 |
 |
 |
 |
 |
 |
 |
 |
 |
 |
 |
 |
 |
 |
പ്രിയദര്‍ശിനി ആര്‍ട്സ്‌ ആന്‍ഡ്‌ സോഷ്യല്‍ സെന്റര്‍ ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടത്തിയ പി. എം. മസൂദ്‌ – എം. കെ. മാധവന്‍ സ്മാരക വിദ്യാഭ്യാസ മികവ് പുരസ്കാര ദാന ചടങ്ങില്‍ പ്രൊഫ. കെ. എന്‍. എന്‍. പിള്ള പ്രസംഗിക്കുന്നു. കെ. ബാലകൃഷ്ണന്‍, പ്രൊഫ. രാധാകൃഷ്ണന്‍ നായര്‍, കരീം ടി. അബ്ദുള്ള തുടങ്ങിയവര്‍ വേദിയില്‍.
(മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ വലുതായി കാണാം)
- ജെ.എസ്.
വായിക്കുക: ബഹുമതി, വിദ്യാഭ്യാസം, സംഘടന
അബുദാബി : മലയാളി സമാജം കലാ വിഭാഗം സംഘടിപ്പി ക്കുന്ന ഹ്രസ്വ സിനിമ കളുടെ മല്‍സര ത്തിലേക്കുള്ള സൃഷ്ടികള്‍ സ്വീകരിക്കുന്ന തിന്‍റെ കാലാവധി ജൂലായ് 10 വരെ നീട്ടിയിരിക്കുന്നു എന്ന് കലാ വിഭാഗം സിക്രട്ടറി അറിയിച്ചു. ഏറ്റവും നല്ല ചിത്രം, മികച്ച രണ്ടാമത്തെ ചിത്രം, മികച്ച സംവിധായകന്‍, മികച്ച നടന്‍, മികച്ച നടി, ഛായാഗ്രഹണം, ശബ്ദമിശ്രണം, മികച്ച വിഷയം എന്നീ വിഭാഗ ങ്ങളിലാണ് മത്സരം.
മത്സരവു മായി ബന്ധപ്പെട്ട നിബന്ധനകള്‍:
1. സിനിമ മുഴുവനായും യു. എ. ഇ. യില്‍ ചിത്രീകരിച്ചത് ആയിരിക്കണം.
2. അഭിനേതാക്കളും സാങ്കേതിക വിദഗ്‌ദരും യു. എ. ഇ. വിസ ഉള്ളവരും ആയിരിക്കണം.
3. ഓരോ സിനിമ കളുടെയും ദൈര്‍ഘ്യം പരമാവധി 10 മിനിറ്റ് ആയിരിക്കും.
4. സൃഷ്ടികള്‍ 2010 ജൂലായ് 10 ന് അബുദാബി മലയാളി സമാജ ത്തില്‍ ലഭിച്ചിരിക്കണം.
നാട്ടില്‍ നിന്നുള്ള പ്രഗത്ഭരായ കലാ കാരന്മാര്‍ അടങ്ങുന്ന ജൂറിയായിരിക്കും വിധി നിര്‍ണ്ണയിക്കുക. കൂടുതല്‍ വിവരങ്ങള്ക്ക് ബിജു കിഴക്കനേല യുമായി 055 452 60 50, 056 617 53 78 എന്നീ നമ്പരുകളില്‍ ബന്ധപ്പെടണം.
.
- pma
വായിക്കുക: കല, മലയാളി സമാജം, സംഘടന
ഡിബ്ബ : ഡിബ്ബയിലെ കലാ സാംസ്കാരിക രംഗത്ത്‌ സജീവമായ മലയാളി കൂട്ടായ്മയായ കൈരളി സാംസ്കാരിക വേദിയുടെ മൂന്നാം വാര്‍ഷിക ജനറല്‍ ബോഡി ജൂലായ് 2 വെള്ളിയാഴ്ച വൈകീട്ട് 5 മണിക്ക് ഡിബ്ബ മോഡേണ്‍ ഇന്ത്യന്‍ സ്കൂളില്‍ നടക്കും. കൈരളി സാംസ്കാരിക വേദിയുടെ സെന്‍ട്രല്‍ കമ്മിറ്റി സെക്രട്ടറി സേതുമാധവന്‍, പ്രശസ്ത എഴുത്തുകാരന്‍ സത്യന്‍ മാടാക്കര എന്നിവര്‍ മുഖ്യ അതിഥി കളായി പങ്കെടുക്കും. എല്ലാ മെമ്പര്‍മാരും കൃത്യ സമയത്ത് എത്തി ച്ചേരണം എന്ന് ഭാരവാഹികള്‍ അറിയിച്ചു. വിവരങ്ങള്ക്ക് വിളിക്കുക: 050 670 95 67
- pma
വായിക്കുക: സംഘടന
ദുബായ് : ലോക മലയാളി കൌണ്‍സില്‍ ദുബായ് പ്രവിശ്യയുടെ ഏഴാമത് വാര്‍ഷിക ആഘോഷങ്ങളും കുടുംബ സംഗമവും ദുബായില്‍ നടന്നു. ജൂണ്‍ 25ന് ദുബായ് ദൈറയിലെ മാര്‍ക്കോ പോളോ ഹോട്ടലില്‍ വെച്ച് നടന്ന സമ്മേളനം ലോക മലയാളി കൌണ്‍സില്‍ ആഗോള ചെയര്‍മാന്‍ സോമന്‍ ബേബി ഉദ്ഘാടനം ചെയ്തു.
ദുബായ് പ്രൊവിന്‍സ്‌ പ്രസിഡണ്ട് തോമസ്‌ കൊരത്ത് അദ്ധ്യക്ഷത വഹിച്ചു. കേരളത്തിലും ഗള്‍ഫിലും ആരോഗ്യ മേഖലയിലും, സാമൂഹിക പ്രവര്‍ത്തനത്തിലും തനതായ സംഭാവനകള്‍ നല്‍കി ശ്രദ്ധേയനായ ഡോ. ആസാദ്‌ മൂപ്പനെ തദവസരത്തില്‍ ആദരിച്ചു. മിഡില്‍ ഈസ്റ്റ്‌ ജനറല്‍ സെക്രട്ടറി സാം മാത്യു (റിയാദ്‌) മുഖ്യ സന്ദേശം നല്‍കി.
മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം
ലോക മലയാളി കൌണ്‍സില്‍ നടപ്പിലാക്കുന്ന ഒട്ടേറെ സാമൂഹിക സേവന പദ്ധതികളുടെ ഉദ്ഘാടനം സമ്മേളനത്തില്‍ വെച്ച് നടന്നു. കേരളത്തിലെ 14 ജില്ലകളിലെയും തെരഞ്ഞെടുക്കപ്പെട്ട ഗ്രാമങ്ങളില്‍ നിര്‍ധന വിദ്യാര്‍ത്ഥികളുടെ വിദ്യാഭ്യാസത്തിനും, സ്ത്രീകള്‍ക്ക് സ്വയം തൊഴില്‍ കണ്ടെത്തുന്നതിനും, ഗ്രാമോദ്ധാരണ പ്രവര്‍ത്തനങ്ങള്‍ക്കും ഊന്നല്‍ നല്‍കി ആരംഭിക്കുന്ന “നവകേരള” പദ്ധതിയുടെ ഭാഗമായി കേരളത്തിലെ 1000 നിര്‍ധന വിദ്യാര്‍ത്ഥികള്‍ക്ക് ഈ വര്ഷം കൌണ്‍സില്‍ വിദ്യാഭ്യാസ സഹായം ചെയ്യും.
ലോകത്തില്‍ ഏറ്റവും അധികം മലയാളികള്‍ പ്രവാസികളായി പാര്‍ക്കുന്ന യു. എ. ഇ. യും കേരളവും തമ്മിലുള്ള ബന്ധം മെച്ചപ്പെടുത്തുന്നതിന്റെ ഭാഗമായി നടത്തുന്ന “ഡിസ്കവര്‍ കേരള” എന്ന നൂതന പദ്ധതിയിലൂടെ യു. എ. ഇ. യിലെ വിവിധ മേഖലകളിലെ പ്രമുഖരായ 20 സ്വദേശികളെ തെരഞ്ഞെടുത്ത് കേരളത്തിന്റെ പ്രകൃതി സൌന്ദര്യം ആസ്വദിക്കുന്നതിനും, കായല്‍ ടൂറിസം, എക്കോ ടൂറിസം, വന്യ മൃഗ സംരക്ഷണം എന്നിവ പരിചയപ്പെടുത്തുന്നതിനും, കേരളത്തിന്റെ സംസ്കാരത്തെയും, തനത് കലകളെയും, ആയുര്‍വേദ ചികില്‍സയുടെ അനന്ത സാദ്ധ്യതകളെ കുറിച്ച് മനസിലാക്കുന്നതിനുമായി ദുബായ് പ്രവിശ്യയുടെ സ്പോണ്സര്‍ഷിപ്പില്‍ കേരളത്തിലേക്ക്‌ കൊണ്ട് പോകും.
കേരള പ്രവിശ്യയുടെ ആഭിമുഖ്യത്തില്‍ തിരുവനന്തപുരം മുതല്‍ മഞ്ചേശ്വരം വരെയുള്ള 44 നദികളുടെ സാമ്പിളുകള്‍ ശേഖരിച്ച്‌ പരിശോധിക്കുകയും, റിപ്പോര്‍ട്ട് തയ്യാറാക്കി നദീജല മലിനീകരണ ത്തിനെതിരെ നടത്തുന്ന ബോധവല്‍ക്കരണ പര്യടന പരിപാടിക്കും ദുബായ് പ്രൊവിന്‍സ്‌ സഹായം ചെയ്യും.
യു.എ.ഇ. യുടെ വിവിധ പ്രദേശങ്ങളില്‍ ദുരിതം അനുഭവിക്കുന്നവര്‍ക്ക് നല്‍കുന്ന സഹായ പദ്ധതികളുടെ ഉദ്ഘാടനം സമ്മേളനത്തില്‍ വെച്ച് നിയാസ്‌ അലി നിര്‍വഹിച്ചു. ചെയര്‍മാന്‍ വര്‍ഗ്ഗീസ്‌ ഫിലിപ്‌ മുക്കാട്ട് വിശിഷ്ടാതിഥികള്‍ക്ക്‌ ഉപഹാരങ്ങള്‍ നല്‍കി.
ജൂലൈ 28 മുതല്‍ ദോഹയില്‍ നടക്കുന്ന ലോക മലയാളി സമ്മേളനത്തില്‍ ദുബായ് പ്രോവിന്‍സില്‍ നിന്ന് 20 പ്രതിനിധികള്‍ പങ്കെടുക്കും.
സമ്മേളനത്തോടനുബന്ധിച്ചു ഒട്ടേറെ കലാ സാംസ്കാരിക പരിപാടികളും അരങ്ങേറി.
- ജെ.എസ്.
വായിക്കുക: ലോകമലയാളി കൌണ്‍സില്‍, സംഘടന, സാമൂഹ്യ സേവനം, സാംസ്കാരികം
ദുബായ് : കേരള എക്കണോമിക്‌ ഫോറത്തിന്റെ കീഴില്‍ “കേരളത്തിലെ നിക്ഷേപ അവസരങ്ങള്‍” എന്ന വിഷയത്തില്‍ സെമിനാര്‍ സംഘടിപ്പിച്ചു. ദുബായ് ഫ്ലോറ ഗ്രാന്‍ഡ്‌ ഹോട്ടലില്‍ നടന്ന സെമിനാറില്‍ കേരളത്തില്‍ വളരെയധികം നിക്ഷേപ സാദ്ധ്യതകള്‍ ഉണ്ടെന്നും മലയാളികള്‍, പ്രത്യേകിച്ചും വിദേശ മലയാളികള്‍ വേണ്ട വിധം അവസരങ്ങള്‍ ഉപയോഗിക്കുന്നില്ലെന്നും, കേരളത്തിലെ അസംസ്കൃത സാധനങ്ങള്‍ വിദേശത്ത് കൊണ്ട് പോയി മൂല്യ വര്‍ദ്ധിത ഉല്‍പ്പന്നങ്ങളായി മലയാളികള്‍ക്ക് തന്നെ വില്‍ക്കുന്നു.
നിക്ഷേപകരുടെ ചോദ്യങ്ങള്‍ക്ക് കെ. ഇ. എഫ്. ചെയര്‍മാന്‍ അഡ്വ. നജീതും, കെ. വി. ഷംസുദ്ദീനും മറുപടി പറഞ്ഞു.
- ജെ.എസ്.
വായിക്കുക: പ്രവാസി, സംഘടന, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
