അബുദാബി : ആഗോളതലത്തില്‍ ശ്രദ്ധയാകര്‍ഷിച്ച അഞ്ച് മികച്ച സിനിമകള്‍ ഉള്‍‍പ്പെടുത്തി അബുദാബി കേരളസോഷ്യല്‍ സെന്റര്‍, പ്രസക്തി, നാടകസൗഹൃദം, കോലായ, ആര്‍ട്ടിസ്റ്റ ആര്‍‍ട്ട് ഗ്രൂപ്പ് എന്നിവയുടെ സംയുക്താഭിമുഖ്യത്തില്‍ ഫെബ്രുവരി 16 ,17 തിയ്യതികളില്‍ അബുദാബിയില്‍ “ദൃശ്യചലചിത്രോത്സവം” സംഘടിപ്പിക്കുന്നു.
ഫെബ്രുവരി 16 വൈകീട്ട് 8 മണിക്ക് കേരളസോഷ്യല്‍ സെന്റര്‍ മിനിഹാളില്‍, അബുദാബി ഫിലിം കോമ്പറ്റീഷന്‍ ഡയറക്ടര്‍ അലി അല്‍ ജാബ്രി ഉദ്ഘാടനം ചെയ്യും. യു. എ. ഇയിലെ പ്രശസ്ത സിനിമാസംവിധായകന്‍ സൈദ് അല്‍ ദാഹ്രി മുഖ്യാതിഥിയായിരിക്കും. ദൃശ്യ ഫെസ്റ്റിവെല്‍ ഡയക്ടര്‍ അജി രാധാകൃഷ്ണന്‍ അദ്ധ്യക്ഷനായിരിക്കും. തുടര്‍‍ന്ന് സിംഹള സിനിമയുടെ പ്രദര്‍‍ശനം നടക്കും.
നടന്‍ സത്യന്റെ നൂറാം ജന്മ വാര്‍‍ഷികാഘോഷത്തോട് അനുബന്ധിച്ച് മലയാള സിനിമയുടെ ചരിത്രം വിളിച്ചോതുന്ന, പഴയകാല മലയാള സിനിമകളുടെ പൊസ്റ്റ്ര്‍ പ്രദര്ശനവും സംഘടിപ്പിക്കും. പോസ്റ്റര്‍ പ്രദര്‍‍ശനം കെ. എസ്. സി പ്രസിഡന്റ് കെ. ബി. മുരളി ഉദ്ഘാദനം ചെയ്യും. സെക്രെട്ടറി അഡ്വ: അന്‍സാരി സൈനുദ്ദീന്‍ പ്രത്യേകാതിഥിയായിരിക്കും.
ഫെബ്രുവരി 17 രാവിലെ 10 മണി മുതല്‍ ഫ്രഞ്ച്-അറബ്, റഷ്യന്‍, ഇന്ത്യന്‍ ഭാഷകളിലെ നാലുസിനിമകള്‍ പ്രദര്‍‍ശിപ്പിക്കും. എല്‍ലാ പ്രദര്‍‍ശനങ്ങളും തികച്ചും സൌജന്യമായിരിക്കും.
“മനുഷ്യ ബന്ധങള്‍, ധാര്‍‍മിക-നൈതിക മൂല്യങ്ങള്‍, സിനിമയില്‍ ” എന്ന വിഷയത്തില്‍ ഓപ്പണ്‍ ഫോറവും ഉണ്ടായിരിക്കും. പ്രശസ്ത മാധ്യമ പ്രവര്‍‍ത്തകന്‍ മൊയ്ദീന്‍ കോയ വിഷയം അവതരിപ്പിക്കും. കവി കമറുദ്ദീന്‍ ആമയം, ചെറുകഥാകൃത്ത് ഫാസില്‍ , ഫൈസല്‍ ബാവ, സമീര്‍ ബാബു എന്നിവര്‍ പങ്കെടുക്കും.
മലയാള സിനിമാ ചരിത്രത്തെ പുതുതലമുറക്ക് പരിചയപ്പെടുത്തുവാനും, നല്ല സിനിമയെ പ്രോല്‍‍സാഹിപ്പിക്കുവാനുമാണ് മിഡില്‍ ഈസ്റ്റില്‍ ആദ്യമായി ഇത്തരം ഒരു പോസ്റ്റര്‍ പ്രദര്ശനവും ചല ചിത്രോല്‍‍സവവും സംഘടിപ്പിക്കുന്നത് എന്ന് ദൃശ്യ ഫിലിം ഫെസ്റ്റിവെല്‍ ഭാരവാഹികള്‍ അറിയിച്ചു.
അബുദാബി : 2012 ലെ അബുദാബി ശക്തി അവാര്‍ഡു കള്‍ക്കും തായാട്ട് അവാര്‍ഡിനും പരിഗണി ക്കുന്നതിന് സാഹിത്യ കൃതികള്‍ ക്ഷണിക്കുന്നു. പ്രസാധകര്‍ക്കും പുസ്തകങ്ങള്‍ അയയ്ക്കാം. 2009 ജനവരി 1 മുതല്‍ 2011 ഡിസംബര്‍ 31 വരെ ഒന്നാം പതിപ്പായി പ്രസിദ്ധീകരിച്ച മൗലിക കൃതികളാണ് അവാര്‍ഡിനായി പരിഗണിക്കുക. വിവര്‍ത്തന ങ്ങളോ അനുകരണ ങ്ങളോ സ്വീകാര്യമല്ല. നോവല്‍ , ചെറുകഥ, നാടകം, കവിത, സാഹിത്യ വിമര്‍ശനം, ബാല സാഹിത്യം, വിജ്ഞാന സാഹിത്യം (ചരിത്രം, വിദ്യാഭ്യാസം, ശാസ്ത്രം, ഭാഷ, മനഃശാസ്ത്രം, സംസ്‌കാരം, നാടോടി വിജ്ഞാനം, സിനിമ തുടങ്ങിയവ), ഇതര സാഹിത്യ വിഭാഗം (ആത്മകഥ, ജീവചരിത്രം, യാത്രാവിവരണം, സ്മരണ, തൂലികാ ചിത്രം തുടങ്ങിയവ) എന്നീ സാഹിത്യ വിഭാഗ ങ്ങളില്‍പ്പെടുന്ന കൃതി കള്‍ക്കാണ് അബുദാബി ശക്തി അവാര്‍ഡു കള്‍ നല്കുന്നത്. സാഹിത്യ വിമര്‍ശന കൃതിക്കാണ് തായാട്ട് അവാര്‍ഡ്. ബാലസാഹിത്യ ത്തിന് ഏഴായിരത്തി അഞ്ഞൂറ് രൂപയും മറ്റു സാഹിത്യ ശാഖ കള്‍ക്ക് പതിനായിരം രൂപ വീതവുമാണ് അവാര്‍ഡ് തുക. ഇതിനു മുമ്പ് അബുദാബി ശക്തി അവാര്‍ഡോ തായാട്ട് അവാര്‍ഡോ കിട്ടിയിട്ടുള്ള വരുടെ കൃതികള്‍ അവാര്‍ഡിന് പരിഗണി ക്കുന്നതല്ല. അവാര്‍ഡു കള്‍ക്ക് പരിഗണി ക്കുന്നതിനായി പുസ്തക ങ്ങളുടെ മൂന്നു കോപ്പി വീതം കണ്‍വീനര്‍ , അബുദാബി ശക്തി അവാര്‍ഡ് കമ്മിറ്റി , ദേശാഭിമാനി, കൊച്ചി – 17. എന്ന വിലാസ ത്തില്‍ ജനവരി 31 നകം കിട്ടത്തക്ക വിധം അയയേ്ക്കണ്ടതാണ്.
