അല്‍ഐന്‍ : വേള്‍ഡ് മലയാളി കൗണ്‍സില്‍ അല്‍ ഐന്‍ പ്രോവിന്‍സി ന്റെ അഞ്ചാമത് കുടുംബ സംഗമം നടി കാവ്യാ മാധവന്‍ ഉദ്ഘാടനംചെയ്തു.
അല്‍ ഐന്‍ റൊട്ടാന ഹോട്ടല്‍ ബാള്‍റൂമില്‍ നടന്ന പരിപാടി യില്‍ കൌണ്‍സില്‍ പ്രസിഡന്റ് വര്‍ഗീസ് പനയ്ക്കല്‍ അദ്ധ്യക്ഷത വഹിച്ചു.
ചെയര്‍മാന്‍ ഡോ. കെ. സുധാകരന്‍, ഗ്ലോബല്‍ ചെയര്‍മാന്‍ ഐസക് പട്ടാണി പ്പറമ്പില്‍, രാമചന്ദ്രന്‍ പേരാമ്പ്ര, ശാന്താ പോള്‍, സി. യു. മത്തായി എന്നിവര്‍ സംബന്ധിച്ചു.
പ്രവാസി ഭാരതീയ സമ്മാന്‍ ജേതാവ് അഷ്‌റഫ് താമര ശ്ശേരിയെയും പൊതു പ്രവര്‍ത്തകരായ ജാനറ്റ് വര്‍ഗീസ്, ടി. വി. എന്‍. കുട്ടി (ജിമ്മി), ജോണി മലയില്‍, ഡോ. മുഹമ്മദ് അന്‍സാരി എന്നിവരെയും ചടങ്ങില്‍ ആദരിച്ചു. ടെലിവിഷന്‍ താരങ്ങളായ വിനോദ് കോവൂരും സുരഭിയും വേഷമിട്ട നാടകം ഉള്‍പ്പെടെയുള്ള കലാ പരിപാടി കളും അരങ്ങേറി.
