കാനച്ചേരി കൂട്ടം ഗോൾഡൻ ജൂബിലി ആഘോഷിച്ചു

December 10th, 2024

kanacheri-koottam-uae-golden-jubilee-celebration-ePathram
അബുദാബി : കാനച്ചേരി കൂട്ടം യു. എ. ഇ. യുടെ ഗോൾഡൻ ജൂബിലി ആഘോഷങ്ങൾ വിപുലമായ പരിപാടികളോടെ അബുദാബി ഇന്ത്യൻ ഇസ്ലാമിക് സെൻററിൽ നടന്നു.

പൊതു പരിപാടിയിൽ വൈസ് പ്രസിഡണ്ട് സാജിദ് കെ. എൻ. അദ്ധ്യക്ഷത വഹിച്ചു. കെ. പി. ഇബ്രാഹിം മാസ്റ്റർ പരിപാടി ഉദ്‌ഘാടനം ചെയ്തു. ദീർഘകാല പ്രവാസ ജീവിതം നയിച്ച മുതിർന്ന അംഗങ്ങളായ പി. വി. അബ്ദു റഹിമാൻ ഹാജി, എം. പി.നൂറുദ്ദീൻ, കെ. പി. ഷംസുദ്ദീൻ, പി. വി. അബ്ദുൽ ഖാദർ, പി. അബ്ദുൽ സലാം എന്നിവരെ ആദരിച്ചു.

മുഖ്താർ, ജലീൽ, ഷാഹിദ് എന്നിവർ അവതാരകർ ആയിരുന്നു. ജനറൽ സെക്രട്ടറി ഷമീം ടി. വി. സ്വാഗതവും ട്രഷറർ ഇഖ്ബാൽ മരുവോട്ട് നന്ദിയും പറഞ്ഞു. അംഗങ്ങളുടെയും കുട്ടികളുടെയും വിവിധങ്ങളായ കലാ സാംസ്കാരിക പരിപാടികൾ അരങ്ങേറി.

1974 ൽ അബുദാബിയിൽ രൂപീകരിച്ച കാനച്ചേരി കൂട്ടം, രക്തദാന ക്യാമ്പ് ഉൾപ്പെടെ ഒട്ടേറെ ജീവ കാരുണ്യ പ്രവത്തങ്ങൾ നടത്തി വരുന്നു.

- pma

വായിക്കുക: , , , , , ,

അഭിപ്രായം എഴുതുക »

എം. പി. എൽ. സീസൺ-8 : ഡൊമൈൻഎഫ്സി ജേതാക്കൾ

December 6th, 2024

champians-mpl-season-8-mattul-kmcc-football-tournament-ePathram
അബുദാബി : മാട്ടൂൽ കെ. എം. സി. സി. സംഘടിപ്പിച്ച ഏട്ടാമത് മാട്ടൂൽ പ്രിമിയർ ലീഗ് മത്സരത്തിൽ ഡൊമൈൻ എഫ്സി ചാമ്പ്യന്മാരായി. റൈഡേഴ്‌സ് എഫ്സി തെക്കുമ്പാട് റണ്ണേഴ്‌സ് അപ്പ് നേടി. പത്തിനും പതിനഞ്ചിനും ഇടയിൽ പ്രായമുള്ളവർക്കായി ഒരുക്കിയ ജൂനിയർ എം. പി. എൽ. സീസൺ -1 മത്സരത്തിൽ കേവീസ് എഫ്സി ചാമ്പ്യൻമാരായി. എം. സി. സി. എഫ്സി റണ്ണേഴ്സ് അപ്പായി.

ദേശീയ ദിന ആഘോഷങ്ങളുടെ ഭാഗമായി അബു ദാബി ഹുദരിയാത്ത് മൈതാനത്ത് ഒരുക്കിയ മാട്ടൂൽ പ്രിമിയർ ലീഗ് മത്സരങ്ങൾ ബുർജീൽ ഹോസ്പിറ്റൽ പീഡിയാട്രിക് ഓങ്കോളജി ഡിപ്പാർട്ട്മെന്റ് മേധാവി ഡോ. സൈനുൽ ആബിദ് നിർവ്വഹിച്ചു.

മുസ്ലിം ലീഗ് സംസ്ഥാന ജനറൽ സെക്രട്ടറി പി. എം. എ. സലാം, അബുദാബി കമ്മ്യൂണിറ്റി പോലീസ് മേധാവി ആയിഷ, കെ. എം. സി. സി. നേതാക്കൾ അൻവർ നഹ, യു. അബ്ദുള്ള ഫാറൂഖി, ഹിദായത്തുള്ള തുടങ്ങിയവർ സംബന്ധിച്ചു. എം. പി. എൽ. ചെയർമാൻ സി. എച്ച്. യൂസഫ് അദ്ധ്യക്ഷത വഹിച്ചു.

എം. പി. എൽ. സീസൺ-എട്ട് വിന്നേഴ്സിനുള്ള ട്രോഫിയും ക്യാഷ് പ്രൈസും വെൽടെക് എം. ഡി. ഫൈസൽ സമ്മാനിച്ചു. റണ്ണേഴ്‌സ് അപ്പിനുള്ള ട്രോഫിയും ക്യാഷ് പ്രൈസും കല്യാശ്ശേരി മണ്ഡലം കെ. എം. സി. സി. പ്രസിഡന്റ് മുസ്തഫ സി. എം. കെ. സമ്മാനിച്ചു.

ജൂനിയർ എം. പി. എൽ. സീസൺ-1 മത്സരത്തിൽ ചാമ്പ്യൻമാർക്കുള്ള ട്രോഫിയും മെഡലുകളും ഡോ. സൈനുൽ ആബിദീനും പി. ടി. എച്ച്. മാട്ടൂൽ കേന്ദ്ര കമ്മിറ്റി ജനറൽ സെക്രട്ടറി ടി. പി. അബ്ബാസ് ഹാജിയും ചേർന്ന് സമ്മാനിച്ചു.

മാട്ടൂൽ കെ. എം. സി. സി. കോൽക്കളി ടീം അവതരിപ്പിച്ച കൊൽക്കളിയും സ്ത്രീകൾക്കായി ഹെന്ന മത്സരവും പരിപാടിയുടെ ഭാഗമായി നടന്നു. ആരിഫ് കെ. വി., സി. എം. വി. ഫത്താഹ്, ലത്തീഫ് എം. എന്നിവർ നേതൃത്വം നൽകി. FB PAGE

- pma

വായിക്കുക: , , , ,

അഭിപ്രായം എഴുതുക »

മലബാർ പ്രവാസി ഈദ് അല്‍ ഇത്തിഹാദ് ആഘോഷിച്ചു.

December 4th, 2024

malabar-pravasi-uae-eid-al-etihad-celebration-ePathram
ദുബായ് : മലബാർ പ്രവാസി (യു. എ. ഇ.) യുടെ ആഭിമുഖ്യത്തിൽ ‘ഈദ് അല്‍ ഇത്തിഹാദ്’ ആഘോഷിച്ചു. ദുബായ് കമ്മ്യൂണിറ്റി അതോറിറ്റി സീനിയർ എക്സിക്യൂട്ടീവ് അഹ്‌മദ്‌ അൽ സാബി ഉത്ഘാടനം ചെയ്തു. യു. എ. ഇ. യിൽ സ്വദേശികൾക്കും വിദേശികൾക്കും തുല്യ പരിഗണനയാണ് ലഭിക്കുന്നത് എന്നും സഹിഷ്ണുതയും സമാധാനവുമാണ് രാജ്യത്തിൻ്റെ മുഖ മുദ്ര എന്നും ‘ഈദ് അല്‍ ഇത്തിഹാദ്’ ആഘോഷം ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.

ഡോ. ഖാലിദ് അൽ ബലൂഷി, മുഹമ്മദ് അൽ വാസി എന്നിവർ മുഖ്യ അതിഥികളായി. നെല്ലിയോട്ട് ബഷീർ മാസ്റ്റർ മുഖ്യ പ്രഭാഷണം നടത്തി. യു. എ. ഇ. യുടെ ഉന്നമനത്തിനു വേണ്ടി ജീവ ത്യാഗം ചെയ്തവരെ ചടങ്ങിൽ അനുസ്മരിച്ചു. മലബാർ പ്രവാസി(യു. എ. ഇ.) പ്രസിഡണ്ട് ജമീൽ ലത്തീഫ് അദ്ധ്യക്ഷത വഹിച്ചു.

മോഹൻ എസ്. വെങ്കിട്ട്, മൊയ്തു കുറ്റിയാടി, മുഹമ്മദ് അലി, കിഷോർ, പോൾ, ശങ്കർ, അഷ്‌റഫ് ടി. പി., സുനിൽ പയ്യോളി, ബഷീർ മേപ്പയൂർ, മുരളി കൃഷ്ണൻ, മൊയ്തു പേരാമ്പ്ര, അഹമ്മദ് ചെനായി, നൗഷാദ്, അസീസ് വടകര, സതീഷ് നരിക്കുനി, നാസർ മലപ്പുറം തുടങ്ങിയവർ സംസാരിച്ചു. ജനറൽ സിക്രട്ടറി അഡ്വ. മുഹമ്മദ്‌ സാജിദ് സ്വാഗതവും അഡ്വ. അസീസ് തോലേരി നന്ദിയും പറഞ്ഞു.

- pma

വായിക്കുക: , , , , , , , , ,

അഭിപ്രായം എഴുതുക »

ഈദ് അല്‍ ഇത്തിഹാദ് : കെ. എം. സി. സി. വാക്കത്തോണ്‍ ശ്രദ്ധേയമായി

December 4th, 2024

uae-eid-al-etihad-abudhabi-kmcc-walkathone-ePathram
അബുദാബി : അൻപത്തിമൂന്നാം യു. എ. ഇ. ദേശീയ ദിന ആഘോഷമായ ഈദ് അല്‍ ഇത്തിഹാദ് ദിനത്തിൽ സംസ്ഥാന കെ. എം. സി. സി. കമ്മിറ്റി അബുദാബി കോര്‍ണീഷില്‍ സംഘടിപ്പിച്ച വാക്കത്തോണില്‍ സ്ത്രീ പുരുഷ ഭേദമന്യേ കുട്ടികൾ അടക്കം വിവിധ പ്രായക്കാരായ നൂറുകണക്കിനാളുകൾ അണി നിരന്നു.

കമ്മ്യൂണിറ്റി പൊലീസ് ഫസ്റ്റ് വാറണ്ട് ഓഫീസര്‍ ആയിഷ അൽ ഷെഹി, സംസ്ഥാന കെ. എം. സി. സി. നേതാക്കളായ അഷറഫ് പൊന്നാനി, സി. എച്ച്. യൂസുഫ് എന്നിവര്‍ക്ക് യു. എ. ഇ. ദേശീയ പതാക കൈ മാറി വാക്കത്തോണ്‍ ഫ്‌ളാഗ് ഓഫ് ചെയ്തു.

abudhabi-kmcc-walkathone-53-rd-uae-national-day-eid-al-etihad-ePathram

പോറ്റമ്മ നാടിനോടും ഭരണാധികാരികളോടും നന്ദിയും ഈദ് അല്‍ ഇത്തിഹാദിന് ആശംസകള്‍ അറിയിച്ചു കൊണ്ടുള്ള ഈരടികളുമായും ചതുര്‍ വർണ്ണ ദേശീയ പതാകയേന്തി വാദ്യ മേളങ്ങളുടെ അകമ്പടിയോടെ കെ. എം. സി. സി. നേതാക്കളും പ്രവര്‍ത്തകരും വാക്കത്തോണിൽ അണി നിരന്നു. സംസ്ഥാന കമ്മിറ്റി, വിവിധ ജില്ലാ ക്കമ്മിറ്റികളും പങ്കാളികളായി.

കെ. എം. സി. സി. നേതാക്കളും ഭാരവാഹികളുമായ യു. അബ്ദുല്ല ഫാറൂഖി, എം. പി. എം. റഷീദ്, അഷ്‌റഫ് പൊന്നാനി, സി. എച്ച്. യൂസുഫ്, ഹംസ നടുവില്‍, റഷീദ് പട്ടാമ്പി, അബ്ദുല്‍ ബാസിത് കായക്കണ്ടി, അനീസ് മങ്ങാട്, കോയ തിരുവത്ര, ഷറഫുദ്ദീന്‍ കുപ്പം, ഇ. ടി. മുഹമ്മദ് സുനീര്‍, ഷാനവാസ് പുളിക്കല്‍, അബ്ദുല്‍ ഖാദര്‍ ഒളവട്ടൂര്‍, അന്‍വര്‍ ചുള്ളിമുണ്ട, ഹംസ ഹാജി പാറയില്‍, മൊയ്തുട്ടി വെളേറി, സാബിര്‍ മാട്ടൂല്‍, നിസാമുദ്ദീന്‍ പനവൂര്‍, ഹനീഫ പടിഞ്ഞാറമൂല തുടങ്ങിയവർ നേതൃത്വം നല്‍കി.

- pma

വായിക്കുക: , , , , , , ,

അഭിപ്രായം എഴുതുക »

ദേശീയ ദിനത്തെ വരവേൽക്കാൻ തയ്യാറാക്കിയ ഒഴുകുന്ന ദേശീയ പതാക ശ്രദ്ധേയമായി

December 1st, 2024

artist-anil-kumbanad-water-pumped-uae-national-flag-ePathram

അബുദാബി : യു. എ. ഇ. യുടെ അൻപത്തി മൂന്നാം ദേശീയ ദിനം ‘ഈദ് അൽ ഇത്തിഹാദ്’ വൈവിധ്യമായ രീതിയിൽ ആഘോഷിക്കുകയാണ് പ്രവാസി സമൂഹവും. രാജ്യത്തിനെ അഭിമാന അടയാളമായ പതാകയുടെ ചതുർ വർണ്ണങ്ങളിലുള്ള മിനിയേച്ചർ ഒഴുകുന്ന ജലത്തിൽ നിർമ്മിച്ച് പോറ്റമ്മ നാടിന്റെ ജന്മദിന ആഘോഷങ്ങളിൽ ഭാഗമാവുകയാണ് അബുദാബി മദീനാ സായിദ് ഷോപ്പിംഗ് കോംപ്ലക്സ് നടത്തിപ്പുകാരായ ലൈൻ ഇൻവെസ്റ്റ് മെന്റ് ഗ്രൂപ്പ്.

തൊണ്ണൂറ് സെന്റീ മീറ്റർ വീതിയിൽ ഉള്ള ദേശീയ പതാകയിലെ മൂന്ന് നിറങ്ങൾ ഇരുനൂറ്റി എഴുപത് സെന്റീ മീറ്റർ വീതിയിലാണ് ഒരുക്കിയിട്ടുള്ളത്. നാല് നിറങ്ങളും കൂടെ പതിമൂന്ന് മീറ്റർ നീളം ആണുള്ളത്.

ഇതിലെ ചുവന്ന നിറം രാജ്യത്തെ ഭരണാധികാരി കളുടെ ത്യാഗവും ഊർജവും പ്രതിധാനം ചെയ്യുന്നു. അതിൽ നിന്നും ഒഴുകുന്ന പച്ച നിറം സമൃദ്ധി, വളർച്ച, വെള്ള നിറം വിശുദ്ധി, സമാധാനം, കറുപ്പ് നിറം അന്തസ്സ്, അഭിമാനം എന്ന പ്രമേയ ത്തിലാണ് ഒരുക്കിയിട്ടുള്ളത്.

ലൈൻ ഇൻവെസ്റ്റ്മെന്റ് സ്ഥാപനത്തിലെ സീനിയർ മെയിന്റനൻസ് സൂപ്പർ വൈസറും കലാകാരനുമായ തിരുവല്ല സ്വദേശി അനിൽ കുമ്പനാട് തന്റെ നാല് സഹപ്രവർത്തകരെയും കൂട്ടി ഒഴിവു സമയങ്ങളിൽ തയ്യാറാക്കിയ ഒഴുകുന്ന ദേശീയ പതാക പ്രവർത്തന സജ്‌ജമാക്കുവാൻ നാല്പത്തി അഞ്ച് ദിവസങ്ങൾ വേണ്ടിവന്നു. ഓരോ ചാലുകളിലും ഓരോ നിറ ത്തിലുള്ള വെള്ളം തന്നെയാണ് ഒഴുകുന്നത് എന്നതും പ്രത്യേകതയാണ്.

മാൾ മാനേജർ അബ്‌ദുൾ ഗഫൂർ, ഓപ്പറേഷൻ മാനേജർ ബിജു തോമസ്, മെയിന്റനൻസ് എഞ്ചിനീയർ പ്രതാപ് ചന്ദ്രൻ എന്നിവരുടെ പിന്തുണയും അനിൽ കുമ്പനാടി നു പദ്ധതി ഒരുക്കാൻ കരുത്തേകി.

ഓരോ വർഷങ്ങളിലും വ്യത്യസ്ത ആശയ ങ്ങളിലാണ് അനിൽ കുമ്പനാട് മാളിന്റെ സഹായത്തോടെ രാജ്യത്തിന്റെ ദേശീയ ദിനത്തെ വരവേൽക്കുന്നത്.

- pma

വായിക്കുക: , , , , ,

അഭിപ്രായം എഴുതുക »

6 of 2085671020»|

« Previous Page« Previous « അശോകൻ ചരുവിലിനെ ആദരിച്ചു
Next »Next Page » മനുഷ്യ ജീവിതങ്ങള്‍ ആവിഷ്‌കരിക്കുക എന്നത് സമര മാര്‍ഗ്ഗമായി മാറിയിരിക്കുന്നു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine