 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : അബുദാബി കേരളാ സോഷ്യല്‍ സെന്റര് 2011 -12 പ്രവര്‍ത്തന വര്‍ഷത്തെ പ്രവര്‍ത്തന ങ്ങളുടെ ഔപചാരിക ഉദ്ഘാടനം മെയ്‌ 8 ഞായറാഴ്ച രാത്രി 8.30ന് പ്രശസ്ത കഥാകൃത്ത്‌ വൈശാഖനും പ്രശസ്ത കവി പ്രൊഫ. കെ. ജി. ശങ്കരപ്പിള്ളയും സംയുക്തമായി നിര്‍വ്വഹിക്കുമെന്ന് ജനറല്‍ സെക്രട്ടറി അഡ്വ. അന്‍സാരി സൈനുദ്ദീന്‍ അറിയിച്ചു. തുടര്‍ന്ന് കലാപരിപാടി കള്‍ അരങ്ങേറും. യുവ കവി നസീര്‍ കടിക്കാടിന്‍റെ പുസ്തക പ്രകാശനവും നടക്കും.
- pma
വായിക്കുക: ആഘോഷം, കേരള സോഷ്യല്‍ സെന്റര്
റിയാദ് : റിയാദിലെ പയ്യന്നൂര്‍ സൗഹൃദ വേദി വിഷുക്കണി യും വിഷുസദ്യ യും ഒരുക്കി വിഷുകൈനീട്ടം എന്ന പേരില്‍ വിഷു ആഘോഷിച്ചു. റിയാദില്‍ ആദ്യമായി സൌഹൃദ വേദി സംഘടിപ്പിച്ച ഈ വിഷു സംഗമ ത്തില്‍ കേരളീയ വസ്ത്രം ധരിച്ചാണ് വേദി അംഗങ്ങള്‍ പരിപാടി യില്‍ പങ്കെടുത്തത്.
വനിതാ പ്രവര്‍ത്തകര്‍ വിഷു കണി ഒരുക്കി. കെ. പി. അബ്ദുല്‍ മജീദ്, വല്‍സല തമ്പാന്‍ എന്നിവര്‍ ചേര്‍ന്ന് കിട്ടികള്‍ക്കും മുതിര്‍ന്ന വര്‍ക്കുമുള്ള കൈനീട്ടം നല്‍കി. ഉഷാ മധുസൂദനന്‍ വിഷു സന്ദേശം നല്‍കി. മാധ്യമ പ്രവര്‍ത്തകനും കഥാകൃത്തുമായ കെ. യു. ഇഖ്ബാല്‍ (ഗദ്ദാമ) പ്രഭാഷണം നടത്തി.
വിഷുകൈനീട്ടം
ഡോ. ഭരതന്‍, ഇസ്മായില്‍ കരോളം, അഡ്വക്കേറ്റ് സുരേഷ് എം. പി, സനൂപ് പയ്യന്നൂര്‍ തുടങ്ങിയവര്‍ സംസാരിച്ചു. തുടര്‍ന്ന് സൗഹൃദ വേദി അംഗങ്ങള്‍ ഒരുക്കിയ വിഷുസദ്യ ഇരുനൂറിലധികം കുടുംബാംഗങ്ങള്‍ ഒന്നിച്ചിരുന്ന് ഉണ്ടത് അവിസ്മരണീയമായ അനുഭവമായി. രമേശന്‍ കെ പി, ശിഹാബുദ്ധീന്‍, രജിത്, മഹേഷ് തുടങ്ങിയവര്‍ ഒരുക്കുന്നതിനും വിളമ്പി നല്‍കുന്നതിനും നേതൃത്വം നല്‍കി.
വിഷു സദ്യ
തുടര്‍ന്ന് വൈകീട്ട് 6 മണി വരെ കുട്ടികളു ടെയും മുതിര്‍ന്ന വരുടെയും വിവിധ കലാ കായിക പരിപാടി കള്‍ നടന്നു. വിനോദ് വേങ്ങയില്‍, ശ്രീപ്രിയ തുടങ്ങിയവര്‍ ഗാനങ്ങള്‍ ആലപിച്ചു. സാരംഗ്, ഷഹാന, തമ്പാന്‍, നന്ദന, അമൃത, സൂര്യ നാരായണന്‍, തുടങ്ങിയവര്‍ കലാ പരിപാടികള്‍ അവതരിപ്പിച്ചു.
-അയച്ചു തന്നത് : ബ്രിജേഷ് സി. റിയാദ്
- pma
വായിക്കുക: ആഘോഷം, സൗദി അറേബ്യ
ദുബായ് : വടകര എന്‍. ആര്‍. ഐ. ഫോറം ദുബായ് കമ്മിറ്റി യുടെ ഈ വര്‍ഷത്തെ വിഷു ആഘോഷം ‘വിഷുക്കണി 2011’ പ്രശസ്ത മിമിക്രി കലാകാരനും നടനും സംവിധായകനു മായ കെ. എസ്. പ്രസാദ്‌ ഉദ്ഘാടനം ചെയ്തു.
ദുബായ് കരാമ സെന്റര് ഓഡിറ്റോറിയ ത്തില്‍ നടന്ന ചടങ്ങില്‍ പ്രസിഡണ്ട് അഡ്വ. സാജിദ് അബൂബക്കര്‍ അദ്ധ്യക്ഷത വഹിച്ചു. ഡോ. കെ. പി. ഹുസൈന്‍, സി. ആര്‍. ജി. നായര്‍, ഇസ്മയില്‍ മേലടി, സജി പണിക്കര്‍, യു. മോഹനന്‍, ചന്ദ്രന്‍ അയഞ്ചേരി എന്നിവര്‍ സംസാരിച്ചു. പ്രേമാനന്ദന്‍ കുനിയില്‍ സ്വാഗത വും, വി. സുരേന്ദ്രന്‍ നന്ദിയും പറഞ്ഞു.
വിഭവ സമൃദ്ധമായ വിഷു സദ്യയും വടകര എന്‍. ആര്‍. ഐ. ഫോറം അംഗങ്ങള്‍ അവതരിപ്പിച്ച വിവിധ കലാപരിപാടി കളും ഉണ്ടായിരുന്നു. ഗാനമേള, കുച്ചിപ്പുടി, ഭരതനാട്യം, തിരുവാതിര ക്കളി, വിവിധ നൃത്ത നൃത്ത്യങ്ങള്‍ എന്നിവ അരങ്ങേറി.
-അയച്ചു തന്നത് സുബൈര്‍ വെളിയോട്
- pma
ഷാര്‍ജ : ഗുരുവായൂര്‍ നിവാസി കളുടെ പ്രവാസി കൂട്ടായ്മ ‘ഗുരുവായൂര്‍ എന്‍. ആര്‍. ഐ. ഫോറം’ യു. എ. ഇ. ചാപ്റ്റര്‍ സംഘടിപ്പിക്കുന്ന കുടുംബ സംഗമം ‘ഫാമിലി ഫെസ്റ്റ് 2011’ ഏപ്രില്‍ 22 വെള്ളിയാഴ്ച വൈകീട്ട് ആറു മണിക്ക് ഷാര്‍ജ പാകിസ്ഥാന്‍ സോഷ്യല്‍ സെന്ററില്‍ വിവിധ കലാ പരിപാടി കളോടെ നടക്കും.
വിവരങ്ങള്‍ക്ക് വിളിക്കുക: 055 – 55 28 999, 050 – 80 60 821
- pma
ദുബായ് : വടകര എന്‍. ആര്‍. ഐ. ഫോറം ദുബായ് കമ്മിറ്റി യുടെ ഈ വര്‍ഷ ത്തെ വിഷു ആഘോഷം ഏപ്രില്‍ 22 വെള്ളിയാഴ്ച ഉച്ചക്ക് 12 മണി മുതല്‍ ദുബായ് കരാമ സെന്റര് ഓഡിറ്റോറിയ ത്തില്‍ വെച്ച് നടക്കും.
പ്രശസ്ത മിമിക്രി കലാകാരനും നടനും സംവിധായകനു മായ കെ. എസ്. പ്രസാദ്‌ മുഖ്യ അതിഥി ആയിരിക്കും. വിഷു സദ്യ, ഗാനമേള, മിമിക്സ് പരേഡ്, തിരുവാതിര ക്കളി, വിവിധ നൃത്ത നൃത്ത്യ ങ്ങള്‍ എന്നിവ ഉണ്ടായിരിക്കും. എന്നു സംഘാടര്‍ അറിയിച്ചു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
