അമീന് അല് സറൂണി ഉദ്ഘാടനം നിര്വഹിക്കും. ഇന്ത്യന് വൈസ് കൌണ്സിലര് ബി. എന്. തോമസ് മുഖ്യാഥിതി യായിരിക്കും. തുടര്ന്ന് പരിസ്ഥിതി വിഷയങ്ങളെ പറ്റി ഫൈസല് ബാവ, മുജീബ് റഹ്മാന് കിനാലൂര് എന്നിവര് സംസാരിക്കും. പങ്കെടുക്കാന് താല്പര്യമുള്ളവര് ബന്ധപ്പെടുക 050 5720710.
അബുദാബി : നാട്ടിലെ ഉല്സവാന്തരീക്ഷം പുന:സൃഷ്ടിച്ചു കൊണ്ട് ഇനിയുള്ള രണ്ടു നാളുകള് കേരളാ സോഷ്യല് സെന്റര് അങ്കണത്തില് കേരളോത്സവം നടക്കുന്നു.
