അബുദാബി : ഭാരതീയ വിദ്യാഭവന്‍ അബുദാബിയില്‍ പ്രവര്‍ത്തനം ആരംഭിക്കുന്നു. സി. ബി. എസ്. ഇ. പാഠ്യ പദ്ധതി പിന്തുടരുന്ന സ്ക്കൂളിലേയ്ക്കുള്ള പ്രവേശനം ഈ മാസം 15നു ആരംഭിക്കും. ആദ്യ ഘട്ടത്തില്‍ കെ. ജി. വണ്‍ മുതല്‍ നാലാം ക്ലാസ് വരെയാണ്‌ പ്രവേശനം നല്‍കുന്നത്. ഒരു ക്ലാസില്‍ പരമാവധി 25 വിദ്യാര്‍ത്ഥികള്‍ക്കാണ്‌ പ്രവേശനം നല്‍കുക. നാലാം ക്ലാസ് വരെയുള്ള കുട്ടികള്‍ക്ക് ഹോം വര്‍ക്ക് ഉണ്ടാകില്ല എന്ന പ്രത്യേകതയും ഉണ്ട്. ഓരോ ക്ലാസിലും ലൈബ്രറി തുടങ്ങി ഒട്ടേറെ സൗകര്യങ്ങളോട് കൂടിയാണു ഈ വിദ്യാലയം സജ്ജമാക്കിയിരിക്കുന്നത്. സ്വകാര്യ ട്യൂഷന്‍ പ്രോല്‍സാഹിപ്പിക്കാതെ കൂടുതല്‍ സഹായം ആവശ്യമുള്ള കുട്ടികള്‍ക്ക് പ്രത്യേക പരിശീലനം നല്‍കുവാനും പദ്ധതിയുണ്ട്.
അടുത്ത വര്‍ഷം ഏപ്രില്‍ മുതല്‍ അഞ്ചാം ക്ലാസ് മുതല്‍ എട്ടാം ക്ലാസ് വരെ കൂടി ആരംഭിക്കും.
ദിബ്ബ കൈരളി സാംസ്‌കാരിക വേദി കുട്ടികള്‍ക്കായി വിജ്ഞാന ക്ലാസ്സുകള്‍ സംഘടിപ്പിക്കുന്നു. ജൂലായ് 19 തിങ്കളാഴ്ച മുതല്‍ തുടങ്ങുന്ന ‘അവധിക്കാല വിജ്ഞാന കളരി’ എല്ലാ തുറകളിലും ഉള്ള കുട്ടികള്‍ക്കും വേണ്ടി മലയാളം, വ്യക്തിത്വ വികസനം എന്നി വിഷയ ങ്ങളില്‍ പ്രഗല്‍ഭ രായവര്‍ ക്ലാസ്സുകള്‍ എടുക്കുന്നു ഈ അവസരം ഉപയോഗ പ്പെടുത്തുന്ന തിന്നായി വിളിക്കുക
ജുബൈല്‍ : ജുബൈല്‍ ഇന്ത്യന്‍ സ്കൂള് മാനേജിംഗ് കമ്മിറ്റി ചെയര്‍മാനായി മലയാളിയായ ഇബ്രാഹിം പൊട്ടേങ്ങല്‍ തെരഞ്ഞെടുക്കപ്പെട്ടു. ഇന്ത്യന്‍ എംബസി പ്രതിനിധി അമിത്‌ മിശ്ര, സൗദി വിദ്യാഭ്യാസ മന്ത്രാലയം ഡയറക്ടര്‍ മുബാറക്‌ എന്നിവര്‍ തെരഞ്ഞെടുപ്പിന് മേല്‍നോട്ടം വഹിച്ചു. പുതിയതായി തെരഞ്ഞെടുക്കപ്പെട്ട അംഗങ്ങളുടെയും സ്ക്കൂള്‍ അധികൃതരുടെയും യോഗത്തില്‍ വെച്ച് പുതിയ ചെയര്‍മാന്‍ ഇബ്രാഹിം പൊട്ടേങ്ങല്‍ ചുമതല ഏറ്റെടുത്തു.
അബുദാബി : അബുദാബിയിലെ സണ്‍റൈസ്‌ ഇംഗ്ലീഷ്‌ പ്രൈവറ്റ്‌ സ്ക്കൂളിലെ വിദ്യാര്‍ത്ഥികള്‍ സി. ബി. എസ്. ഇ. പത്താം തരം പരീക്ഷയിലും മികച്ച പ്രകടനം കാഴ്ച വെച്ചതായി സ്കൂള് പ്രിന്‍സിപ്പല്‍ സി. ഇന്‍ബനാഥന്‍ അറിയിച്ചു. പരീക്ഷയ്ക്കു ഹാജരായ മുഴുവന്‍ വിദ്യാര്‍ത്ഥികളും വിജയിക്കുകയും പതിനൊന്നാം തരത്തിലേയ്ക്ക് പ്രവേശനത്തിനുള്ള യോഗ്യത നേടുകയും ചെയ്തു.
