ദുബായ് അന്താരാഷ്ട്ര സമാധാന കണ്‍വന്‍ഷന്‍ ഇന്ന് ആരംഭിക്കും. ഇതോടൊപ്പം സാല്‍വേഷന്‍ എക്സിബിഷനും സംഘടിപ്പിച്ചിട്ടുണ്ട്. രണ്ടര ലക്ഷം ചതുരശ്ര അടിയില്‍ ദുബായ് എയര്‍‍‍പോര്‍ട്ട് എക്സ്‍‍പോയില്‍ വച്ചാണ് കണ്‍വന്‍ഷന്‍ നടക്കുന്നത്.
വൈകീട്ട് ആറ് മണിക്ക് നടക്കുന്ന ഉദ്ഘാടന ചടങ്ങില്‍ മക്കയിലെ മസ്ജിദുല്‍ ഹറം ഇമാം ശൈഖ് അബ്ദുറഹ്‍‍മാന്‍ അല്‍ സുദൈസി മുഖ്യാതിഥിയായിരിക്കും. വിവിധ രാജ്യങ്ങളില്‍ നിന്നുള്ള പ്രാസംഗികര്‍ വിവിധ വിഷയങ്ങളില്‍ പ്രഭാഷണം നടത്തും. ദുബായ് സര്‍ക്കാറിന്‍റെ ഇസ്ലാമിക്ക് അഫയേഴ്സിന്‍റെ മുഖ്യപങ്കാളിത്തത്തോടെ ദുബായ് അല്‍ മനാര്‍ ഖുര്‍ ആന്‍ സ്റ്റഡി സെന്‍ററാണ് പരിപാടി സംഘടിപ്പിക്കുന്നത്.
ടെലിഫോണ്‍ നയത്തില്‍ മാറ്റം വരുത്തിയതോടെ ഇനി യു.എ.ഇ. യിലെ പ്രവാസികള്‍ക്ക്‌ നാട്ടിലേക്ക്‌ ഇന്റര്‍നെറ്റ്‌ വഴി ഫോണ്‍ ചെയ്യാന്‍ അവസരം ഒരുങ്ങുന്നു എന്ന പ്രതീക്ഷ പൂര്‍ണ്ണമായി നടപ്പിലാവാന്‍ വഴിയില്ല. ഇന്റര്‍നെറ്റ്‌ വഴി നാട്ടിലേക്ക്‌ വിളിക്കാന്‍ ഉപയോഗിക്കുന്ന വോയ്പ്‌ (VOIP – Voice Over Internet Protocol) പ്രോഗ്രാമുകളില്‍ ഒന്നും തന്നെ ഇനിയും യു.എ.ഇ. യില്‍ നിയമ വിധേയമായി ഉപയോഗിക്കാന്‍ ആവില്ല. ഇത്തരം പ്രോഗ്രാമുകളില്‍ ഏറ്റവും ജനപ്രിയമായ സ്കൈപ്പ് ഉള്‍പ്പെടെ ഒരു കമ്പനിക്കും യു.എ.ഇ. യില്‍ തങ്ങളുടെ സേവനം ലഭ്യമാക്കാന്‍ ഉള്ള ലൈസന്‍സ്‌ അധികൃതര്‍ നല്‍കിയിട്ടില്ല. 
