 |
 |
 |
 |
 |
 |
 |
 |
 |
 |
 |
 |
 |
 |
ഷാര്‍ജ : ഷാര്‍ജ ഇന്ത്യന്‍ അസോസിയേഷന്റെ പുതിയ ഭാരവാഹികള്‍ ചുമതലയേറ്റു. ലേബര്‍ കൊണ്സല്‍ ഫ്രാന്‍സിസ്‌ കാക്ക ചൊല്ലിക്കൊടുത്ത സത്യവാചകം ഏറ്റു ചൊല്ലി പ്രസിഡണ്ടായി കെ. ബാലകൃഷ്ണന്‍, ജനറല്‍ സെക്രട്ടറിയായി നിസാര്‍ തളങ്കര, ട്രഷററായി പി. പി. ദിലീപ്‌ എന്നിവരും, മറ്റു ഭാരവാഹികളും, മാനേജിംഗ് കമ്മിറ്റി അംഗങ്ങളും സ്ഥാനമേറ്റു.
ഫോട്ടോ : കെ. വി. എ. ഷുക്കൂര്‍
-
വായിക്കുക: സംഘടന
അബുദാബി : പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി കളുടെ സംഘടനയുടെ യു. എ. ഇ. ചാപ്റ്റര്‍ വാര്‍ഷിക കുടുംബ സംഗമം “നൊസ്റ്റാള്‍ജിയ 2010” അബുദാബി ഇന്ത്യന്‍ സോഷ്യല്‍ ആന്‍ഡ്‌ കള്‍ച്ചറല്‍ സെന്ററില്‍ നടന്നു. മാതൃ സംഘടനയുടെ പ്രസിഡണ്ടും പ്രശസ്ത സിനിമാ നിര്‍മ്മാതാവും അഭിനേതാവുമായ പ്രകാശ്‌ ബാരെ മുഖ്യ അതിഥിയായിരുന്നു.
പ്രകാശ്‌ ബാരെ
സംഗമത്തോടനുബന്ധിച്ചു നടന്ന ജനറല്‍ ബോഡി യോഗത്തില്‍ പ്രകാശ്‌ ബാരെ മുഖ്യ പ്രഭാഷണം നടത്തി. മതങ്ങളുടെ പേരില്‍ അങ്കം വെട്ടാനൊരുങ്ങുന്ന സാമൂഹിക അന്തരീക്ഷത്തിലും നമ്മുടെ ഉള്ളില്‍ നിറഞ്ഞു നില്‍ക്കുന്ന സംസ്ക്കാരത്തിന്റെ പൊതു ധാര യുടെ നേര്‍ക്ക്‌ വെളിച്ചം വീശുന്ന “സൂഫി പറഞ്ഞ കഥ” എന്ന ഏറെ കാലിക പ്രാധാന്യമുള്ള സിനിമ നിര്‍മ്മിച്ചതിലൂടെ മലയാള സിനിമ പ്രതിസന്ധിയില്‍ ആയതിനാലാണ് നല്ല സിനിമകള്‍ പിറക്കാത്തത് എന്ന് വിലപിക്കുന്നവര്‍ക്ക്‌ വെല്ലുവിളി ഉയര്‍ത്തിയ പ്രകാശ്‌ ബാരെ തന്റെ കലാലയ ജീവിതത്തിലെ അനുഭവങ്ങള്‍ സദസ്സുമായി പങ്കു വെച്ചു.
രാവിലെ പത്ത് മണിക്ക് ആശാ സോണി, റീജ രമേഷ്, സപ്ന ബാബു എന്നിവര്‍ അവതരിപ്പിച്ച രംഗ പൂജയോടെയാണ് പരിപാടികള്‍ ആരംഭിച്ചത്‌. സ്മൃതി സോണി, ശില്പ നീലകണ്ഠന്‍, ആഖീല ഷെരീഫ്‌, സാന്ദ്ര മധു, ഐശ്വര്യാ രാമരാജ്, റാനിയ ആസാദ്‌ മേഖ മനോജ്‌ എന്നിവര്‍ ഓംകാരം എന്ന നാടോടി നൃത്തം അവതരിപ്പിച്ചു. ബിന്ദുവും സംഘവും ‘ഡാന്‍സസ് ഓഫ് ഇന്ത്യ’ എന്ന സംഘ നൃത്തവും, ശ്രീ ലക്ഷ്മി രമേഷ്, സ്നിഗ്ദ്ധ മനോജ്‌, നവമി ബാബു, രേവതി രവി, നുഴ നദീം, എമ പുന്നൂസ്‌, നന്ദിനി അജോയ്, നിഹാല ആസാദ്‌ എന്നിവര്‍ ‘മുകുന്ദാ മുകുന്ദാ’ എന്ന അര്‍ദ്ധ ശാസ്ത്രീയ നൃത്തവും അവന്തിക മുരളി, ഹൃതിക മുരളി, സ്നിഗ്ദ്ധ മനോജ്‌, ശ്രേയ നീലകണ്ഠന്‍, അബിയ അബ്ദുല്‍ വഹാബ്, ലഖിയ ഷെരീഫ്‌, ഗോപിക രവി, അമന്‍ അബ്ദുല്‍ വഹാബ്, ഗൌതം അജോയ്, മാത്യു പുന്നൂസ്‌, ജിതിന്‍ കൃഷ്ണ, ജെയ്ജിത് കൃഷ്ണ എന്നിവര്‍ സിനിമാറ്റിക് ഡാന്‍സ്‌ എന്നിവ അവതരിപ്പിച്ചു.
മോഹിനിയാട്ടം - ബിന്ദു മോഹന്‍, സപ്ന അനുരൂപ്
കുഞ്ഞബ്ദുള്ള, ആസാദ്‌, വില്‍ഫി, മുതലിഫ്‌, ഹസീന്‍, സന്ദീപ്‌, അനീഷ്‌, ഗഫൂര്‍, സജിത് കുമാര്‍, സുനില്‍ കുമാര്‍ എന്നിവര്‍ കോല്‍ക്കളി, ഷീജ ജയപ്രകാശ്‌, രംഗനായകി ആനന്ദ്‌, വിദ്യ ദിനേഷ്, ചിത്ര രാജേഷ്‌, പ്രിയ ജയദീപ്, രേഖ സുരേഷ്, ദേവിക സന്തോഷ്‌, പ്രീത രാജീവ്‌, സപ്ന അനുരൂപ്, ബിന്ദു മോഹന്‍ എന്നിവര്‍ തിരുവാതിരക്കളി, ശാലിന്‍ ഷേര്‍ഷ, ഷെറിന്‍ ഷേര്‍ഷ, ഐശ്വര്യാ കിഷോര്‍, ശ്രുതി സുരേഷ്, കാതറിന്‍ ആന്റോ, നിതിന്‍ പ്രമോദ്‌, അനിത് മധു, പ്രണവ്‌ രാജീവ്‌, സിദ്ധാര്‍ഥ് ജയപ്രകാശ്‌, ശ്രീകാന്ത്‌ മോഹന്‍ എന്നിവര്‍ സിനിമാറ്റിക് ഡാന്‍സ്‌ എന്നിവ രാവിലത്തെ സെഷനില്‍ അവതരിപ്പിച്ചു.
തുടര്‍ന്ന് നടന്ന ജനറല്‍ ബോഡി യോഗത്തിന് ശേഷം കാര്‍ത്തിക്‌ സുബോധ്, ഐശ്വര്യാ രാമരാജ്, നിക്ക് സാജു, ശില്പ നീലകണ്ഠന്‍, ഹേസല്‍ ജോര്‍ജ്‌, ദിയ സന്തോഷ്‌, സിന്ധു രവി, മേഘന, ബാബു എന്നിവര്‍ ഗാനങ്ങള്‍ ആലപിച്ചു. സിന്ധു രവി, ജ്യോതി, രശ്മി, ഷമീന, ബൈജു, സതീഷ്‌ എന്നിവര്‍ ചേര്‍ന്ന് സംഘഗാനം ആലപിച്ചു.
ഓസ്കാര്‍ നേടിയതിലൂടെ ഇന്ത്യയുടെ യശസ്സ് വാനോളം ഉയര്‍ത്തിയ നമ്മുടെ കാലഘട്ടത്തിലെ അതുല്യ സംഗീത മാന്ത്രികന്‍ എ. ആര്‍. റഹ്മാന്‍ 1993 ല്‍ ബോംബെ എന്ന സിനിമയ്ക്ക് വേണ്ടി രൂപപ്പെടുത്തിയ “ബോംബെ തീം” എന്ന ഇന്സ്ട്രുമെന്ടല്‍ ഓര്‍ക്കെസ്ട്ര പീസ്‌ അവതരിപ്പിച്ചു പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജിലെ പൂര്‍വ വിദ്യാര്‍ത്ഥികളുടെ സംഗീത കൂട്ടായ്മ യു.എ.ഇ. യിലെ സംഗീത പ്രേമികള്‍ക്ക്‌ മറ്റൊരു അപൂര്‍വ സംഗീത വിരുന്നിനു വേദിയൊരുക്കി. അന്താരാഷ്‌ട്ര പ്രശസ്തി നേടിയ ഈ തീം നിരവധി പ്രശസ്ത സംഗീത ട്രൂപ്പുകള്‍ തങ്ങളുടെ ആല്‍ബങ്ങളില്‍ ഉള്‍പ്പെടുത്തി റഹ്മാനെ ആദരിക്കുകയുണ്ടായി.
ഇന്ത്യന്‍ സിനിമയിലെ ഒരു വഴിത്തിരിവായ മൂന്നാം പിറ എന്ന സിനിമയിലെ പ്രശസ്തമായ “കണ്ണൈ കലൈമാനേ” എന്ന അതീവ ചാരുതയാര്‍ന്ന താരാട്ട് പാട്ട്, 1995ല്‍ ഇറങ്ങിയ ഏറെ ജനപ്രിയമായ “ബര്‍സാത്” എന്ന സിനിമയിലെ “ഹംകോ സിര്‍ഫ് തുംസെ പ്യാര്‍ ഹൈ” എന്ന ഹിറ്റ്‌ ഹിന്ദി ഗാനം എന്നിവയും ഇവര്‍ അവതരിപ്പിച്ചു.
വയലിനില്‍ സപ്ന അനുരൂപ്, ലീഡ്‌ ഗിറ്റാര്‍ – സന്തോഷ്‌ കുമാര്‍, ഡ്രംസ് – രഞ്ജിത്ത്, ഓടക്കുഴല്‍ – ജിഷി സാമുവല്‍, കീബോര്‍ഡ്‌ – ആനന്ദ്‌ പ്രീത്‌ എന്നിവരാണ് സംഘത്തില്‍ ഉള്ളത്. ഓര്‍ക്കസ്ട്രേഷന്‍ ഒരുക്കിയ യു.എ.ഇ. യിലെ പ്രമുഖ സംഗീത അദ്ധ്യാപകന്‍ ശ്രീ വിനീത് കുമാര്‍ പ്രത്യേക അഭ്യര്‍ത്ഥന സ്വീകരിച്ചു കീബോര്‍ഡ്‌ ലീഡ്‌ ചെയ്തു.
ജനറല്‍ ബോഡി യോഗത്തില്‍ പുതിയ ഭാരവാഹികളെ തെരഞ്ഞെടുത്തു. പ്രസിഡണ്ട് രാജീവ്‌ ടി. പി., വൈസ്‌ പ്രസിഡണ്ട് വില്‍ഫി ടി. സാബു, സെക്രട്ടറി ദിപുകുമാര്‍ പി. ശശിധരന്‍, ജോയന്റ് സെക്രട്ടറി സന്ദീപ്‌ കെ. എസ്., ട്രഷറര്‍ വിനോദ് എം. പി., സ്പോര്‍ട്ട്സ് സെക്രട്ടറി മനു രവീന്ദ്രന്‍, ആര്‍ട്ട്സ് സെക്രട്ടറി ഷമീന, വനിതാ പ്രതിനിധിമാരായി സിന്ധു രവി, അരുണ എന്നിവരാണ് പുതിയ ഭാരവാഹികള്‍.
എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി സംഘടനയുടെ യു. എ. ഇ. ചാപ്റ്റര്‍ പ്രസിഡണ്ട് കാളിദാസ് അദ്ധ്യക്ഷനായിരുന്നു. വൈസ്‌ പ്രസിഡണ്ട് ശ്രീജിത്ത് സ്വാഗതം പറഞ്ഞു. ജനറല്‍ സെക്രട്ടറി രമേഷ് വാര്‍ഷിക റിപ്പോര്‍ട്ട് അവതരിപ്പിച്ചു.
പരിപാടിയുടെ ടൈറ്റില്‍ സ്പോണ്സര്‍ ബാംഗ്ലൂരിലെ ഡയമണ്ട് ബില്‍ഡേഴ്സിന്റെ യു.എ.ഇ. സെയില്‍സ്‌ മാനേജര്‍ ഷീല വേണുഗോപാല്‍, മുഖ്യ സ്പോണ്സര്‍ മത്താര്‍ എന്‍ജിനീയറിംഗ് കണ്‍സ്ട്രക്ഷന്‍ മാനേജിംഗ് ഡയറക്ടര്‍ മോഹന്‍ വി. ജി. എന്നിവര്‍ സംസാരിച്ചു.
–
- pma
വായിക്കുക: പൂര്‍വ വിദ്യാര്‍ത്ഥി, സംഗീതം, സംഘടന
ദുബായ്: ദുബായിലെ ചാവക്കാട് നിവാസികളായ പുരോഗമന ജനാധിപത്യ വിശ്വാസി കളുടെ കൂട്ടായ്മ
‘പ്രോഗ്രസീവ്‌ ചാവക്കാട്’ ജനറല്‍ ബോഡി യോഗം ചേരുന്നു. ഡിസംബര്‍ 3 വെള്ളിയാഴ്ച ഉച്ചക്ക്‌ 2 മണിക്ക് ദേര മലബാര്‍ റസ്റ്റോറണ്ടില്‍ നടക്കുന്ന പരിപാടിയില്‍ ഗുരുവായൂര്‍ എം. എല്‍. എ. കെ. വി. അബ്ദുല്‍ ഖാദര്‍ മുഖ്യാതിഥിയായി പങ്കെടുക്കും. സംഘടനയുടെ ലോഗോ പ്രകാശനം എം. എല്‍. എ. നിര്‍വ്വഹിക്കും എന്നും ഭാരവാഹികള്‍ അറിയിച്ചു. വിവരങ്ങള്‍ക്ക് വിളിക്കുക: 050 544 72 69 – 050 49 40 471
- pma
ദുബായ്: ഗുരുവായൂര്‍ എന്‍. ആര്‍. ഐ. ഫോറം 2010 ലെ അവാര്‍ഡുകള്‍ പ്രഖ്യാപിച്ചു. എലൈറ്റ് അബൂബക്കര്‍ ഹാജി മെമ്മോറിയല്‍ ‘പ്രവാസി അവാര്‍ഡ്’ ഗുരുവായൂര്‍ എം. എല്‍. എ. കെ. വി. അബ്ദുല്‍ ഖാദറിനും വ്യാപാര വ്യവസായ രംഗത്തെ പ്രത്യേക പുരസ്കാരം ഫ്‌ളോറ ഗ്രൂപ്പ് സി. ഇ. ഒ. വി. എ. ഹസ്സനും സംഗീത ലോകത്ത് 60 വര്‍ഷം പൂര്‍ത്തി യാക്കിയ വി. എം. കുട്ടിക്കും കലാ രംഗത്തെ സംഭാവന ക്കുള്ള പ്രത്യേക പുരസ്കാരം മനാഫ് മാസ്റ്റര്‍ക്കും സമ്മാനിക്കും. ഡിസംബര്‍ 2 ന് ശൈഖ് റാഷിദ് ഓഡിറ്റോറിയ ത്തില്‍ സംഘടിപ്പിക്കുന്ന യു. എ. ഇ. ദേശീയ ദിനാഘോഷ പരിപാടി ‘സല്യൂട്ട് യു. എ. ഇ.’ യില്‍ വെച്ച് അവാര്‍ഡുകള്‍ വിതരണം ചെയ്യുമെന്ന് ഭാരവാഹികള്‍ അറിയിച്ചു.
- pma
ദുബായ് : ദല യുവജനോത്സവം ഡിസംബര്‍ രണ്ട്, മൂന്ന് തിയ്യതി കളില്‍ ദുബായ് ഗള്‍ഫ് മോഡല്‍ സ്കൂളില്‍ വെച്ച് നടക്കും. യു. എ. ഇ. യിലെ എഴുപതോളം സ്കൂളുകളില്‍ നിന്നായി മൂവ്വായിര ത്തോളം കുട്ടികള്‍ പങ്കെടുക്കുന്ന ഗള്‍ഫിലെ ഏറ്റവും വലിയ കലാമേള യാണു ദല യുവജനോത്സവം.
സംഗിതം, നൃത്തം, സാഹിത്യം എന്നി വിഭാഗങ്ങളില്‍ 96 വ്യക്തി ഗത – ഗ്രൂപ്പ് ഇനങ്ങളി ലായി രണ്ട് മുഖ്യ വേദികളും ഒമ്പത് ഉപവേദി കളിലുമായി വ്യാഴം, വെള്ളി ദിവസങ്ങളി ലായിട്ടാണു മല്‍സരങ്ങള്‍ നടക്കുക. കലാതിലകം, കലാപ്രതിഭ, ഓവറോള്‍ ടോഫിക്കു വേണ്ടിയുള്ള ശക്തമായ മത്സരങ്ങളാണ് ഇക്കുറിയും ഉണ്ടാവുക. കൂടുതല്‍ വിവരങ്ങള്‍ക്ക്: 04 27 25 878
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
