അബുദാബി : സംസ്ഥാന കെ. എം. സി. സി. കായിക വിഭാഗം ഇന്ത്യാ കബഡി ഫെഡറേഷനുമായി സഹകരിച്ചു സംഘടിപ്പിക്കുന്ന കബഡി ടൂർണ്ണമെൻറ് 2024 ഡിസംബർ 15 ഞായറാഴ്ച ഇന്ത്യൻ ഇസ്ലാമിക് സെൻറർ അങ്കണത്തിൽ നടക്കും. യു. എ. ഇ. യിലെ പ്രഗത്ഭരായ 8 ജില്ലാ ടീമുകൾ കളത്തിലിറങ്ങും.
അഖിലേന്ത്യാ തലത്തിലുള്ള ടൂർണ്ണ മെൻറിൽ ഇന്ത്യൻ പ്രൊ-ലീഗ് പ്ലേയേഴ്സ് അടക്കമുള്ള കളിക്കാർ ഓരോ ടീമിന് വേണ്ടിയും ജഴ്സി അണിയും. ടൂർണ്ണ മെന്റിലെ ആദ്യ നാല് സ്ഥാനക്കാർക്ക് ആകർഷകമായ ക്യാഷ് പ്രൈസും ട്രോഫിയുമാണ് സമ്മാനം.
യു. എ. ഇ. കെ. എം. സി. സി. വർക്കിംഗ് പ്രസിഡണ്ട് യു. അബ്ദുല്ല ഫാറൂഖി കബഡി ടൂർണ്ണമെൻറ് പോസ്റ്റർ റിലീസ് ചെയ്തു. ഇന്ത്യൻ ഇസ്ലാമിക് സെന്റർ വൈസ് പ്രസിഡണ്ട് വി. പി. കെ. അബ്ദുള്ള, അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്ങൽ, സംസ്ഥാന- ജില്ലാ ഭാര വാഹികളും ഇസ്ലാമിക് സെന്റർ ഭാരവാഹികളും സംബന്ധിച്ചു.
