അബുദാബി : ഇന്ത്യന്‍ മീഡിയ അബുദാബി യുടെ ആഭിമുഖ്യ ത്തില്‍ എയര്‍ ഇന്ത്യാ എക്‌സപ്രസ് ബാഗേജ് പരിധി വെട്ടി ക്കുറച്ചതിന് എതിരെ വിവിധ സാമൂഹിക സാംസ്‌കാ രിക സംഘടനാ പ്രതിനിധി കള്‍ ബുധനാഴ്ച രാത്രി പത്തരക്ക് അബുദാബി യില്‍ നിന്ന് ഡല്‍ഹിക്കു പോകും.
പ്രധാന മന്ത്രി മന്‍ മോഹന്‍ സിംഗ്, വ്യോമയാന മന്ത്രി അജിത്‌ സിംഗ്, സഹ മന്ത്രി കെ. സി. വേണു ഗോപാല്‍, പ്രവാസി കാര്യ മന്ത്രി വയലാര്‍ രവി, കേരളത്തില്‍ നിന്നുള്ള മറ്റു മന്ത്രിമാര്‍, എം. പി. മാര്‍ എന്നിവരെയും നിവേദക സംഘം നേരില്‍ കണ്ടു ബഗേജ് പരിധി വെട്ടി ക്കുറക്കുന്ന തിലൂടെ പ്രവാസി കള്‍ക്കു വരാനിരിക്കുന്ന ദുരിതത്തെ ക്കുറിച്ചു വിശദീ കരിക്കും. പ്രവാസികളെ വെട്ടിലാക്കുന്ന തീരുമാനം പിന്‍വലിപ്പി ക്കാന്‍ കഴിയുന്ന സമ്മര്‍ദ്ദം ചെലുത്താന്‍ കേരള ത്തില്‍ നിന്നുള്ള എം. പി. മാരുടെ സഹായം തേടും.
ഇന്ത്യന്‍ മീഡിയ അബുദാബി പ്രസിഡന്റ് ടി. എ. അബ്ദുല്‍ സമദ്, ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്റര്‍ പ്രസിഡന്റ് ജോയ് തോമസ് ജോണ്‍ എന്നിവരുടെ നേതൃത്വ ത്തിലാണ് വിവിധ സാമൂഹിക സാംസ്‌കാരിക സംഘടനാ പ്രതിനിധി കളുടെ നിവേദക സംഘം ബുധനാഴ്ച രാത്രി പത്തരക്ക് ഡല്‍ഹിക്കു പുറപ്പെടുക.
മലയാളി സമാജം പ്രസിഡന്റ് മനോജ് പുഷ്കര്‍, ജനറല്‍ സെക്രട്ടറി ഷിബു വര്‍ഗീസ്, ഇന്ത്യന്‍ ഇന്റര്‍നാഷണല്‍ കള്‍ചറല്‍ സെന്റര്‍ ജനറല്‍ സെക്രട്ടറി ഹമീദ് ഈശ്വരമംഗലം, ഇന്ത്യന്‍ മീഡിയ വൈസ് പ്രസിഡന്റ് ആഗിന്‍ കീപ്പുറം, എമിറേറ്റ്‌സ് ഫ്രട്ടേനിറ്റി ഫോറം പ്രസിഡന്റ് എ. എം. ഇബ്രാഹിം എന്നിവരും സംഘത്തിലുണ്ട്. ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി കൊച്ചി യില്‍ നിന്ന് ഡല്‍ഹി യിലെത്തി സംഘത്തോടൊപ്പം ചേരും.
അബുദാബി : ഗള്‍ഫ് രാജ്യങ്ങളിൽ നിന്ന് ഇന്ത്യ യി ലേക്കുള്ള ബാഗേജ് അലവൻസ് എയർ ഇന്ത്യാ എക്സ്പ്രസ് 30 കിലോ യിൽ നിന്ന് 20 കിലോയായി വെട്ടി ക്കുറച്ചതിന് എതിരെ അബുദാബി യിൽ പ്രതിഷേധം കത്തിക്കയറുന്നു.
