അബുദാബി : 26ആമത് അബുദാബി ശക്തി തായാട്ട് അവാർഡ് ടി. കെ. രാമകൃഷ്ണൻ പുരസ്കാര സമർപ്പണത്തോട് അനുബന്ധിച്ച് ഒരു മാസം നീണ്ടുനില്ക്കുന്ന ആഘോഷ പരിപാടികളുടെ ഭാഗമായി ശക്തി തിയറ്റേഴ്സിന്റെ ആഭിമുഖ്യത്തിൽ ഒക്ടോബർ 5 വെള്ളിയാഴ്ച്ച രാവിലെ മുതൽ കുട്ടികൾക്കും മുതിർന്നവർക്കുമായി യു.എ.ഇ. തല കവിതാലാപന മൽസരം സംഘടിപ്പിക്കുന്നു.

കേരളത്തിലെ പ്രശസ്തരായ കവികളെ വിധികർത്താക്കളായി സംഘടിപ്പിക്കുന്ന മൽസരം 18 വയസിനു താഴെയും 18 വയസിനു മുകളിലും എന്ന അടിസ്ഥാനത്തിൽ 2 ഗ്രൂപ്പുകളായി തരം തിരിച്ചിരിക്കുന്നു.

പങ്കെടുക്കാൻ താല്പര്യമുള്ളവർ തങ്ങൾ ആലപിച്ച കവിതകളുടെ ഓഡിയോ കോപ്പി സഹിതം സാഹിത്യ വിഭാഗം സെക്രട്ടറി, അബുദാബി ശക്തി തിയറ്റേഴ്സ്, പോസ്റ്റ് ബോക്സ് നമ്പർ 25139, അബുദാബി എന്ന വിലാസത്തിലോ sakthiliterarywing@gmail.com എന്ന ഈമെയിലിലോ സെപ്റ്റംബർ 25നകം പേര് റെജിസ്റ്റർ ചെയ്യണം എന്ന് സംഘാടകർ അറിയിച്ചു. കൂടുതൽ വിവരങ്ങൾക്ക് 050 6921018 എന്ന നമ്പറിൽ ബന്ധപ്പെടുക.