അബുദാബി : സോഷ്യല്‍ നെറ്റ്‌വര്‍ക്ക് മേഖല യില്‍ പുതിയ ചരിത്രം രചിച്ച ബൈലുക്‌സ് മെസഞ്ചര്‍ ‘പട്ടുറുമാല്‍ ഫാമിലി മാപ്പിള സോംഗ് റൂം’ വാര്‍ഷികവും അവാര്ഡ് ദാനവും ജനുവരി 12 വ്യാഴാഴ്ച വൈകുന്നേരം 6 മണിക്ക് അബുദാബി ഇന്ത്യന്‍ ഇസ്ലാമിക് സെന്ററില് നടക്കും. ബൈലുക്‌സ് മെസഞ്ചര്‍ ഓണ്‍ലൈന്‍ ഗായകര്‍ അണിയി ച്ചൊരുക്കുന്ന ഇശല്‍ വിരുന്നും പ്രവാസ ലോകത്ത് മാപ്പിള പ്പാട്ടിനു വേണ്ടി സമഗ്ര സംഭാവനകള്‍ നല്‍കിയ വര്‍ക്കുമള്ള അവാര്ഡ് ദാനവും നടത്താന്‍ അബുദാബി മുസഫയില്‍ ചേര്‍ന്ന പട്ടുറുമാല്‍ അഡ്മിന്‍ മീറ്റില്‍ തീരുമാനിച്ചു. വി. കെ. അബ്ദുള്‍ അസീസ് (ദുബായ്), ഷാസ് ഗഫൂര്‍ , മിസ്ബ മങ്ങാട് എന്നിവരെ ചടങ്ങില്‍ ആദരിക്കും.
ഷഫീല്‍ കണ്ണൂരിന്റെ അദ്ധ്യക്ഷത യില്‍ നടന്ന അഡ്മിന്‍ മീറ്റില്‍ റഫീക്ക് കല്പകഞ്ചേരി, ജാസിം തലശ്ശേരി, ഫര്‍ഹാന്‍ ഗുരുവായൂര്‍ എന്നിവര്‍ സംസാരിച്ചു. സുഹൈല്‍ഷാ സ്വാഗതവും ഹഫി കാസര്‍കോട് നന്ദിയും പറഞ്ഞു. പരിപാടി യുമായി ബന്ധപ്പെട്ട കൂടുതല്‍ വിവരങ്ങള്‍ക്ക് 055 45 90 964, 050 35 46 795, 055 52 79 600 എന്നീ നമ്പറുകളില്‍ ബന്ധപ്പെടണം.
